Betra ef ''hæstvirtur'' þingmaður hefði verið fullur

Það er nú meira hvað þessir háttvirtu bjálfar á hinu háa alþingi geta tekið sig alvarlega. Þeir bulla í málþófi daginn út og inn og kalla það umræður. Grútmátlausir stjórnarandstöðuþingmenn jórtra á frekjuhunda-frumvörpunum eins og kýr, spyrja hvorn annan einhverra aulaspurninga og eru meira að hættir að þykjast vera málefnalegir. -

En svo þykjast þeir fyrtast við ef einhver dregur í efa að þeir séu allsgáðir. Það væri alla vega bót í máli ef viðkomandi hefði verið fullur, þá gæti hann afsakað aulagang sinn sig með því.

Svo var víst ekki og hann og vinir hans úr stuttbuxnadeildinni ná ekki upp í nefið á sér fyrir hneykslan.  Þeir eru slegnir yfir ummælunum segir fréttin, slegnir án þess að Árni Johnsen komi þar nokkuð við sögu, slegnir út af laginu líklega, sem samt var rammfalskt fyrir.

Lágkúran meðal hæstvirtra þingmanna á hinu háa alþingi Íslendinga er orðin svo mikil að það er ekki nokkur leið að taka hvaðeina sem þaðan kemur alvarlega.

Þetta er svo langt gengið að almenningur hugleiðir í alvöru að kjósa  forseta sem gæti orðið pólitískt mótvægi við hyskið á alþingi. - Honum þykir greinilega borin von um að hægt sé að bæta eitthvað löggjafarsamkunduna með öllum sínum hugmyndafræðilegum geldingum innanborðs.

Þetta er  örugglega hið nýja Ísland sem allir voru að tala um að væri í burðarliðnum fyrir tveimur árum?

Þingmenn slegnir yfir ummælum

Athugasemdir

[Haraldur Rafn Ingvason, 7.6.2012 kl. 18:48]

Ég mundi ekki láta sjá mig þarna innandyra nema vera blekölvaður...

[Þorvaldur Guðmundsson, 7.6.2012 kl. 22:13]

Svanur ertu hættur að blogga um forsetaframboðið?

[Svanur Gísli Þorkelsson, 7.6.2012 kl. 23:51]

Þorvaldur; nei, auðvitað ekki :) Nú hefst fjörið fyrir alvöru, barneignirnar að baki og silkihanskarnir komnir fram á fingurna hjá forsetaefnunum.

[hilmar jónsson, 8.6.2012 kl. 10:56]

Já, það er betra að geta skýlt sér á bak við ölvun heldur en karakterinn, Árna Johnsen.