Brúðkaupið í Kína

Brúðkaupsmyndir, eru misjafnlega góðar og spennandi fyrir ókunnuga á að líta. Fólk er yfirleitt brosandi á góðri stundu og brúðhjónin leika við hvern sinn fingur. Hér koma afar óvenjulegar brúðkaupsmyndir.

Þann tólfta Maí síðastliðinn (2008) var efnt til brúðkaups í um eitt hundarð ára gamalli kirkju í þorpinu Sichuan í Kína.

Hjónavígslan hófst rétt um klukkan 14:00 á hefðbundinn hátt. Þessi mynd var tekin af brúðhjónunum á kirkjutröppunum.

 

Skyndilega, kl:14:28 að staðartíma hófust miklar jarðhræringar. Yfir reið mesti og mannskæðasti jarðskjálfti í Kína síðan að Tangshan skjálftinn 1976 skók landið.

Jörðin skalf í þrjár mínútur og kirkjan byrjaði að hrynja. Brúðkaupsgestirnir 33 stóðu enn fyrir utan kirkjuna sem betur fór.

Stórir hnullungar hrundu úr kirkjunni yfir kirkjugesti.

Brúðguminn sást varla fyrir ryki

Og brúðurin sést hér með kirkjurústirnar í bakgrunni.

Skelfingu lostnir brúðkaupsgestir eftir að aðalskjálftanum lauk.

Það sem eftir stóð af kirkjunni

Jarðskjálftinn varð um 100.000 manns að bana og enn er verið að grafa lík úr rústum húsa eftir þennan skjálfta í Kína. 17.000 manns er enn saknað.  

Athugasemdir

[Hólmdís Hjartardóttir, 13.9.2008 kl. 14:57]

fall er vonandi fararheill fyrir þessi brúðhjón

[Kolbrún Hilmars, 13.9.2008 kl. 17:00]

Já, vonandi eru verstu hamfarirnar að baki í þessu hjónabandi.

[Gulli litli, 13.9.2008 kl. 17:08]

Hallgrímskirkja hélt alveg út þegar ég gifti mig....ég held hún standi enn..og hjónabandið líka...

[Svanur Gísli Þorkelsson, 13.9.2008 kl. 18:32]

Góð Kolbrún:)

Hólmdís, Gulli, They brought down the house!

[Jenný Anna Baldursdóttir, 13.9.2008 kl. 19:54]

Vó, nú hlýtur þetta að verða tóm sæla.  Þau eiga það skilið.