Hvar eru allir japönsku skóladrengirnir?

Sumardagurinn fyrsti heilsaði mér með sólskini og bros á vör. Ég kreisti fram hálfkarað glott til baka. Þegar ég rölti niður í miðbæ til að drekka morgunkaffið mitt voru rónarnir þegar vaknaðir og sötruðu morgunbjórinn sinn, reyktu og glugguðu í frýju dagblöðin. Sum höfðu greinilega verið ábreiður þeirra um nóttina.

Þegar sólin skín brosir fólk meira. Kaffið bragðast líka betur. Stúlkurnar eru léttstígari og strákarnir flexa vöðvunum meira í stuttermabolunum. Ég sé að blikið í augum götusalanna er skærara og einhvern veginn lítur vara þeirra betur út líka. Japönsku skólastelpurnar fara um bæinn tvær og tvær og rýna í kortin sín. Hversvegna sjást japanskir skóladrengir aldrei á ferð?

Fréttirnar í blöðunum eru samt jafn leiðinlegar og áður, kannski enn leiðinlegri. Söngleikur um Jade Goody í startholunum...vá eitthvað sem ég get ekki beðið eftir að sjá. Darling sjóðstjóri segir að best sé að bregðast við kreppunni með því að gera ekki neitt og láta sem allt sé eðlilegt...Condoleezza Rice með í ráðum þegar  Zubaydah var pyntaður með "vatnsborðsaðferðinni" 83 sinnum Khalid Sheikh Mohammad 183 sinnum...og mér sem fannst hún alltaf svo brosmild og viðkunnanleg...Kannski var það bara af því hún var kona, svört kona. 28 manns dánir í enn einni sprengjunni í stríðinu sem er löngu lokið í Írak...Næstum því heimsendir 2012 þegar sólvindar slá út öllu rafmagni, eyðileggja gervihnettina og Internetið.....and so on and so on.

 

Athugasemdir

[Rut Sumarliðadóttir, 23.4.2009 kl. 14:19]

Eiginlega mesta furða að maður tóri enn? En allt lítur betur út í sólarljósinu. Ekki beint sumarlegt hérna í Keflavíkinni í dag en samkvæmt gömlum veðurathugunum veit það á gott sumar að vetur og sumar frjósi saman. Það snjóaði í nótt! Mér finnst það hálgerður kvikindisskapur þegar fólk er að lýsa sól og sumargleði fyrir okkur sem förum helst ekki út fyrir hússins dyr vegna roks og rigningar.

Úff, hélt þetta sama með Rice, þar sem hún er úr "minnihlutahóp" þ.e. svört kona but Rice is not nice!

[Óskar Þorkelsson, 23.4.2009 kl. 16:23]

vi gir ris til Rice