Lán fyrir lánum

Ha, að taka lán til að borga lán heimilanna í landinu. Ég hélt að það ætti að greiða lánin þeirra niður með peningum sem Sigmundur Davíð var búinn að finna. Þetta átti að vera svona fé án hirðis sem hann ætlar að forða frá því að lenda í klónum á voðalega vondum köllum í útlöndum sem reyndu að hagnast á veseninu sem íslenskir bankar lentu í þegar að þeir bruðluðu sem mest. -Nú bíða bara allir eftir að Sigmundur leggi inn á þá. 

Þessi Sigríður Benediktsdóttir, yfirmaður fjármálastöðugleikasviðs Seðlabanka Íslands veit ekkert í sinn haus eða skilur ekki snilldina við lausn Sigmundar. Það sem Sigmundur er að tala um er eitthvað alveg nýtt sem engin hafði hugsað áður. Það sem þessi kerla í seðlabankanum er að tala um er að taka lán til að borga lán. Það er sko ekkert nýtt. Við höfum öll séð það gert margoft áður.

Kosningaloforðin fjármögnuð með lánum

Athugasemdir

[Ólafur Als, 3.5.2013 kl. 19:00]

Bloomberg er eitthvað að misskilja þetta eða að hennar heimildarmenn séu að fæða þá með vafasömu mati. Það væri náttúrulega arfavitlaust að fjármagna krónuskuldir með töku erlendra lána við núverandi aðstæður. Það fé er hægt að nálgast innanlands ... með afleiðingum sem ég læt vera að fjalla um í bili ... eða í gegnum þrotabú bankanna, jafnvel. Hef reyndar ekki hugmynd um möguleikann á því.

Ljóst er að umfjöllunin um allt þetta mál er á villigötum. Það er vont, því í húfi er að koma málum áleiðis og byrja uppbyggingu atvinnulífs, mannlífs og vonandi stuðla að sálarheill þjóðarinnar.

Góðar stundir.

[Jóhann Kristinsson, 3.5.2013 kl. 20:01]

Var að lesa frá eitilhörðum vinstrimanni Helga Jónssyni í athugasemd á öðrum pistli á blog.is að íslendingar skuld bara 3.6 miljarða.

Ef þetta er rétt þá ætti það ekki vera neitt mál að hjálpa heimulunum?

Ólafur þetta er rétt hjá þér, tapsárir vinstrimenn vilja ekki að heimulunum verði bjargað frá rúst og er með áróðurslýðskrum. Enda gerðu þeir ekkert fyrir heimilinn í rúm fjögur ár.

Kveðja frá Houston