Af hverju snerti drápið á bjarndýrinu við þjóðarsálinni?

Bloggarar keppast við að skrifa sig frá bjarndýrsdrápinu í Skagafirðinum. Þeir eru reiðir og pirraðir, annað hvort yfir því að björninn var drepinn eða yfir því að aðrir skulu vera pirraðir og reiðir yfir því að björninn var drepinn.

Drápið fór fram á slóðum íslenska Villta Vestursins enda mynnti drápið dálítið á kúrekasiðinn að skjóta fyrst og spyrja svo. Alla vega snerti drápið  við þjóðarsálinni sem greinilega var varla byrjuð að hafa skoðun á málinu þegar Björninn var dauður og öll umfjöllun (fyrir hann allavega) orðin akademísk. 

Við hverju í þjóasálinni drápið snerti, er ekki gott að segja. Var það kannski of lítill aðdragandi til að segja sína skoðun, laga sig að því sem í vændum var, sem kallaði á þessi viðbrögð? 

Eða kom drápið kannski of nærri þeirri vitund sem ætíð hefur verið grunnt á þótt við reynum að fela hana, að við íslendingar erum enn heimóttalegir sveitamenn, hræddir við allt sem er okkur framandi. Óþægileg endurspeglun fyrir þá sem héldu að við værum "siðmentuð". 

Kannski er það tilviljun, en ég held ekki, að raddirnar sem töluðu á móti viðtöku flóttafólksins frá Írak, eru þær sömu og nú hrópa hæst til að réttlæta drápið á hvítabirninum og rökin eru meira að segja þau sömu. - Við áttum ekki lyf til að vera mannúðleg og svæfa hann, þetta er ekki hans rétta umhverfi, kostnaðurinn við að bjarga honum yrði of mikill, hann er of hættulegur, það munar ekkert um einn bangsa o.s.f.r.   Tilviljun??? 

Athugasemdir

[Jóhannes H. Proppé (IP-tala skráð) 4.6.2008 kl. 19:08]

Persónulega hefði ég viljað sjá hann deyfðan og sendan yfir sundið, þessvegna í húsdýragarðinn þangað til að gott far fyndist. En stærsta hætta var sú að björninn kæmist í hross sem eru þarna útum allan skagann og inn eftir fyrðinum. Sjálfur þekki ég til hrossabónda og veit að það gæti verið mikill skaði ef björninn kæmist að hrossastóði, bæði tilfinningalegur og fjárhagslegur.

[Hrafnhildur Ýr Vilbertsdóttir, 4.6.2008 kl. 19:47]

Ég rak upp stór augu við þessa færslu svanur...því ég einmitt hugsaði það sama og þú

Ég er ekki síður undrandi að sjá þig johnny Rebel sína samúð með bjarndýrinu, því þú ert ófær um að hafa samúð með  flóttamönnunum sem von er á til landsins ( sjá blogg Hjálmtýs Heiðdals) þar sem þú talar um að aðstæður þeirra séu vegna aumingjaskapar í þeim.....

[Skattborgari, 4.6.2008 kl. 20:20]

Hvað átti að gera við hann? Það er ekki bara hægt að flytja hann til annars lands án þess að fá leyfi fyrir því. Hvar átti að geyma hann á meðan öll leyfi fengjust ekki er hægt að geyma hann hvar sem er og þú flytur ekki einn ísbjörn á  milli landa með auðvelum hætti útaf stærðinni.  Það átti að deyfa hann ef það hefði verið möguleiki.

[Skattborgari, 4.6.2008 kl. 20:24]

Því miður vitum við það ekki. Það þarf að vera virk viðbragðsáætlun við svona löguðu til að það sé hægt að bjarga þeim sem kemur næst til landsins. Ekki mundi ég vilja mæta einum á göngu.

[Svanur Gísli Þorkelsson, 4.6.2008 kl. 21:10]

Jóhannes; Það eru 150.000 hross á Íslandi er það ekki?

Ég veit ekki,  það eru örugglega fullt af einhverjum ástæðum fyrir því að honum var slátrað og fullt af öðrum ástæðum fyrir af hverju það hefði átt að drepa hann fyrir utan þær sem hann var drepinn fyrir, ef þú skilur hvað ég meina :)

Ég hefði samt leyft honum að lifa.

[Skattborgari, 4.6.2008 kl. 21:13]

Af hverju ekki að selja kjötið til að fá upp í kostnaðinn við að stoppa hann upp? Hefði áhuga á 1kg.

[Svanur Gísli Þorkelsson, 4.6.2008 kl. 21:17]

Hrafnhildur: Jonny "bloggvinur" minn (aldrei kallað nokkurn þessum "kristilega" titli fyrr og fæ eiginlega tár í augun) er nú allur að koma til.  Hann er líka kominn með bloggsíðu og tekur þar á ýmsum málum. Hann er alls ekki tilfinningalaus eins og allir halda.

[Svanur Gísli Þorkelsson, 4.6.2008 kl. 21:22]

Skattborgari BinLaden; Það má vissulega finna að því að engin áætlun var í gangi önnur en að ganga frá dýrinu. Viðbragðsáætlunin hefði þá þurft að miða að því að vernda líf hans til að slíkt hefði breytt einhverju.

[Skattborgari, 4.6.2008 kl. 21:30]

Akuratt það sem ég á við að ef hún hefði verið til þá hefði verið hægt að koma honum til geymslu á meðan það væri verið að athuga hvað átti að gera við hann.

