Kynlíf í kvöld

Hætt er við að spennan sem hefur verið að hlaðast upp í fólki smá saman undanfarnar vikur og jafnvel mánuði, nái hámarki í kvöld, þegar kjörstöðum verður lokað og byrjað verður að telja upp úr kössunum. Víst er að Það verður spennufall hjá mörgum seinni hluta kvöldsins þegar úrslit verða staðfest og því mikilvægt að vita hvernig hægt er að bregðast við því. -

Framvindan um myndun stjórnar eftir kosningar er nokkuð skýr og fyrirsjáanleg, þannig að ekki verður nein veruleg spenna tengd henni. XV og XS munu mynda stjórn og í stjórnarandstöðu verða XO, XB og XD. En hvort sem þú telur að þú hafir unnið eða tapað kosningunum, aukið völd þín eða tapað þeim, er viðbúið að í þér búi langvaraandi streita sem leita muni útrásar í kvöld.

Það er samdóma álit lækna og sérfræðinga að besta leiðin til að bregðast við spennufalli sé að beina hinni innlokuðu orku inn í kynlífið. 

Kynlíf og spenna eru mjög tengd. Spenna hefur oft verið sögð orsök minni kynþarfar en jafnframt er kynlíf oft besta leiðin til að losa um spennu. Þeir sem eru í vafa um undursamleg áhrif kynlífs á heilsu og líf okkar, geta lesið hér  og hér stuttar greina um efnið.

Athugasemdir

[Þorvaldur Guðmundsson, 25.4.2009 kl. 14:11]

Ætli það verði titringur á skjálftamælum veðurstofnunar eftir fyrstu tölur. Setjum öll X við kynlíf eftir lokun kjörstaða

[Jenný Stefanía Jensdóttir, 25.4.2009 kl. 16:25]

Huxa að þjóðin öll hafi gargandi þörf fyrir einn.

[gp (IP-tala skráð) 25.4.2009 kl. 21:42]

Góð hugmynd eða - talarðu af reynslu? Ég á eina góða minningu af spennufalli á kosninganótt