Bretinn kemur til að passa okkur.... fyrir okkur sjálfum?

Mikið verður skemmtilegt (eða hitt þó heldur) að fá Bretaherinn aftur til landsins. Í þetta sinn verður það sjálfur Konunglegi Breski Flugherinn sem fær það hlutverk á næstunni að vernda litlu þjóðina í norðri fyrir sjálfri sér.

Ég segi fyrir sjálfri sér vegna þess að eini yfirlýstur óvinur NATO á þessu svæði eru hryðjuverkamenn og þá nafnbót hlutu Íslendingar (Proxy íslenskar peningastofnanir) fyrir skömmu. Það voru reyndar Bretar sjálfir sem veittu nafnbótina og tóku sér þannig rétt til að meðhöndla eignir íslenska ríkisins í Bretlandi eins og þeim þóknast.  

Svo er íslenski utanríkis-"ráðherrann" svo kurteis að hún vill ekki styggja þessa öðlinga / Darlinga í Bretlandi meira en nauðsyn krefur og vill endilega borga þeim þessar 25 milljónir sem eftirlitsflugið kostar í stað þess að afþakka það.

Og nú er Bretinn sem sagt á leiðinni þótt ekki sé enn búið að gefa út skipunina eins og kemur fram á vefsíðu konunglega breska flughersins un annexíu verkefni hans á vegum NATO.

Bretar kunna vel til verka þegar kemur að barráttu við hryðjuverkamenn og hafa sýnt það og sannað t.d. í Afganistan þar sem þeir berjast við önnur hryðjuverkasamtök kölluð Alqaida.

Athugasemdir

[Kristján Helgason (IP-tala skráð) 13.11.2008 kl. 02:34]

Ég bara spyr, eru engin takmörk fyrir því hvað kerlingadruslan hún Ingibjörg Sólrún Gísladóttir fær að gera? Á hún virkilega að fá leyfi til þess að leyfa breska flughernum að valsa hér um okkar landhelgi að eigin vild ? Ég segi NEI. Bretar lýstu yfir stríði á hendur okkur, og eru því óvinir okkar.Þeir beittu hryðjuverkalögum gegn okkur,sem að þýðir það að þeir telja okkur óvini sína. Hversvegna í andskotanum ættum við að leyfa þeim að valsa hér um lofthelgi okkar átölulaust ? Talið er að olía muni finnast hér við land, er það það sem að Tjallinn er að fiska eftir ? Ætlar hann sér að gera landið okkar GJALDÞROTA til þess að geta hirt af okkur væntanlegan olíugróða ? Ég segi NEI, Burtu með helvítis tjallann. Látum hann ekki vaða yfir okkur

Kv. Kristján. 

[Óskar Þorkelsson, 13.11.2008 kl. 17:02]

Aumingjaháttur Sollu er með eindæmum.. 

[Gunnar Freyr Rúnarsson, 13.11.2008 kl. 18:30]

Forsetinn stóð sig vel í Kastljósi í gær.  Hann er okkar eina sameiningatákn í dag.  Hinn eini og sanni landsfaðir.  Vonandi snýr hann fljótlega aftur í pólitíkina, karlinn.

[Nanna Katrín Kristjánsdóttir, 14.11.2008 kl. 13:09]

Þetta er ekki bara móðgun vð okkur heldur bara við frið alls staðar í heimnum.  Fáranlegt.

[Svanur Gísli Þorkelsson, 14.11.2008 kl. 15:11]

Hér kemur auðvitað endanlega lausnin ;) Takk fyrir athugasemdirnar.