Fimmti Bítillinn

Þegar talað er um fimmta Bítillinn er átt við einhvern þeirra sem sagður er eiga þann heiðurstitil skilinn vegna tengsla sinn við merkustu hljómsveit allra tíma The Beatles. Til mikillar gremju Brian Epsteins, var það sjálfsagt bandaríski plötusnúðurinn Murray the K sem fyrstur gerði tilkall til titilsins á grundvelli vinskapar síns við Bítlana í fyrstu heimsókn þeirra til Bandaríkjanna árið 1964. -

En aðrir ættu titilinn miklu fremur skilið þeirra á meðal, Stu Sutcliffe sem lést nokkru áður en hljómsveinin var heimsfræg, Pete Bestsem var trommuleikari hljómsveitarinnar áður en Ringo Starr gekk til liðs við hana, Neil Aspinall sem var vinur, aðstoðarmaður og framkvæmdastjóri sveitarinnar á hljómleikaferðalögum hennar eða George Martin sem var útsetjari og upptökustjóri á hljómplötum hennar.

Að auki hefur verið nefndur til sögunnar úr allt annarri átt og löngu eftir á, knattspyrnumaðurinn George Bestsem var fyrstur knattspyrnumanna til að verða að poppstjörnu. Hann safnaði löngu hári, var frá Manchester (næstum því Liverpool) og gekk um í bítlaregalíu eins og hún tíðkaðist á sjöunda áratug síðustu aldar.

Í Bretlandi og jafnvel víðar, á orðatiltækið "fimmti bítillinn" við um einhvern sem missir af velgengni einhvers sem hann hafði verið hluti af. Þetta á vissulega við um bæði Stu Sutcliffe og Pete Best í bókstaflegri merkingu.

 LBC útvarpsþætti árið 1989 kom hlustandi með þá eftirtektarverðu tillögu að fimmti Bítillinn væri Volkswagen bjallan utan á Abbey Road plötualbúminu. Kannski luma einhverjar lesendur á enn betri tillögum? 

Athugasemdir

[Sigrún Jónsdóttir, 1.11.2008 kl. 21:15]

Synir mínir myndu myndu staðhæfa að ég ætti titilinn

[Júlíus Valsson, 1.11.2008 kl. 22:41]

Billy Preston var í raun Bítlavinur (sbr. íslandsvinur) en ekki Bítill í sjálfu sér. Hvað væru bítlalögin án George Martin? Hann var auðvitað einn af Bítlunum. Fjórði_a.

[Brynjar Jóhannsson, 2.11.2008 kl. 02:20]

Fyrir mér var  George Martin Fimmti bítillinn.. Hann kom með það sem vantaði upp á . Hann skrifaði stundum línur fyrir klassísk hljóðfæri í lög sem gerðu útslagið í lögum og kom t.d með hugmyndina af fiðlustrengjum í yesterday sem dæmi. Ekki má gleyma klippingunni á lagköflunum í laginu Strawberry field og hvernig hann tók lög eins og elonor rugby og skrifaði það niður eftir því hvernig maccartney raulaði það fyrir hann.

Fyrir mér var hann George Martin raunverulega fimmti Bítilinn.. sem gerði þetta band af þessu stórmerkilega meistara virki sem það er.  

[Hildur Helga Sigurðardóttir, 2.11.2008 kl. 08:01]

Tek nú reyndar undir þetta með George Martin.

En ert þú ekki bara fimmti Bítillinn ? 

[Svanur Gísli Þorkelsson, 2.11.2008 kl. 11:10]

Hildur: Það þarf einhvern til að hlusta líka....

[Brattur, 2.11.2008 kl. 11:12]

... já, ef það á að kjósa þá fær George Martin mitt atkvæði... en það minnist engin á Yoko

[Svanur Gísli Þorkelsson, 2.11.2008 kl. 11:34]

Alveg rétt Brattur. Yoko var líka með í hljóðverinu á tímabili þegar verið var að taka upp sum lögin. En spilaði hún á nokkuð eins og Billy Preston sem er sagður eiga sólóið í "l Let it be" eins og það leggur sig.

[Brattur, 2.11.2008 kl. 11:45]

... nei, til allrar hamingju held ég að hún hafi ekkert spilað... en rétt er það með Billy Preston sem þú segir...

[Jenný Anna Baldursdóttir, 2.11.2008 kl. 16:24]

Martin kemur sterkur inn, nú eða Yoko

[Svanur Gísli Þorkelsson, 2.11.2008 kl. 16:49]

Eyjólfur: Þetta var snilld. Takk

[Heimir Eyvindarson, 2.11.2008 kl. 17:50]

George Martin er alltaf fimmti bítillinn í mínum huga, enda held ég að þáttur hans í velgengni Bítlanna verði seint ofmetinn. Oft var það "input", svo ég leyfi mér að sletta aðeins, George sem gerði góð lög að frábærum. Hinsvegar komu fleiri að, eins og t.d. píanósnillingurinn Preston - en ég held að enginn geti sagt að hann hafi beinlínis verið ómissandi. 

George Martin var kannski ekki ómissandi, en mér þó til efs að vegur Bítlanna hefði orðið eins magnaður ef hans hefði ekki notið við. 

Brian Epstein á einnig tilkall til titilsins, Paul Mc Cartney hefur m.a. sagt að ef einhver hafi verið fimmti bítillinn þá hafi það verið Epstein, og víst er að hann átti stóran þátt í að koma undir þá fótunum. Hann fjármagnaði t.a.m. fyrstu upptökurnar og fékk George Martin til liðs við þá. Þá getur maður spurt hvað hefði orðið úr Bítlunum ef Epstein hefði ekki notið við?

Hvort var nú aftur á undan, hænan eða eggið?  

[Kristinn Ólafur Smárason (IP-tala skráð) 2.11.2008 kl. 19:27]

Villtist inn á bloggið hjá þér af mbl.is. Skemmtilegt og fræðandi blogg sem þú ert með hérna.

[Kolbrún Hilmars, 2.11.2008 kl. 20:58]

Fjórði upphaflegi bítillinn var Stuart, sem spilaði m.a.  með félögum sínum  í Hamborg, þar sem frægðin byrjaði. 

Sá fimmti var/er Ringo Starr. 

[sigurvin (IP-tala skráð) 2.11.2008 kl. 21:47]

Ég veit hver hann er. Hitti hann einu sinni. Fór í Bítla"tour" í Liverpool. Gædinn var á réttum aldri, með sítt að aftan og bar það með sér að hafa marga fjöruna sopið. Stórskemmtilegur. Hann var skólabróðir þeirra allra og ég held frændi líka. Var besti vinur þeirra allt uppeldið og lengur. Var oft með þeim á æfingum og hjálpaði John með gripin og svona. Hér var fimmti bítilinn kominn.

ps

Næst fór ég til Liverpool til að sjá fótboltaleik. þá var ég svo heppinn að leigubílstjórinn var náfrændi og góður vinur Stephen Gerrard. Hann sýndi mér mynd af honum í símanum sínum. ....Hann var líka tipsaður ríflega.

Bretar eru gullmolar!

[sigurvin (IP-tala skráð) 2.11.2008 kl. 21:52]

...en George Best var frá Norður Írlandi, spilaði bara fótbolta í Manchester.