"Sá sem drap Osama Bin Laden"

Í nóvember 2007, skömmu eftir að Benazir Bhutto snéri aftur til heimalands síns Pakistan, tók hinn víðkunni sjónvarpsmaður David Frost við hana sjónvarpsviðtal. Nokkrum dögum áður hafði hún lifað af banatilræði sem varð yfir 100 manns að bana. Frost spurði hana hvort hún vissi hverjir hefðu staðið að baki tilræðisins. Hún svaraði og nefndi meðal annarra á nafn Omar Sheikh og bæti svo við "sá sem drap Osama Bin Laden".

Frost deplaði ekki auga og spurði Benazir ekkert frekar út í málið.

Mánuði áður þegar Benazir var enn í  útlegð í Bretlandi  hafði hún heitið því í öðru viðtali að "hjálpa bandarískum hervöldum í baráttunni gegn Osama Bin Laden ef hún kæmist til valda aftur." 

Osama hefur lítið borið á góma upp á síðkastið. Reyndar fullyrti John McCain sá sem Obama sigraði í forsetkosningunum í Bandaríkjunum "að hann vissi hvernig mætti ná" honum, en að öðru leiti hafa fáir á hann minnst. CIA viðurkenndi t.d. fyrir löngu að "slóð hans væri köld" og að síðustu staðfestu fregnir af honum séu myndband sem gert var í október 2004. Það myndband var tekið í þorpi í Pakistan og sýnir máttfarinn og tekinn mann sem ekki getur hreyft á sér hægri handlegginn.

Þá fullyrða talibanar að þeir séu löngu hættir að taka við skipunum frá samtökum Osama; Al-Qaeda, og hegðun þeirra bendir til að það sé satt.

En hvers vegna er ekki leitað staðfestingar á þessari fullyrðingu Benazir Bhutto í sjónvarpsviðtalinu við Frost?

Hún nafngreinir manninn Ahmed Omar Saeed Sheikh og hann er ekki beint ókunnur leyniþjónustum Pakistan, Bandaríkjanna og Bretlands.

Hann er fæddur ( 23. des. 1973) Breti af pakkistanískum foreldrum og er þekktur fyrir að vera tengdur hinum ýmsu samtökum múslíma, þ.á.m. Jaish-e-Mohammed, Al-Qaeda, Harakat-ul-Mujahideen og Talibana.

Þann 6. oktober 2001 bar CNN fréttastofan ónefndan háttsettan bandarískan fulltrúa fyrir þeirri frétt að komið hefði í ljós að  Ahmed Omar Saeed Sheikh (Sheik Syed), hefði undir nafninu  "Mustafa Muhammad Ahmad" sent 100,000 dollara frá Sameinuðu Araba-furstdæmunum til Mohammed Atta. Atta þessi útdeildi síðan peningum meðal þeirra sem framkvæmdu árásirnar á Bandaríkin 11. sept. sem þá voru staddir í Florida. Atta átti einnig að hafa sent til baka til Furstadæmanna nokkur þúsund dollara sem gengu af greiðslunum til flugvélaræningjanna. Viðtakandi var Ahmed Omar Saeed Sheikh. CNN fékk þetta staðfest síðar.

 Árið 1994 var Omar handtekinn og fangelsaður fyrir þátttöku í mannráni á Indlandi en látinn laus árið 1999 og fluttur til Pakistan þar sem hann var notaður í fangskiptum við Talibani sem héldu föngnum farþegum Indverska flugfélagsins (flug 814).

Omar er samt almenningi  best kunnur fyrir þátttöku sína í ráninu og morðinu á Daniel Porter 2002, blaðamanni sem starfaði fyrir Wall Street Journal. Fyrir það var hann handtekinn af lögreglunni í Pakistan í febrúar 2002 og síðan dæmdur til dauða 15. júlí sama ár. Hann áfrýjaði máli sínu en það hefur enn ekki  verið tekið fyrir af dómsvöldum þar í landi. Töfin á meðhöndlun málsins er rakin til afskipta Pakistannísku leyniþjónustunnar ISI.

Í bók sinni "í skotlínunni" staðhæfir Pervez Musharraf, fyrrum forseti Pakistans, að Omar hafi upphaflega verið í þjónustu bresku leyniþjónustunnar MI6 og hafi verið ráðinn af henni þegar hann stundaði nám í London School of Economics. Hann segir enn fremur að Sheikh Omar hafi verið sendur af MI6 til Balkanlandanna þar sem hann hafi starfað sem leyniþjónustumaður. Að lokum fullyrðir Pervez að Omar hafi skipt um lið og orðið gagnnjósnari eða hreinlega hollustulaus málaliði.

