Endurskipulagning heilastarfseminnar í Framsóknarfólki

Forystufólk Framsóknarflokksins, formaðurinn og laxveiði-ímyndar bætirinn Sigmundur Davíð, Félagsmálaráðherra Eygló sem á sérstaklega að passa upp á að ekki sé brotið á minnihluta hópum í samfélaginu og fyrrum formaðurinn, hinn guðhræddi Guðni sem öllum finnst svo skemmtilegur, keppast öll um að bera blak af ummælum ofsóknar-maddömunnar Sveinbjargar Birnu um að brjóta skuli andslög á vissum minnihlutahópi í landinu.

Sigmundur, Eygló og Guðni sjá ekkert athugavert við ummæli Sveinbjargar en álasa þeim sem tóku þeim illa fyrir að láta óánægju sína í ljós. Og svo benda þau full réttlætingar á að nú sé verið að ofsækja framsóknarflokkinn fyrir það eitt að hafa rasisma á stefnuskrá sinni. - 

Á milli þess sem forystan blæs úr sér um það sem hún segir að hafi aðeins átt að vera umfjöllun um skipulagsmál,  spranga minniháttar smámenn og konur úr flokknum fram á sviðið og ausa úr sér yfir minnihlutahópinn sem Sveinbjörg og lagskona hennar vilja brjóta á. - 

Fyrrverandi formaður Framsóknar, hinn sári og svekkti Jón, álítur að þetta hafi allt verið plott til að ná í atkvæði þeirra fjögur þúsunda sem létu skrá sig á anti-mosku fésbókasíðuna hans Skúla. (Skúla Skúl.  rekinn var af blog.is fyrir sóðaskap og ljótt orðbragð) 

Sé það rétt er Framsóknarflokkurinn í Reykjavík nú fullur af samhuga fólki sem tilbúið er að hylla foringja sína með viðeigandi kveðjum. Og kannski verður þessum nýju meðlimum ágengt í að endurskipuleggja heilastarfsemina í gömlu góðu sveita-framsóknarfólkinu sem ekki má vamm sitt vita. Það eru e.t.v. skipulagsmálin sem Guðni, Sigmundur Eygló og co. eru að tala um.

Athugasemdir

[Elín Sigurðardóttir (IP-tala skráð) 5.6.2014 kl. 18:04]

Borgarstjórnarmeirihlutinn fótumtreður mannréttindi allra þeirra sem hafa lífsviðurværi og eignir á flugvallarsvæðinu. Allir þeir sem sátu heima eða skiluðu auðu gátu ekki hugsað sér að kjósa borgarstjórnarmeirihlutann. Menn hrífast ekki af valdníðingum. Það þarf skerta heilastarfsemi til að sjá Framsóknarflokkinn einan í þessu dæmi öllu.

[Sandkassinn (IP-tala skráð) 5.6.2014 kl. 18:08]

Góður Svanur

[Elín Sigurðardóttir (IP-tala skráð) 5.6.2014 kl. 18:40]

Svei mér þá. Ef þessar kosningar verða endurteknar þá mun Framsóknarflokkurinn fá þrjá inn - í það minnsta.

http://www.dv.is/frettir/2014/6/5/litur-framsoknarflokkinn-sem-fornarlamb/

[Anna Sigríður Guðmundsdóttir, 5.6.2014 kl. 22:41]

Jæja, Svanur. Eru sökudólgarnir endanlega fundnir? Gætir þú útskýrt þetta nánar á sjálfsábyrgan og heiðarlegan hátt fyrir okkur hinum, svo myndin verði heið(arlega)skýrari? Getur þú birt það sem Eygló Harðardóttir hefur sagt til að verja óréttláta umræðu, frekar en réttláta umræðu?

Þessi pistill segir ekki mikið sem gagnast almenningi, í þessari þrotlausu baráttu við lífeyrissjóða/banka-veldið siðblindustýrða. Það eru því miður ekki kjörnir fulltrúar á alþingi eða í ríkisstjórn sem stjórna málum hér á skerinu.

