Sprengingin mikla

Fyrir næstum því 30 árum dvaldist ég nokkur ár í Kanada. Ég bjó skammt frá hafnarborginni Halfiax í Nova Scotíu sem á sér merka sögu. þar voru t.d. greftruð þau lík sem fundust fljótandi í sjónum eftir að Titanic sökk og enn koma ættingjar til borgarinnar til að vitja grafa þeirra.

Í Halfax átti sér stað stærsta og mesta sprenging sem orðið hefur af manavöldum fyrr og síðar fyrir utan kjarnorkusprengjurnar.  Sumstaðar niður við höfnina má enn sjá ummerki eftir þessa ógnar sprengingu.

Atburðirnir áttu sér 6. Desember árið 1917 í Halifax-höfn.  Franska vöruskipið Mont-Blanc, drekkhlaðið af sprengiefni sem ætlað var til notkunar í heimstyrjöldinni sem þá geisaði í Evrópu, rakst á norska flutningaskipið Imo sem fullt var af hjálpargögnum einnig ætluðum til notkunar í styrjöldinni.

Áreksturinn var í þrengingunum sem finna má innst í höfninni, með þeim afleiðingum að eldur kom upp í Mont-Blanc. Tuttugu og fimm mínútum síðar sprakk Mont-Blanc í loft upp með skelfilegum afleiðingum.

Talið er að um 2000 manns hafi látist í sprengingunni, flestir af völdum hrynjandi bygginga og elda sem upp komu í borginni. Yfir 9000 manns særðist. Sprengingin orsakði flóðöldu sem jafnaði við jörðu allar byggingar í tveggja ferkílómetra radíus. Skipið hvarf og hlutum úr því rigndi niður í margra kílómetra fjarlægð ásamt upprifnum járnbrautarteinum, brotum úr lestarvögnum og bílum.  Daginn eftir sprenginguna snjóaði talsvert sem gerði öllu hjálpastarfi erfitt fyrir. 

 

Athugasemdir

[Svanur Gísli Þorkelsson, 3.8.2008 kl. 09:00]

Hárrétt Hippó. :)

[Óskar Þorkelsson, 3.8.2008 kl. 12:19]

maður hefur lesið lauslega um þessa sprengingu og séð þætti á discovery channel um sama efni.. samt gerir maður sér enga grein fyrir þeim ofurkrafti sem þarna var á ferð.. og eiginlega ótrúlegt að skipið skuli hafa sprungið í einni samfelldri sprengingu.. sem bendir til þess að menn hafi ekki hlaðið skipið rétt..  hvað veit ég svo sem :)

Mig minnir að svipaður atburður hafi átt sér stað í bandarískri flotahöfn í seinni heimstyrjöld..  

[Jenný Anna Baldursdóttir, 3.8.2008 kl. 12:21]

Takk.

[Mundi (IP-tala skráð) 3.8.2008 kl. 12:32]

Heyrðu, ein spurning ótengd efni færslunnar: keyrðir þú ekki leigubíl í Eyjum fyrir ca. 20 árum? Ég held ég hafi setið í hvítum Bens sem þú keyrðir, smá skoðunartúr, upp á hraun og svona.....

[Hólmdís Hjartardóttir, 3.8.2008 kl. 13:04]

Takk fyrir fróðleik

[Svanur Gísli Þorkelsson, 3.8.2008 kl. 13:04]

Sæll Mundi. ÞAð getur passað. Ég vann sem leiðsögumaður í Eyjum í mörg ár og einn veturinn leysti ég m.a. af á leigubíl.

[Skattborgari, 3.8.2008 kl. 13:24]

Það að flytja sprengiefni er alltaf hættulegt því að mörg þeirra eru mjög óstöðug oft þarf ekki nema smá stöðurafmagn til að koma sprengingu af stað.

Kveðja Sakttborgari 

[Skattborgari, 3.8.2008 kl. 13:25]

Þetta hefur verið virkilega stór sprenging.

[Marta Gunnarsdóttir, 3.8.2008 kl. 13:29]

Þessi saga hefur alveg farið framhjá mér þar til núna. Fróðóðleg lesning. Takk fyrir mig.

[Elísabet Arnardóttir (IP-tala skráð) 3.8.2008 kl. 17:54]

ég bjó þarna líka, þ.e. í Nova Scotia, og man vel eftir að hafa lesið um þessa sprengingu og skoðað verksummerki sem enn sjást.  merkilegt að sagan um svona risastórt slys sé ekki þekktari en raun ber vitni.

[Sigurbjörn Friðriksson, 3.8.2008 kl. 18:23]

Kemur umræðuefninu ekkert við;

Hvenær var hætt að tala um "Nýja Skotland" (í stað Nova Scotia) eins og var venjulega í frétta-annála bókunum: "Aldirnar....." ("Öldin sautjánda", "Öldin átjánda" o.s.frv.) ?

Ef ég man rétt, þá er heitið: "Nova Scotia" latína, en landaheiti ens og "New-Zealand" (Nýja-Sjáland), "New York","New Hampshire" eru öll á ensku og fæst þýdd yfir á íslensku af okkur, nema Nýja-Sjáland).

Hinsvegar er "Nova Scotia" aldrei nefnd "New Scotland" á ensku.

Svanur Gísli;    Þú sem allt veist, seg frá....

Gleðilegan Verslunardag Frímanna,  Björn bóndi   ïJð

[Svanur Gísli Þorkelsson, 3.8.2008 kl. 18:46]

Þetta er góð spurning Sigurbjörn, hvers vegna ekki Nýja Skotland. Við þýddum áður nafnið York og kölluðum það Jórvík og einhverstaðar heyrði ég sérviskulega talað um Nýju Jórvík (New York) . Nova Zeelandia var víst landið kallað upphaflega af Evróoumönnum og Nýja Sjáland lá beint við því við þektum vel Sjáland í Niðurlöndum þ.e. Hollandi. -

En eins og þú segir, aldrei "Nýja Skotland". Hvað hefði gerst ef héraðið hefi heitið á ensku "New Scotland" er ekki gott að segja. Kannski var það ógurleg virðing fyrir latínunni sem varð til þess að við dirfðumst ekki að þýða heitið. Eða kannski nægði fyrir okkur að vita um Nýfundnaland, þar sem allur fiskurinn var :)

[GULLI (IP-tala skráð) 4.8.2008 kl. 21:41]

FLOTT