Vinsælasti bloggari í heimi

Ég hef látið það vera fram að þessu að blogga um blogg eða aðra bloggara. Ég blogga heldur aldrei um fréttir enda fullt af kláru fólki í þeim bransa. En til að setja okkur íslenska bloggara í samhengi við það sem best gerist "út í heimi" langar mig að segja frá vinsælasta bloggaranum í veröldinni samkvæmt Heimsmetabók Guinness.

 Hann heitir Yusike Kamiji og bloggar á Japönsku en þrátt fyrir það verð ég að viðurkenna að ég átta mig ekki alveg á hvers eðlis aðdráttaraflið er, en Þið getið dæmt um það fyrir ykkur sjálf hér.

Tölurnar sem tengdar eru blogginu hans eru hreint ótrúlegar og komu honum í heimsmetabókina. 

Flestar heimsóknir á dag; 230.755

Flettingar á dag; 5-6 millj. að meðaltali, komst hæst í 13.171.039 þann 12 Apríl s.l.

Þann 17. Apríl fékk hann 56.061 athugasemdir við eina færsluna.

Víst er að Japan sker sig úr mörgum löndum hvað varðar notkun bloggsins. Sjónvarpsstjörnur nota bloggið til að auglýsa þættina sína og framkomur í spjallþáttum o.s.f.r. Svo nota þeir tækifærin þegar þau gefast í sjónvarpinu til að minnast á bloggin sín. 

Athugasemdir

[Hrafnhildur Ýr Vilbertsdóttir, 25.7.2008 kl. 23:25]

Ef maður skyldi þó ekki væri nema smá í því sem hann skrifar.......ja þá hefði maður kannski smá glóru um af hverju vinsældirnar stafa....

[Jóna Á. Gísladóttir, 26.7.2008 kl. 02:35]

hehe yes I can understand why he is so popular

[Lilja Kjerúlf, 26.7.2008 kl. 09:57]

Hvernig er Japanskt lyklaborð? 

Kannski heimskulega spurt en ég velti fyrir mér öllum þessum táknum og skil ekki alveg  Maður má víst vera fávís er það ekki annars?

[Margrét Ingibjörg Lindquist, 26.7.2008 kl. 10:40]

ja... kannski er þetta útaf því að hann er pínu sætur... allavega brosir hann breitt.....

annas er þetta allt ofar mínum skilningi...

[Gulli litli, 26.7.2008 kl. 12:35]

Ég fékk þrjár athugasemdir í síðustu viku!

[Svanur Gísli Þorkelsson, 26.7.2008 kl. 13:38]

Sæl Öll

Ég reyndi að þýða þetta með Google eins og Hinricus lagði til og svei mér þá ef japanskan leit ekki bara betur út eftir það :)

[DoctorE (IP-tala skráð) 26.7.2008 kl. 17:00]

Vinsældir og gæði, 2 different things... skítur flýtur upp; no pun intended

[Steinunn Helga Sigurðardóttir, 26.7.2008 kl. 22:15]

sammála doctore.

ætla að kíkja á síðuna hjá japananum og vera númer 89574.749300

góða helgi