Í réttarhöldunum yfir honum þar sem deilt var um þátttöku hans í aftökunni á Daniel Porter var framburður hans svona; "Ég vil ekki verja þessar gjörðir. Ég gerði þetta....rétt eða rangt, ég hafði mínar ástæður. Mér finnst að land ykkar ætti ekki að sinna þörfum Ameríku".Omar hélt því líka fram við réttarhöldin að hann hefði gefið sig fram við leyniþjónustu landsins ISI, viku áður en hann var síðan handtekinn.

Omhar býður þess enn í fangelsi í Pakistan að áfrýjun hans verði tekin fyrir en lögfræðingar hans segjast munu byggja vörn sína á nýlegri játningu Khalid Sheikh Mohammed að hann hafi banað Daniel Pearl. 

Fram að þessu hefur enginn orð á því við að bera undir Ahmed Omar Saeed Sheikh fullyrðingu Benazir Bhutto sem eins og allir vita lét lífið í sjálfsmorðárós sem á hana var gerð 27. des. 2007. Hverjir stóðu að þeirri árás hefur enn ekki verið upplýst.

Athugasemdir

[Sigrún Jónsdóttir, 24.3.2009 kl. 22:20]

Þetta var fróðleg lesning, takk fyrir.

[Þorsteinn Sch Thorsteinsson (IP-tala skráð) 25.3.2009 kl. 13:12]

Sæll Svanur

Þakka þér fyrir að vekja athygli á þessu máli, það verður að segjast eins og er að þessi grein mjög ýtarleg umfjöllun og góð. Ég var reyndar búinn að reyna fjalla eitthvað um þetta á blogginu hjá mér, eða með youtube- myndbandi þar sem Benazir Bhutto sagði, þetta sama um þann sem drap Osama Bin Laden ( Zíonista lygar aftur og aftur  ). Það eru þessi stóru Bandarísku fjölmiðlasamsteipur ásamt Bandarískum stjórnvöldum sem vilja halda uppi þessari opinberu lygasögu 9/11, eða opinberu lyga samsæriskenningu um19. hryðjuverkamenn al-Qaeda gangandi.

Því er við bæta að 9 af þessum 19  ákærðu hryðjuverkamönnum eru á lífi (http://www.welfarestate.com/911/ ). 

[Ómar Bjarki Kristjánsson, 25.3.2009 kl. 14:22]

Það skrýtna við sendingu umræddra 100.000 dollara til Atta er að þeim link eða slóð virðist lítið hafa verið fylgt eftir. 

Í skýrslu 9/11 nefndarinnar segir varðandi það hvernig meintir hijakkerar fjármögnuðu sig:

"9/11 plotters eventually spent somewhere between $400,000 and $500,000 to plan and conduct their attack" but the "origin of the funds remains unknown." ." (Wiki)

Það að umræddur Omar var nefndur í tengslum við 100 þúsund dollarana hefur vakið grunsemdir sumra og það hve óljóst er á hvers vegum hann var að vinna hefur fóðrað ýmsar spekúleringar. 

[Þorsteinn Sch Thorsteinsson (IP-tala skráð) 25.3.2009 kl. 16:45]

Sæll Ómar

Hver útvegaði eða réði þennan Atta til starfa í Bandaríkjunum? Því að kannski vissi hann (Atta) ekki fyrr en of seint að hann var fórnarlamb (e. Patsy) og sá ekki fyrr en of seint hver var sökudólgurinn (e. Mole) á bak við tjöldin?

Ef þú athugar hérna fedspending.org þá getur séð að Bandarísk stjórnvöld borguðu honum Dominic Suter's Urban Moving Systems (Mossad)  $500,000 Dollara rétt fyrir lok juni 2001, eða fáeinum mánuðum rétt áður fyrir þessar árásir 11. september 2001 . Tilviljun?

[Davíð Kristjánsson (IP-tala skráð) 25.3.2009 kl. 23:00]

Mér finnst augljóst að Osama er löngu dauður.

Síðast þegar hann "kom fram" á myndbandi  þá hafði skegg hans dökknað. Maður sem var kominn með grásprengt skegg. Varla fer maður í hanns stöðu að fara að lita á sér skeggið. Frekar mundi hann raka það af. ´

Osama heitinn var líkur mínu fólki. En maðurinn á bakvið dökka skeggið var smágerðari og svo var röddin önnur.

Það sem hinsvegar bandaríkjamenn hafa þurft á Osama að halda til að réttlæta "Stríð gegn hryðjuverkum" hafa þeir ekki þorað að viðurkenna hann er löngu dauður. Það hefur verið Tabú í þeirra eyrum.