Gamalt morð

Í kistu á ég gamalt morð.

þar myrti ég gleðikonu og grínista

sem bæði voru gamanleikarar

og skemmtilegasta fólk.

Nú liggur það allt í tætlum

ofaní kistunni,

því um daginn tók ég morðið upp

og áður en varði leystist það.

Það var líka illa bundið

og orðið voðalega gamalt.

Þetta varð svo fréttamatur

um kvöldmatarleitið daginn eftir,

því það er ekki á hverjum degi

sem gömul morð leysast.

Athugasemdir

[Davíð Kristjánsson (IP-tala skráð) 30.8.2009 kl. 00:37]

Ég tek ofan fyrir þér!!!

[Jenný Stefanía Jensdóttir, 30.8.2009 kl. 04:24]

... æ er eitthvað svo ferköntuð,  þarf alltaf að fá svona  krossgátuskýringar  til að skilja svona!  Þóttist skilja fyrri partinn, en er ekki alveg að ná þeim síðari.  En ........ maður á náttlega aldrei að spyrja skáldin hvaða hvatar voru að baki ..... eða hvað?

Og þá spyr Svanur; hvernig skildirðu fyrri partinn?

Og þá svara ég:  "ekki dæma eftir útlitinu, atgvervinu,  starfinu, neinn mann, neina konu!"

[Brattur, 30.8.2009 kl. 22:04]

Flott Svanur... já verulega flott... takk fyrir !

[Svanur Gísli Þorkelsson, 31.8.2009 kl. 02:25]

Takk fyrir það drengir.

Flottar skýringar hjá þér Jenný. Niðurlagið sem fyrri parturinn eru dálítill orðaleikur með alvöru ívafi. Ég er lík-a að atast út í orðalag frétta.