Michael Jackson bloggar hér!

Ég veit ekki af hverju Michael Jackson kaus að senda mér þetta skeyti og biðja mig um að þýða það og birta það hér á blogginu.

Kannski er það vegna þess að hann veit að ég er svo frjálslyndur. Það er næstum sama hvaða vitleysa er í gangi, ég lep það upp og birti eitthvað um það hér á blogginu, svo fremi sem mér finnst fyrirsögnin geta verið flott.  

Eða kannski er það vegna þess að ég var aldrei yfir mig hrifinn af Jackó þótt mér fyndist hann góður sjómaður og nú er hann að gera lokatilraunina til að vinna mig á sitt band.

Alla vega ætla ég að verða við bón hans í þetta sinn og birta skeytið frá honum sem er það fyrsta sem hann hefur sent frá sér, eftir því sem ég best veit, eftir að hann lést.

Kæru vinir.

Allar fréttir um að ég sé enn í tölu lifenda eru stórlega ýktar. Það er alveg rétt sem fram hefur komið í fréttum að ég sofnaði og hef ekki vaknað aftur.

Ástæðan fyrir að ég sendi þetta skeyti er að mig langar að koma sérstökum skilaboðum til ykkar.

En fyrst langar til að koma því á framfæri við alla íslenska aðdáendur mína og bara alla Íslendinga að gefast ekki upp þótt móti blási. Ég vil að þeir viti að þeir eiga alla mína samúð á þessum síðustu og erfiðustu tímum.  Ég veit nefnilega af eigin reynslu hvað það er þegar manni finnst útlitið vera heldur dökkt. Ég hef fundið fyrir því á eigin skinni get ég sagt ykkur. Og hvernig það er að vera smáður af fólki sem ekkert þekkir mann. Ég var líka, eins og þið, neyddur til að borga háar upphæðir fyrir hluti sem ég átti enga sök á. Og ég veit svo sannarlega hvað það er að vera blankur en þykjast eiga peninga, eftir að hafa verið rændur af einhverjum fjármálaspekingum. Ég tala því af reynslu.

Þá eru það skilaboðin sem mér fannst að ég yrði að senda ykkur eftir að ég heyrði hversu hræðilegt útlitið hjá ykkur er eftir bankahrunið og allt það.

Þannig er að ég fann snemma fyrir því að mér líkaði ekki við andlitið á mér. Ég gekkst því undir all-margar lýtaaðgerðir.  En það var alveg sama hversu mikið mér var breytt, ég var aldrei alveg ánægður með útlitið. Á endanum endaði ég uppi með ónýtt nef framan í mér og mér var sagt af lýtalækninum mínum að ef hann hreyfði meira við því mundi það detta alveg af.

Nú veit ég að útlitið hjá mörgum ykkar á Íslandi er svart, eins og það var hjá mér og meira að segja svo slæmt hjá sumum ykkar að þið eruð að hugsa um að flýja land.

Það finnst mér óheillaráð. Útlitið er nefnilega ekki allt. Ég reyndi að flýja mitt útlit og endaði uppi næstum neflaus. 

Þið verðið að sætta ykkur við það sem þið eruð og vera ánægð með það sem Guð hefur gefið ykkur.

Vona svo að þið séuð dugleg við að hlusta á lögin mín og núna er mér alveg sama þótt þið halið þeim niður ólöglega. 

Bestu kveðjur

Michael Jackson

 

Athugasemdir

[Jakobína Ingunn Ólafsdóttir, 27.8.2009 kl. 02:21]

Takk fyrir kveðjuna

[Hildur Helga Sigurðardóttir, 27.8.2009 kl. 02:40]

Þú platar mig ekki svona auðveldlega Svanur Gísli.

Jacko myndi tala við Dorrit á undan þér. Þar sem engin frétt er komin um að Dorrit hafi fengið skilaboð að handan frá M.J. eins og hún þekkir nú marga fræga, lífs og liðna, liggur ljóst fyrir að þú ert einfaldlega að ljúga þessum skilaboðum upp á sjálfan þig.

Never kid a kidder !

[Jenný Stefanía Jensdóttir, 27.8.2009 kl. 02:43]

Myndi vilja smakka það sem er í glasinu þínu í kvöld  ;)

[Hildur Helga Sigurðardóttir, 27.8.2009 kl. 04:21]

Svona eins og konan sem sat á næsta borði við Meg Ryan þegar hún feikaði fullnæginguna í hvaðhétnúafturmyndin og sagði "Ég ætla að fá það sama og hún" ?

[Lissy (IP-tala skráð) 27.8.2009 kl. 08:05]

That was Rob Reiner's mother, by the way, sitting next to Meg Ryan.

[Svanur Gísli Þorkelsson, 27.8.2009 kl. 14:20]

Hildur; ég sé það núna, þessu hefur verið forwardað frá Dorrit.

Bíbí, ég kem þessu áleiðis.

Jenný; ég sendi þér uppskriftina...

Lizzy, mikið rétt, Estelle Reiner segir þessa setningu sem er ein af frægustu setningum kvikmyndasögunnar samkvæmt amerískum stöðlum.

Right up there with “You know how to whistle, don’t you, Steve? You just put your lips together and blow" og ”‘Frankly, my dear, I don’t give a damn!’

[Jenný Stefanía Jensdóttir, 27.8.2009 kl. 14:43]

Jamm HH myndin addna you got mail með honum addna Billy Crystal. 

Svanur bíð spennt og býð svo öðrum memm.

[Svanur Gísli Þorkelsson, 27.8.2009 kl. 15:04]

Eða"When Harry met Sally".....

OK, hér kemur blandan Jenný;

Þú tekur nokkrar töflur af Demerol, Vicodin og Dilaudid,  Xanax og Zoloft, Soma,  Prisolec og Paxil og mylur þær útí glas af heitri mjólk. Hærir vel í glasinu og sötrar þetta fram eftir nóttu.

[Svanur Gísli Þorkelsson, 27.8.2009 kl. 18:17]

http://www.youtube.com/watch?v=F-bsf2x-aeE

[Jenný Stefanía Jensdóttir, 27.8.2009 kl. 19:56]

... og ef ég drekk þetta, þá verður þú pottþétt ákærður fyrir manndráp, eins og fór fyrir lækni hins liðna eða óliðna MJ ,  jabb harry met sally var það!

[Svanur Gísli Þorkelsson, 27.8.2009 kl. 21:00]

Það er í góðu lagi Jenný, ef þú ert til í að borga  mér 150.000 pund fyrir seiðinn.

[Hildur Helga Sigurðardóttir, 27.8.2009 kl. 23:13]

Ekki gleyma að breyta erfðaskránni þinni Jenny -Gísla í hag- áður en þú smakkar á blöndunni hans.

[Kalikles, 29.8.2009 kl. 15:57]

Er seiðinn falur, á láni með veði í norðurljósunum'(slakari veð hafa verið tekin gild)!

[Svanur Gísli Þorkelsson, 29.8.2009 kl. 16:03]

Jenný er búin að bæta einhverjum bakverkjalyfjum í súpuna og þá get ég ekki lengur tekið neina ábyrgð á henni.

Norðurljósin hefðu verið fín veð, en það er víst þýskur barón sem á þau eftir að Einar Ben seldi afa hans þau fyrir margt löngu. - Áttu ekki regnboga-veð?