Hefur þetta á frekjunni

Hanna Birna á eftir að bursta Bjarna Ben í formannskjörinu af því hann er svo mikill vingull og hún er svo hörð og frek. Hún er miklu frekari en Ólöf áldrottning, hvað þá Kristján tapari af Akureyri og miklu harðari en allir aðrir samanlagt sem hugsanlega gæti stokkið fram í formannskjörið á síðustu stundu.  

Svo á hún eftir að bursta Jóhönnu í næstu alþingiskosningum kosningunum af því að hún er miklu frekari og miklu sætari en Jóhanna.  Hanna Birna er næsti bjargvættur þjóðarinnar. Hún er svona eins og allir héldu að  Jóhönna væri.

Hún er frábær verkstjóri, þaulreyndur atvinnupólitíkus sem aldrei gefst upp. Kraftar hennar eru mjög vannýttir við að hanga og hlusta á þvæluna úr Borgarstjóra.

Hanna Birna er konan sem aftur mun koma Íslandi í fremstu röð. Hún mun rífa það upp á rassgatinu með athafnasemi og elju og skapa hér atvinnu og góðæri.  

Hún er svo frek að hún vill ekki einu sinni að þjóðin fái að kjósa um hvort hún vilji í EB.

Hún á eftir að hafa þetta allt á frekjunni.

Hanna Birna býður sig fram

Athugasemdir

[Ásthildur Cesil Þórðardóttir, 3.11.2011 kl. 19:25]

Vonandi hefur þú ekki rétt fyrir þér. Ekki að mér sé ekki sama hvort þeirra vinnur Hanna Birna eða Bjarni, en ef Sjálfstæðisflokkurinn fær völdin aftur eftir næstu kosningar þá erum við stödd á reit eitt aftur, og þurfum að ganga þá þrautargöngu alla leið.  Það verður einfaldlega ekki liðið hvort sem hún er sæt, frek eða kröftug.  Við þurfum eitthvað allt annað en Sjálfstæðisflokkinn til að lifa af.

[Bergljót Gunnarsdóttir, 3.11.2011 kl. 20:58]

Fyrir utan að ég er viss um að hún hlustar aldrei á Borgarstjóra, þó hún þykist etv. gera það, þá er hún skelfingarkostur fyrir fólk sem nennir hvorki eða hefur áhuga á að hlusta á heilaþvegna manneskju vitlausa úr frekju, hreinlegarúlla yfir sviðið. Nái hún kosningu erum við stödd á byrjunarreit eins og Ásthildur bendir réttilega á.

Sjálfstæðisflokkurinn er ekkert nema gamalt íhald og þess vegna er hún þar. Þar er ekkert nýtt í gangi, allt við sama heygarðshornið og þessir föstu kjósendur sem mæra hana svo ákaft eru bara ekkert í takt við tímann. Þeir eru sífellt að éta fortíðarhyggjuna upp aftur og aftur. Ég er farin að halda að þeim sé ekki sjálfrátt.

Bjarni Ben er myndarlegur hæfileikalaus veikgeðja maður að mínu viti og ætti frekar að gerast model hjá tískuljósmyndara.

[Magnús Helgi Björgvinsson, 3.11.2011 kl. 22:08]

Það er nú skrýtið að kona með öll þessi bein í nefinu var ekki manneskja til að taka til í Orkuveitunni. Stóð á móti öllum hækkunum á gjaldskrám þar þó það hafið kostað Reykvíkinga meira þegar loks var farið í það.  Hún neitað að horfast í augu við slæma stöðu þar. Hún leiddi nú ekki sjálfstæðismenn til stórsigurs í Reykjavík 2010.  Held að hún eigi ekki eftir að skipta megin máli í endurreisn Íslands. En gaman að Sjálfstæðismenn kjósi konu sem formann.

[H.T. Bjarnason (IP-tala skráð) 3.11.2011 kl. 23:19]

Alltaf þarf orðræðan að vera eins.  Ákveðnar og einbeittar konur eru "frekar", en ákveðnir og einbeittir karlmenn eru ákveðnir og einbeittir.

[Svanur Gísli Þorkelsson, 3.11.2011 kl. 23:31]

Orðaræðan er alltaf eins H.T.B. Ákveðni og einbeiting í pólitík eru önnur orð yfir frekju. Annars er þetta nú sett svona gróft fram hjá mér af kaldhæðni, frekar en einhverri alvöru alvöru :) 

[Bergljót Gunnarsdóttir, 3.11.2011 kl. 23:31]

Ekki aldeilis alltaf , svona alhæfingar eru út í hött.

[Þórhildur Þorleifsdóttir (IP-tala skráð) 3.11.2011 kl. 23:35]

Ef Hanna Birna sigrar í formannskosningunni ætla ég svo sannarlega að vona - allra vegna - að það sé vegna þess að hún hafi eitthvað annað til að bera en frekju.

[Svanur Gísli Þorkelsson, 3.11.2011 kl. 23:38]

Ásthildur; Það er því miður sami rass undir öllum pólitíkusum. Þeir maka sinn eigin krók, hvað sem þeir heita og hvaða flokki sem þeir tilheyra. Samt endurnýjar tiltrú fólks á þessum skrípaleik sig á ca 4. ára fresti. - Ground hog day once again :)

[Svanur Gísli Þorkelsson, 3.11.2011 kl. 23:43]

Bergljót; Merkilegt að stuðningur við hana kemur einkum úr gamla flokkseigendaslektinu. - Þetta verður svona Déjà vu fílingur fyrir það.

