Loks allt á hreinu með rendurnar

Tískulöggurnar segja að konur (og karlar) sem hafi mjúkar línur, eigi alls ekki að klæðast þverröndóttum fatnaði. Það hefur verið óskrifuð tískulög að rendur sem liggja þvert á, geri það að verkum að sá sem klæðir sig þannig fötum, sýnist meiri um sig. Hinsvegar hefur ætíð verið haft fyrir satt að lóðréttar rendur á klæðnaði, láti mann líta út fyrir að vera grennri og jafnvel hærri.

Nýlegar vísindalegar rannsóknir benda til þess að þetta sé ekki alls kostar rétt. Reyndar þveröfugt. Lóðréttar rendur gera mann feitari í útliti og láréttar grennri. Þessar merkilegu niðurstöður voru kynntar á "The British Association´s Festival of Science" í Liverpool í gær.

Í könnun sem var gerð um málið var hópi fólks sýndar myndir af jafn háu og jafn þungu kvennfólki sem annað hvort var klætt í þverröndóttan klæðanað eða með lóréttum röndum. Niðurstaðan var sú að sú sem klædd var í þverröndótt föt þótti yfirleitt grennri og hærri en þær sem klæddust teinóttum klæðanaði. Félagsfræðingurinn frá Háskólanum í York sem kynnti þessar niðurstöður sagði að ekki væri ljóst hvers vegna fólki fyndist þverröndótt virka grennandi því yfirleitt skapaði teinótt munstur meir dýpt.

Til gamans má geta þess að til eru 150 ára kenningar frá þýskum sálfræðingi (Hermanvon Helmholtz) sem halda því sama fram og vísindalegar rannsóknir hafa nú staðfest. Í handbók sem hann skrifaði 1867 segir hann m.a. "Kjólar kvenna sem eru þverröndóttir gera það að verkum að þær sem klæðast þeim líta út fyrir að vera hærri".

Hermann hélt því líka fram í sömu handbók að herbergi sem í væru húsgögn litu út fyrir að vera stærri en þau sem engi hefðu og einnig ef munstraður veggpappír væri á veggjum í stað einlitrar málningar. Þessar kenningar hafa samt ekki verið staðfestar af vísindunum enn.

Þeir sem ekki vilja láta sannfærast af þessum niðurstöðum York háskólans geta alltaf klætt sig í svart. Vísindalegar niðurstöður sanna að svartur hringur á hvítum bakgrunni virkar smærri en jafnstór hvítur hringur á svörtum grunni. En þeir sem eru hugaðir geta líka reynt að klæðast svörtu með þverröndóttu í bland.

Athugasemdir

[Rut Sumarliðadóttir, 12.9.2008 kl. 15:14]

Mjög fróðlegt, ég stóð einmitt í þeirri trúa að þetta virkaði öfugt. til gamans þá eru svartur og hvítur ekki litir skv. litafræðinni, einungis tæki til að lýsa eða dekkja.

[Sigrún Jónsdóttir, 12.9.2008 kl. 15:46]

Það sem þú pælir ekki í Svanur  Ætla að halda mig við óröndóttar flíkur

[Óskar Þorkelsson, 12.9.2008 kl. 16:10]

áfram KR

[Gulli litli, 12.9.2008 kl. 16:36]

Fródlegt og skemmtilegt..

[Sigríður Þórarinsdóttir, 12.9.2008 kl. 21:48]

Ég held reyndar að það skipti máli hvort flíkin sé fínröndött eða grófröndótt. Allavega eru breiðar rendur ekki að koma vel út á fólki sem er í feitari kantinum.

[Svanur Gísli Þorkelsson, 13.9.2008 kl. 01:44]

Það er einmitt málið Sigríður, hversu breiðar mega rendurnar verða áður en þær fara að líta út eins og fletir frekar en rendur? :)