Það hafa oft komið ísbirnir á land hér á Íslandi áður. Var það besta lausnin að drepa hann nei en hvaða lausn var önnur raunhæf? veit það ekki því miður. Ekki er hægt að hafa hann lausan. Hvað ef fólk á göngu hefði mætt honum og hann litið á það sem mat?

Besta lausnin hefði verið að vera með deyfilyf og skjóta hann með því þá væri mögulegt að koma honum þar sem hann gæti ekki valdið að skaða á meðan það væri ákveðið hvað ætti að gera við hann. 

[Sigurður Rósant, 5.6.2008 kl. 09:33]

Þessi viðbrögð sýna bara að Íslendingar eru reiðubúnir að verja land sitt og þjóð fyrir óboðnum gestum, hvort sem það eru villidýr, Sea Shepard eða Islamistar sem eru að skríða á land í þoku á fáförnum stöðum okkar löngu og vogskorinna stranda.

Reiknimeistarar gætu örugglega komist að þeirri niðurstöðu að þessi lausn að aflífa Bjössa var fljótlegust, ódýrust og áhættuminnst.

Að reyna að búa til nýtt Keiko ævintýri verður að vera á kostnað Amerískra sápusamtaka.

Svo er líka spurning hvort hægt hefði verið að tryggja öryggi sveitunga á meðan stjórnvöld væru að funda um til hvaða aðgerða skuli grípa. Bjössi hlítur að hafa verið orðinn svangur eftir svona sundsprett.... og enginn veit hve langur hann var.

Svanur Gísli - "Ég hefði samt leyft honum að lifa."

Og hver hefði borgað mat, gæslu og flutninga á dýrinu?

[Svanur Gísli Þorkelsson, 5.6.2008 kl. 10:57]

Sigurður Rósant; 

Það hefði verið hægt að finna 100 leiðir til að borga. það eru  "sponsorar" náttúruverndarsamtök, neyðarsjóðir, ríkisfé og blæðandi hjörtu á blog.is o.s.f.r.

Hvaðan koma þessi sífeldu efasemdir um að við höfum efni á því að vera góð og göfug?

Hvaða gagn er í að friða ísbirni og leyfa síðan dráp á þeim í hvert sinn sem þeir sjást?

Keiko var algjörlega ófær um að sjá um sig sjálfur. Hann var ekki vilt dýr lengur. Ísbjörninn var vilt dýr og hefði spjara sig vel ef honum hefði einfaldlega verið skilað aftur til stranda Grænlands.

[Sigurður Rósant, 5.6.2008 kl. 23:12]

Svanur minn, ég sé að þú greinir ekki mun á góðverki og Bjarnargreiða.

[Svanur Gísli Þorkelsson, 5.6.2008 kl. 23:25]

Sigurður; Góður :)

[Svanur Gísli Þorkelsson, 6.6.2008 kl. 01:41]

Skil það ekki heldur Kurr. Ísbjörn getur reyndar verið ansi snöggur þegar sá gállinn er á honum. Mér skilst að Egill dýralæknir hafi verið með lyf í töskunni þegar hann kom á vettvang. Var ekki málið að svæfa dýrið og fljúga því síðan til Grænlands. Annað eins hefur nú verið gert.

[Sigurður Rósant, 6.6.2008 kl. 19:48]

Það mætti kannski útbúa hæli fyrir Flótta-Birni í ónotuðu húsnæði sem ætlað var fyrir minkaeldi í Bjarnarfirði á Ströndum?

Útbúa svo friðað svæði á hentugum stað þar sem birnirnir geta veitt sér til matar. Setja svo ól um hálsinn á þeim með GSP sendi, svo hægt sé að fylgjast nákvæmlega með ferðum hvers og eins.

Þetta kostar ekki svo mikið. 1 milljarð á ári með eftirliti.

[Svanur Gísli Þorkelsson, 6.6.2008 kl. 19:51]

Sæll Sigurður. Þú færð stundum svo góðar hugmyndir :)

[Skattborgari, 6.6.2008 kl. 20:49]

Hver á að borga?  Líttu á nafnið.

[Svanur Gísli Þorkelsson, 7.6.2008 kl. 00:43]

Yes, þá höfum við það! Vinur minn skattborgari hefði borgað, kannski með smá hjálp frá Ben Laden...

[Skattborgari, 7.6.2008 kl. 01:00]

hahaha nei ég var að tala um skattgreiðendur.

[Svanur Gísli Þorkelsson, 7.6.2008 kl. 01:02]

Of mikið Wiský eða eitthvað Skatti?

[Skattborgari, 7.6.2008 kl. 01:04]

Er bara með vindill og kaffi. Johnny Rebel er hjá mér í heimsókn.

[Svanur Gísli Þorkelsson, 7.6.2008 kl. 01:29]

Þekkist þið? Slæmt að vera svona langt í burtu, maður mundi nú þiggja vindil og kaffi :)

[Skattborgari, 7.6.2008 kl. 02:28]

Skal bjóða þér upp á kaffi og vindill eða vindill og víski. Já þekkjumst gegnum bloggið og ákváðum að hittast.

[Svanur Gísli Þorkelsson, 7.6.2008 kl. 03:03]

Við hringjum okkur saman næst þegar ég verð á landinu:)

[Skattborgari, 7.6.2008 kl. 03:25]

Ekkert mál athuga með emailið á hvejum degi.