"Góð hugmynd að eignast barn" segir 13 ára faðir

Þegar börn eignast börn, er mál málanna hér í Bretlandi í dag. Alfie Patten er þrettán ára og kærastan hans, Chantelle Steadman er fimmtán ára. Í síðustu viku urðu þau foreldrar. Litla stúlkan þeirra heitir  Maisie Roxanne.

Alfie sem ekki hefur hugmynd um hvað bleyjur kosta en álítur að þær hljóti að vera dýrar, sagði blaðamönnum að honum hefðu fundist það "góð hugmynd að eignast barn."

"Ég var ekkert að pæla í því hvort við hefðum efni á því.

 Ég fæ ekki einu sinni vasapeninga.

Pabbi gefur mér stunum 10 pund. Þegar að mamma frétti af þessu hélt ég að það yrðu vandræði.

Við vildum eiga barnið en höfðum áhyggjur af því hvernig  fólk mundi bregðast við." 

Alfie er ekki hár í loftinu eða 1.25 m. Hann Svaf hjá og barnaði  Chantelle þegar hann var enn aðeins tólf ára.

Kristnir hópar sem leggjast gegn fóstureyðingu hafa borið lof á hugrekki barnanna við að ákveða að eignast barnið.

Mál Alfie og Chantelle hafa enn á aftur vakið athygli á þeirri staðreynd að foreldrar á táningsaldri eru miklu fleiri í Bretalandi heldur en öðrum vestrænum löndum.

 

Fréttin í SUN

Athugasemdir

[Rut Sumarliðadóttir, 13.2.2009 kl. 11:31]

OMG. Þetta er auðvitað vatn á myllu þeirra sem eru á móti fóstureyðingum.

[Kristján Helgason (IP-tala skráð) 14.2.2009 kl. 01:25]

Í den var þessi vísa til, þegar samskonar mál kom upp hér á landi, og var hún ort til varnar föðurnum.

Barnið kennir barni barn,

barnalegt má kalla, 

að halda að barnið, barni barn 

barnið barnar valla.

( hann vann málið )

Önnur vísa kemur upp í hugann, en af öðru tilefni, tilefnið var þegnskylduvinna sem borin var upp á Alþingi fyrir einhverjum mörgum áratugum.

Þá orti einhver, sem mótfallinn var þegnskylduvinnu eftirfarandi vísu:

Ó hve margur yrði sæll

og elska myndi landið heitt,

mætti hann vera í mánuð þræll

og moka skít fyrir ekki neitt.

Tillagan var EKKI samþykkt.

Og hver segir svo að íslenskur kveðskapur hafi ekki áhrif ?

Beztu kveðjur. Kristján. 

[Svanur Gísli Þorkelsson, 14.2.2009 kl. 16:48]

Rut; Mest hefur þessi frétt orðið til að fá fólk til að hugsa um á hvaða leið Bretar séu siðferðilega þegar kemur að kynlífi hjá ungu fólki. Þeir eru uggandi yfir að foreldrar veiti börnum sínum ekkert aðhald þegar að kemur að vissum þjóðfélagshópum og séu slæmar fyrirmyndir sjálf. -

Kristján; Ég heyrði þessa vísu um strákinn og sýslumanninn svo ungur að ég skildi hana ekki einu sinni  :)