Fleira smálegt

"Það sem gerir þig ánægða(n), það er fjársjóður þinn. Þar sem fjársjóður þinn er þar er hjarta þitt. Þar sem hjarta þitt er þar er hamingja þín."  

Heilagur Ágústínus (354-430)

"Þegar þú öðlast persónuleika, þarftu ekki á nektinni að halda".

Mae West, (1892-1980 Bandarísk leikkona)

Sveitin er staður sálarinnar, borgin er staður líkamans.

(Bahai ritningargrein)

Aleinn með sjálfum mér

Trén beygja sig til að gæla við mig

Skugginn faðmar hjarta mitt

Candy Polgar

Trúarbrögð mín eru einföld. Það er engin þörf á hofum, engin þörf fyrir flókna heimsspeki. Hugur okkar og hjarta er hofið; heimspekin er velvilji. Dalai Lama

Athugasemdir

[Rut Sumarliðadóttir, 4.12.2008 kl. 10:35]

Mae West á líka annan frasa sem ég nota sérstaklega þegar fólk er að berja á hvoru öðru í skilnuðum og hann er svona: "Ain´t love grand".............

[Lára Hanna Einarsdóttir, 4.12.2008 kl. 10:55]

Takk, þetta lyftir sálinni... 

[Kristberg Snjólfsson, 4.12.2008 kl. 11:00]

Takk fyrir mig

[Brattur, 4.12.2008 kl. 23:17]

... syntu á móti straumnum, það þjálfar vöðva þína og einbeitingu....þegar þú kemur á leiðarenda munt þú rísa á fætur og ganga... ef þú flýtur með straumnum kemst þú  aldrei upp úr ánni... og hverfur í hafið...

Óþekkur höfundur.

[Svanur Gísli Þorkelsson, 5.12.2008 kl. 00:05]

Þetta var fín viðbót Brattur. Takk fyrir athugasemdrinar Rut, Lára og Kristberg.

[Skattborgari, 5.12.2008 kl. 00:42]

Þetta er virkilega góð grein og mikið til í þessu. Þetta með sveitina og borgina er hárétt.

Kveðja Skattborgari.

[Kolbrún Hilmars, 5.12.2008 kl. 19:58]

Svanur, takk fyrir enn einn góðan pistil. 
En segðu mér; hvernig ferðu að þessu?  Ég er búin að sitja yfir nornafárinu í Salem í tvær vikur samhliða vinnuverkefnum og öðrum daglegum skyldum.  Þá á ég við gagnaöflun, sortéringu og þýðingu fyrir aðeins eitt lítið blogg - sem með sama framgangshraða verður ekki birtingarhæft fyrr en árið 2015 :)   

[Svanur Gísli Þorkelsson, 5.12.2008 kl. 23:53]

Sammála þér auðvitað Skatti.

Svo ég taki fyrirspurn þína Kolbrún mjög alvarlega ;) er svarið eitthvað á þessa leið;

Ég á sitthvað í handraðanum og sitthvað enn í kollinum. Netið gefur stundum vel matreiddar upplýsingar ef maður veit að hverju og hvar skal leita og ég get verið snöggur að snara texta þegar með þarf. En eitt kannski örðu fremur hjálpar mér við að "framleiða" og það er að á hverju kvöldi tek ég mér smá göngutúr og hugsa um bloggið. Þá fæðist venjulega hugmyndir sem ég leita svo eftir að hrinda í framkvæmd strax á eftir. (stundum á dálítið ódýran hátt viðurkenni ég alveg) Ég skrifa svo á milli ellefu og tólf á kvöldin. (stundum ögn lengur:)

Nornafárið í Salem 1692 er verðugt verkefni og áhugavert. Ég notaði texta úr réttarhöldunum eitt sinn í einþáttung sem ég setti saman að gamni mínu. Gangi þér vel með greinina og ég hlakka til að lesa hana.