Undarlegt að fólk skuli endalaust afneita bankabrenglunar-stjórnsýslunni embættis-reglugerðar-siðbrengluðu í veröldinni.

Toppstjórar heims-bankaráns-"fjórfrelsisins": AGS/USA/EES/ESB, er þrælafangelsi. Það er því miður ekki enn komið nógu vel í ljós. Opinberir vestrænir fjölmiðlar bera ábyrgð á múgæsingnum og þögguninni ofurlaunuðu.

Jón Sigurðsson fyrrverandi Framsóknar-"eitthvað", ætti að skila því sem hann rændi frá Eir-búum, og öðrum varnarlausum Íslands-búum. Vonandi endist honum og fleiri embættisglæpamönnum restin af ævinni á jörðinni, til að bæta fyrir ránsverkin siðlausu og ofurlaunuðu.

M.b.kv.

[Númi (IP-tala skráð) 5.6.2014 kl. 23:44]

Svanur þér er veruleg vorkunn,ég vorkenni þér allavega.

[Svanur Gísli Þorkelsson, 5.6.2014 kl. 23:57]

„En það er líka mjög erfitt fyrir heila stjórnmálahreyfingu að sitja undir því að það eigi að útrýma okkur vegna þess að við höfum ákveðnar stjórnmálaskoðanir vegna þess að einstaklingar segja eitthvað sem eru hluti af þessari hreyfingu okkar.“ Eygló Harðardóttir

[Ómar Bjarki Kristjánsson, 6.6.2014 kl. 01:44]

Skúli var meir að segja bannaður á moggabloggi fyrir framkomu sína.

En hann var boðinn í betri stofu framsóknarmaddömunnar og sat þar við háborð og flutti framsóknarmönnum ófagnaðarerindið.

Enda lofaði hann strax 4000 atkvæðum.

(Sérkennilegt þetta með kippuatkvæði framsóknar, að eg sá líka svona fyrir alþingiskosningarnar að þá var það einhver saumaklúbbur eða eitthvað, sem var að lofa svona kippuatkvæðu, þ.e. að 20 atkvæði kæmu þaðan o.s.frv. Eg hef aldrei vitað svona. Að forsvarsmenn samtaka gætu lofað fjöldaatkvæðum.)

[Ómar Bjarki Kristjánsson, 6.6.2014 kl. 02:01]

Ps. ,,betri stofan" var facebooksíður frmsóknarframboðsins og Sveinbjargar.

Eg ætlaði varla að trúa mínum eigin augum þegar eg sá að Skíli var kominn þar við háorð innst inní betri stofunni.

Og var þar með sinn vanalega boðskap - sem á undanförnum árum hefur allstaðar verið útskúfað.

En í betri stofu framsóknar - þá fékk hann læk á allt saman meira og minna. Stórt læk.

Eg ætlaði bara ekki að trúa mínum eigin augum.

Sennilega er búið að eyða þesari síðu núna. Það kæmi mér ekkert á óvart miðað við vinnubrögð framsóknar. - en eg fylgdist grant með hvað fram fór í betri stofunni fyrir kosningar.

Og bara það atriði að Skúli var sestur þarna við háborð - þýddi bara að framsókn hafði plottað að fá þessi atkvæði.

[Anna Sigríður Guðmundsdóttir, 6.6.2014 kl. 13:31]

Svanur. Óflokksbundið fólk er eflaust sammála þessum orðum Eyglóar, um að verið sé að reyna að eyða einum flokk. Þá er spurning hvort það sé réttlætanlegt að reyna slíkt? Hvers vegna er Framsóknarflokkurinn ekki í náðinni hjá hinum flokkunum? Er það vegna þess að það á að leggja niður landsbyggðina, og flytja alla hreppaflutningum eins og réttindalausa þræla, á suðvesturhornið?

