Fangar Wen Jiabaos

Í Kína Wen Jiabaos Forsætisráðherra sitja hundruð þúsunda meðlima Falun Gong hreyfingarinnar í fangelsum. Þar sæta þeir bæði andlegu og líkamlegum pyntingum á hverjum degi. Mannréttindabrot og glæpir Wen Jiabaos og stjórnar hans á meðlimum Falun Gong sem og öðrum minnihlutahópum í Kína sem og í löndum sem Kínverjar hafa hernumið, eru hneisa sem siðmenntaðar þjóðir heimsins ættu ekki að líða með því að hafa samskipti við Kínversk stjórnvöld fyrirvaralaust.

Það er hneisa að tekið skuli á móti Wen Jiabaos á Íslandi eins og ekkert sé. Með slíku eru íslensk stjórnvöld fyrir hönd íslendinga að leggja blessun sína yfir athæfi kínverskra stjórnvalda.

Á meðan  Wen Jiabaos belgir sig út á kræsingum með forseta Íslands á Bessastöðum, sem íslenskir skattgreiðendur borga fyrir, svelta þúsundir manna í Kína sem Wen Jiabaos hefur látið fangelsa fyrir það eitt vera ekki sammála pólitískri stefnu hans.

Wen Jiabaos, forsætisráðherra Kína, þarf samt ekki að kvíða því að stjórnvöld hér á landi geri ekki allt sem þau geta til ð þóknast honum. Þau kæra sig kollótt þótt umferðin riðlist eitthvað þar sem hann fer um. Það er orðin hefð fyrir því að þegar stórmenni frá Kína koma í heimsókn, fyllist bærinn af öryggisvörðum og íslensk stjórnvöld leggja sig líma við að fara að óskum þeirra á allan hátt. 

Íslensk stjórnvöld hika heldur ekki við að neita fólki að koma til landsins, álíti þau að það sé Kínverjum þóknanlegt.

Íslensk stjórnvöld hika ekki við að hneppa saklaust fólk í stofufangelsi, til að þóknast Kínverjum.

Íslensk stjórnvöld hika ekki við að vísa öllu gulklæddu fólki í burtu og úr sjónlínu Wen Jiabao svo það verði ekki til ama fyrir hann og hans slekti.

Undirlægjuháttur stjórnavalda við nútímalega nýlendustefnu Kínverja er með ólíkindum og daður þeirra við kínversk stjórnvöld og fjármagn þeirra getur hæglegra orðið hættulegra fullveldi þjóðarinnar en nokkuð annað.

 

Umferðartafir vegna heimsóknar

Athugasemdir

[Kári (IP-tala skráð) 19.4.2012 kl. 11:06]

Þúsundir í Kína ?, Gáðu að þér í ruglinu og ekki ímynda þér að einhver telji þig marktækann mannvin. Gong Gong.III .

[Svanur Gísli Þorkelsson, 19.4.2012 kl. 12:01]

 Kári þú ert dóni og mótmæli þín við staðreyndum léttvæg fundin. Gnótt er til af heimildum sem sanna mál mitt og sú nærtækasta um þetta mál Wikipedia sem segir m.a.

Human rights groups report that Falun Gong practitioners in China are subject to a wide range of human rights abuses; hundreds of thousands are believed to have been imprisoned extrajudicially, and practitioners in detention are subject to forced labor, psychiatric abuse, torture, and other coercive methods of thought reform at the hands of Chinese authorities.^{[14][15][16][17]} In the years since the suppression campaign began, Falun Gong adherents have emerged as a prominent voice in the Chinese dissident community, advocating for greater human rights and an end to Communist Party 

[Vilhjálmur Örn Vilhjálmsson, 19.4.2012 kl. 13:57]

Kína er, miðað við efnahag, versti mannréttindaþrjótur heimsins.

Íslendingar eiga ekki að hanga í rassinum á þessari nýju herraþjóð bara vegna þess að Íslendingar halda sig hafa fundið peningaþef. Þeir eiga að mótmæla harðlega afskiptum Kína af heimshlutum sem þeim kemur ekkert við. Kína á ekkert erindi á Íslandi, Grænlandi eða á Norðurpólnum. Kína er Kína og þeir verða að skilja það. Heimsvaldastefna Kínverja er að mínu mati óhugnanlegri en yfirráðaáætlun nasista og öfgaíslams til samans.

Wen Jiabao er glæpaleiðtogi og ég lýsi sem Íslendingur vanþóknun minni á ríkisstjórn Íslands sem tekur á móti þjóðhöfðingja lands sem rekur fangabúðir og þar sem mannréttindi eru á allan hátt fótum troðin, nema fyrir gæðinga kommúnistaflokksins, sem er versta arðræningjasamkunda sem sögur fara af.

[Einarer (IP-tala skráð) 19.4.2012 kl. 17:51]

Af hverju finnst þér það skrítið að hann komi hingað?  Maður sem getur gert það sem íslenskum stjórnmálamönum finnst að þeir eigi að geta gert.  Ég get vel skilið að þeir vilji heiðra sína fyrirmynd og hetju eftir bestu getu.