50 ára starfs-afmæli Cliffs Richards

Fyrir réttri viku síðan hélt popphetjan Cliff Richard upp á að fimmtíu ár voru liðin frá því að hann hóf feril sinn í skemmti og söngbransanum. Merkilegt þykir, að honum tókst að koma lögum sínum á topp tíu listann í Bretlandi á öllum fimm áratugum ferils síns. 

Í tilefni þessara tímamóta tók Sir. Richard á móti vinum og vandamönnum á The Dorchester í London. Þar voru samankomin mörg af stórmennum Bretlands, þ.á.m. Cilla Black og  Gloria Hunniford, Cherie Blair og Dame Kelly Holmes.

Á ferli sínum hafa 14 lög með Cliff náð fyrsta sæti á breska vinsældarlistanum og um þessar mundir er lag hans  Thank You For a Lifetime, í þriðja sæti á þeim lista. Á undan því koma amerísku rokkararnir í Kings of Leon's með lagið "Sex on Fire"og  Katy Perry með lagið "I Kissed a Girl."

Sir Cliff, sem er  67 ára hefur sent frá sér 120 sérútgáfur og plötur og hefur selt yfir 250 milljónir þeirra víðsvegar um heiminn.

Síðasta lagið sem náði verulegum vinsældum var  Millennium bænin 1999 sem náði fyrsta sæti þótt margar útvarpsstöðvar tækju það úr spilun hjá sér.

Í  nýrri sjálfsævisögu sinni My Life, My Way,segir Cliff sem er afar kristinn frá vináttu sinni og vel kunns fyrrum kaþólsks prests, föður John McElynn, sem er bandarískur og fyrrum trúboði sem Cliff deilir heimili sínu með.

Hann lýsir föður  McElynn sem "félaga" sínum og "blessun sinni".

Hann segir einnig frá því að tvisvar sinnum hafi hann íhugað að ganga í hjónaband. Í fyrra skiptið með söngkonunni singer Jackie Irving og það seinna með Sue Barker.

Cliff á auðvitað fjölda aðdénda á Íslandi sem sannaðist best þegar hann kom til landsins hér um árið og sjarmeraði allar miðaldra konur upp úr skónum rétt eins og hann hafði gert þegar þær voru unglingar.

 

Athugasemdir

[Lára Hanna Einarsdóttir, 24.9.2008 kl. 19:56]

Æ, hann er krútt og góðmenni, karlinn.    Mér þykir alltaf vænt um hann síðan hann var uppáhalds í barnæsku minni.

[Sigrún Jónsdóttir, 24.9.2008 kl. 20:57]

Loksins eitthvað fyrir mig að kommenta á.  Við miðaldra vinkonurnar fórum á tónleikana með Cliff í fyrra og skemmtum okkur konunglega, þú hefðir brosað út í annað Svanur minn ef þú hefðir séð okkur.....og þekkt nokkrar.

[Hrafnhildur Ýr Vilbertsdóttir, 24.9.2008 kl. 22:34]

Úff ekki minn smekkur það sem frá honum kemur....en karlinn eldist ekkert útlitslega, lítur út fyrir að vera yngri en ég sem er bara 43..... en sennilega geta peningar gert kraftaverk fyrir lúkkið..og hann á nóg af þeim.

[Gulli litli, 25.9.2008 kl. 01:30]

Algjört rassgat...

[Hólmdís Hjartardóttir, 25.9.2008 kl. 01:58]

....ekki minn maður þó laglegur sé..........ég er allt of mikill rokkari

[Svanur Gísli Þorkelsson, 25.9.2008 kl. 02:05]

Svona nú, stilltur Gulli.

Fyrir mína parta er karlinn hafinn yfir það að að líka við hann eða ekki :) Hann er stofnun og verður fyrirgefið næstum allt, jafnvel af hörðustu rokkurum, bara fyrir "Summer Holiday" sem bjargaði alveg bíóinu fyrir stelpur hér í denn.

Ég get svo sem rétt ímyndað mér samkomuna Sigrún.

Hann fer allavega vel með sig Hrabba.

Takk öll fyrir athugasemdirnar ;)

[Jesús Kristur (IP-tala skráð) 25.9.2008 kl. 14:33]

Cliff er flottur.

En það er alveg magnað hvað fylgismenn mínir virðast oft eiga erfitt með að koma úr skápnum.

Vonandi fer það breytast með auknu umburðarlyndi trúaðra og annarra.

Hér eru smá skilboð frá mér til homma og lesbía: It's OK! Og þar hafiði það.