Hvað veldur raunverulega þessum óróa?

Hvað er réttlætanlegt að ganga langt, til að ná fram óréttlátum sérréttindum banka/lífeyrissjóðs-risanna siðlausu og ólöglega starfandi á suðvesturhorni landsins?

Er það virkilega einungis Framsóknarflokkurinn sem er ábyrgur fyrir embættiskerfis-siðleysinu á Íslandi? Allir hinir flokkarnir bara án ábyrgðar? "Stik fríir", eins og í Landsdómsmálinu. Eða þannig?

Og hver er þessi Skúli Skúl?

Ég hef ekkert á móti öfgalausum múslimum, né nokkru öðru öfgalausu friðsamlegu fólki.

Það kann aldrei góðri lukku að stýra, að blanda saman trúarbrögðum og stjórnun samfélaga. Enda trúarbrögð upphaflega búin til í þeim tilgangi að etja saman stríðandi múgæsings-öfgafylkingum, sem drepur fólk og heilu samfélögin. Á hvaða vegferð eru ráðandi fjölmiðlar? Friðargöngu?

Það verður að leyfa ólíkra sjónarhorna/skoðana umræður um viðkvæm mál, án þess að allt ætli af göflunum að ganga.

M.b.kv.

[Kolbrún Hilmars, 6.6.2014 kl. 16:37]

Svanur, svo vill til að Mannréttindasáttmálinn gerir ekki greinarmun á trúarbrögðum og pólitík. 
18.grein: "Allir skulu frjálsir hugsana sinna, samvisku og trúar".
19.grein: "Allir skulu frjálsir skoðana sinna og að því að láta þær í ljós".

Við vitum öll að bæði trúarbrögð og pólitík eru umræðuefni sem fólki er ráðlagt að forðast vilji það halda friðinn í "samkvæminu".  En ef við ætlum að hætta okkur út á þann ís samt sem áður, er vissara að tvöfalda ekki áhættuna...  :)

[Ómar Bjarki Kristjánsson, 6.6.2014 kl. 17:55]

Staðreyndin er að núverandi framsóknarflokkur sem varð til þegar SDG og hans hirð yfirtók flokkinn - er einhver versta andskotans sending sem Ísland hefur fengið.

Veit ekki alveg hvaða effektar það eru í þessum mönnum en það virðist spila inní almenn fáfræði, þekkingaskortur á pólitík, unggæðingsháttur og hreinlega ógeðfeld sýn á hvernig eigi að vera í pólitík.

SDG og hirðin hans hafa dregið alla umræðu og allt samfélagsefni niður á tilfinningalevel. Þeir ræða aldrei málefnalega eða af yfirvegun og virðast ekki vilja það.

Þeir taka eitthvað afmarkað efni fyrir, slíta úr öllu samhengi. og færa yfir á tilfinningalevel.

Þeir virðast hafa sérstaka unun af því að etja saman hópum í þjóðfélaginu, ráðast á garðinn þar sem hann er lægstur - og haga sér rétt eins og eineltisgaurar á skólalóð.

Það er vel þekkt að eineltisgaurar á skólalóð eiga sér fylgendur á skólalóðinni.

Þeir sem rísa upp gegn eineltinu eiga oft ekki sæla tíð.

Það má líka sjá þann tendens í sambandi við framsóknarflokkinn. Þeir ráðast af heift á þá sem hafna og mótmæla eineltinu.

[Pétur D. (IP-tala skráð) 6.6.2014 kl. 19:52]

Svanur, þetta er ekki rétt hjá þér. Ekkert af því sem Sveinbjörg sagði var rasískt, hún gagnrýndi ekki einu sinni islam, sem heldur ekki væri rasismi. Hún óskaði einungis eftir því, að Reykvíkingar fengju að kjósa um það hvort bænahús fyrir trúarbrögð, sem ekkert erindi eiga til Vesturlanda, yrði byggt á ókeypis lóð á áberandi stað.