Mikil litadýrð í íslenskri pólitík, segir Dr. Phil

Dr. Phil sem spáir í tölur, bókstafi og liti sendi mér orðsendingu þar sem hann spáir í ástandið á Íslandi og hvernig hið pólitíska landslag kemur honum fyrir sjónir næstu vikur. Hann sagði réttilega fyrir um að viðbótar-framboðin við F, V,S,D, og B listana yrðu; P,L, og O. Sjá hér

Það var í fyrsta sinn sem hann spáði fyrir um óorðna hluti sem tengjast landinu fyrir utan þá sem tengjast gengi handboltalandsliðs karla, nú síðast um leikinn gegn Eistum. Hann lofaði eftir leikinn að gera  kosningunum sem framundan eru nánari skil, en vegna þess að margir hafa um það beðið, féllst hann á að gera einskonar milli spá um stöðuna fram að kosningum.

Millispá Dr. Phils.

Mikil ólga er í litunum á Ísandi þessa dagana og þeir minna helst á norðurljósin.

Litirnir sem núna ólga munu skjótt byrja að blossa á þann hátt sem íslendingar hafa aldrei orðið vitni að áður. Í stuttan tíma munu litirnir leyftra með ofsa og reyna að sundra hver öðrum, en verða svo skýrir aftur. 

Tveir grænir litir eru nokkuð áberandi, annar verður daufari en hann hefur nokkru sinni áður verið, hinn skærari en hann hefur nokkru sinni verið. Tengsl eru á milli litanna sem varða brúna og gráa litinn.

Bláu litirnir eru líka tveir og þar yfirtekur sá sterk-blái ljósbláa litinn þannig að hann sést varla.

Rauði liturinn er mest áberandi um þessar mundir og hann mun halda styrk sínum.

Á milli þessara lita má sjá appelsínugult flökt sem er mjög áberandi en samt veikt. Framtíð þess er mjög óljós og veltur á eldingunni. 

 Aðrir litir eru svo óskýrir að þeir greinast ekki.

Yfir öllum þessum litadansi liggur risastór himinblár og styrndur hjúpur sem allir litir óttast. Sérstaklega þó fánalitir þjóðarinnar.

Af bókstöfum er það að segja að allt er við það sama nema að P er orðið ansi dauft og óvíst að hann verði meðal hinna stafanna á ögurstundu.

PS. 

Viku fyrir kosningar mun ég segja þér nákvæmlega hvernig tölustafirnir haga sér. Eitt get ég samt sagt um þær nú; Þeir hafa aldrei fyrr verið eins lágir og aldrei fyrr verið eins háir.

Athugasemdir

[gp (IP-tala skráð) 28.3.2009 kl. 11:03]

hmm ... þetta er eins og lesið úr skoðanakönnunum undanfarinna daga. Tveir flokkar, P og O, virðast nota appelsínugulan lit. Spurningin er hvaðan koma brúnu og gráu litirnir? og hvað PS táknar. Styrkur rauða litsins að loknum kosningum mun væntanlega ráða því hvort óttast þurfi um íslenska fánann undir himni ESB. Mikilvægustu skilaboðin og óttalegustu úr þessari spá.

[Svanur Gísli Þorkelsson, 28.3.2009 kl. 11:21]

Hmm... Já gp, grái og brúni liturinn, það eru  jarðarlitir ekki satt. Hver eru tengsl Vinstri grænna og Framsóknar í gegnum jörðina? Og hvaða áhrif hafa þau tengsl á kjósendur. Eru margir fyrrum Framsóknarmenn sem ætla að kjósa VG?  Mér finnst merkilegast við þetta litatal allt saman að hann spáir mjög harðri kosningabaráttu, harðari enn nokkru sinni fyrr, eins og ég skil þetta. Er annars L flokkurinn ekki með fánalitina? Svo efast hann um að P nái að koma saman framboði. En hvað á hann við með "eldingunni" (thunder) ? Kannski á að þýða þetta "þrumunni"  Þór er reyndar þrumuguðinn. Það er margt í þessu þegar að er gáð. En þetta er nú bara millispá. Það reynir ekkert á hann fyrir alvöru fyrr en viku fyrir kosningar.

[gp (IP-tala skráð) 28.3.2009 kl. 12:00]

.... grái og brúni - datt fyrst í hug drulla og skítur, sem er nátúrulega jörð :) Umhverfissjónarmið hafa augljóslega minna vægi í hugum fólks nú en í síðustu kosningum. Hræðsla um efnahagslega og veraldlega afkomu er þessum grunngildum yfirssterkari. Sem er skítt. Eldingin eða þruman - ímynda mér að sé eitthvað óvænt - sem er bara spennandi, hvort sem Þór kemur þar við sögu eða ekki. Millispá eða lestur í ástandið eins og það er nú - er það ekki það sama. Fánalitirnir íeru vissulega  Listabóksstaf L-listans - en þeir eru nú sennilega svo óskýrir að þeir varla greinast. En það verður gaman að heyra meira.

[Katrín Snæhólm Baldursdóttir, 29.3.2009 kl. 09:04]

Endilega láttu mig vita þegar dr Phil gerir næstu spá. Þetta er spennandi. Trí því að appelsínuguli liturinn hafi eitthvað með eldinguna að gera sem mun óvænt að margra mati magna litinn