Risabolinn Chilli

Hann heitir Chilli og hann er stundum kallaður "góðlyndi risinn" sem er eins gott fyrir Töru Nirula, stúlkuna sem sér um hann og sést hér á meðfylgjandi mynd.  Chilli hefur orð á sér fyrir að vera ljúflingur og hvers manns eftirlæti.

Eigendur Chilli hafa haft samband við heimsmetabókina sem nú metur gögnin um það hvort nautið er mögulega það stærsta í Bretlandi.

Þetta svarthvíta frísneska ungnaut vegur meira en eitt tonn og er sex fet og sex tommur á hæð sem er einni tommu hærra en hæsta naut Bretlands er skráð í dag.

Þrátt fyrir stærð sína, hefur Chilli aldrei verið alinn á neinu nema venjulegu grasi og sælgæti endrum og eins.

Tuddinn er næstum jafn hár og hann er langur sýndi þess snemma merki að hann mundi verða stór, en hann var skilinn eftir á tröppunum á  Ferne dýraskjólinu í Chard, Somerset, aðeins sex daga gamall ásamt systur sinni sem aldrei hefur stækkað neitt umfram aðrar kýr. 

Núna, níu árum seinna er Chilli enn að stækka og trúlega fer hann langt yfir núverandi hæðarmet kusa í Bretlandi og jafnvel í heiminum en það á bolinn  Fiorino sem býr á Ítalíu og er sex fet og átta tommur á hæð.

Stærð Chilli varð fyrst áþreifanleg þegar einhver tók eftir því að hann passaði ekki lengur í básinn sem honum var ætlaður í fjósinu.

(Það minnir nokkuð á ástæðuna fyrir því að aldrei var farið út í að splæsa gen íslenska kúakynsins við það norska, því þótt það mundi eflaust auka mjólkurframleiðslu þess íslenska, mundi um leið þurfa að stækka alla bása í íslenskum fjósum og af því hljótast mikill kostnaður)

Athugasemdir

[Óskar Þorkelsson, 25.8.2009 kl. 22:59]

þetta er almennilegur tuddi.. nokkur hunruð hamborgarar :)

[Svanur Gísli Þorkelsson, 25.8.2009 kl. 23:15]

8000 kvartpundarar :)

[Lissy (IP-tala skráð) 25.8.2009 kl. 23:18]

And a real looker, to boot!

[Jóna Kolbrún Garðarsdóttir, 26.8.2009 kl. 01:43]

Fallegur er bolinn, en eru myndirnar ófalsaðar?  Mér finnst bolinn ótrúlega stór miðað við konuna sem heldur í hann á myndinni. 

[Svanur Gísli Þorkelsson, 26.8.2009 kl. 01:51]

Jóna, myndirnar eru ófalsaðar þótt e.t.v. sé beitt sjónarhornum sem ýkja stærð hans. T.d. stendur stúlkan á annarri myndinni greinilega í halla eða brekku og því neðar en tuddinn.