[Vilhjálmur Stefánsson, 3.11.2011 kl. 23:44]

Hanna Birna verður okkar Formaður og hún kona sem veitir Flokk okkar mikla og góða stjón,og er ekki reykul eins og Bjarni Ben sem veit ekki munin á já og nei...

[Svanur Gísli Þorkelsson, 3.11.2011 kl. 23:47]

Magnús. sannaðu til, hún á eftir að skýrskota til frammistöðu sinnar sem borgarstjóri þrátt fyrir að hafa verið hafnað af stærstum hluta Reykjavíkurbúa í það embætti. - Fyrir langflesta skiptir það ekki máli hvað er, heldur hvað sýnist. (Þetta er kallað á pólitísku máli að móðga kjósendur)  - Hún sýnist röggsöm og ákveðin (frek) og það dugar henni, vittu til.

[Svanur Gísli Þorkelsson, 3.11.2011 kl. 23:50]

Þórhildur: Vissulega hefur hún margt annað til að bera, en þeir mannkostir draga stutt samanborið við röggsemina og ákveðnina  (frekjuna) sem er hennar aðall og þess vegna sigrar hún.

[Svanur Gísli Þorkelsson, 3.11.2011 kl. 23:52]

Vilhjámur: Já, hún er hin nýja Jóhanna af Örk, og hennar tími er kominn. Hún kemur til með að hefja flokkinn þinn til valda á ný í skjóli kjósenda sem haga sér mjög svipað og þú lýsir núverandi formanni þínum.

[Ásthildur Cesil Þórðardóttir, 4.11.2011 kl. 12:46]

Svanur já því miður er erfitt fyrir þá sem komast að við kjötkatlana að hugsa um eitthvað annað en flokkinn sinn og sjálfa sig, eins og landsmenn til dæmis, þeir eru alltaf aftastir í goggunarröðinni, eða forgangslistanum heldur.

[Sigrún Guðmundsdóttir (IP-tala skráð) 5.11.2011 kl. 09:25]

Þú segir það Svanur Gísli.

Já, við búum við lýðræði og ég segi fyrir minn hatt að á meðan svo er er ég þakklát fólki sem nennir að standa í þessu fyrir okkur.

Langar að lokum að minna Bergljótu Gunnarsdóttur 03.11.2011 á háfleyg orð á eigin bloggi þegar hún dæmir hér fólk sem hún þekkir ekki neitt:

"Eitt bros getur dimmu í dagsljós breytt,

sem dropi breytir veig heillar skálar.

Þel getur snúist við atorð eitt.

Aðgát skal höfð í nærveru sálar......."

[Svanur Gísli Þorkelsson, 5.11.2011 kl. 11:18]

Sigrún; Af hverju kallar þú stjórnskipulagið sem ið búum við lýðræði án nokkurra formerkja? Lýðræði er margslungið hugtak viðurkenni ég vel, en þessi tegund af fulltrúalýðræði sem her tíðkast er afar gamaldags og hentar okkur illa. - Beinna lýðræði er vel mögulegt, þar sem áhrif smárra hópa er takmarkaðri.

En kjarninn í athugasemd þinni, þ.e. að þú sért þaklát þeim sem nenna að standa í þessu fyrir þig, lýsir alveg hvernig þú hugsar um pólitík. Fyrir þá sem ekki nenna, er þetta fyrirkomulag sem við höfum sjálfsat fyrirtak.

[Bergljót Gunnarsdóttir, 5.11.2011 kl. 22:28]

Sigrún. Fólk sem gefur sig út fyrir að vera stjórnmálamenn í lýðræðislegu samfélagi, er þar með nánast orðið almenningseign, opinber persóna. Við spáum og spekulerun í orðum þeirra jafnt sem gerðum, og líki okkur ekki það sem við sjáum, álít ég að við höfum leyfi til að segja skoðun okkar hispurslaust, á sama hátt og flokksmenn Hönnu Birnu tjá sig hér á blogginu um borgarstjórann okkar Jón Gnarr, og er þá hvorki kurteysi né vinsemd veifað.

Hvað varðar, að ráðast að náunganum, sem þú veist engin deili á, með andstyggilegu orðbragði eða gerðum, bara til að vera andstygileg/ur er engum til sóma, og eflaust er sjúkt og truflað fólk oftast þar á bakvið.

[Sigrún Guðmundsdóttir (IP-tala skráð) 5.11.2011 kl. 23:53]

Svanur Gísli, víst eiga margir drauma um beinna lýðræði en ég fæ ekki séð hvað blogg þitt og blogg og athugasemdir sem Bergljótar Gunnardóttur fá breytt til betri vegar. Þetta er skipulagið sem við búum við í dag. Gerið þá eitthvað annað en dæma, fjasa og nöldra.

Því ekki fæ ég séð að þið nennið nokkru öðru nema blogga frá ykkar hægindastólum og dæmið fólk eins og enginn sé morgundagurinn.

Jafnvel þó einn bloggaravinur þinn pirrist á hinum vini þínum Jóni Gnarr Bergljót þá gefur það þér ekki leyfi til að hakka niður mann og annan. Jafnvel þó þú hafir geislabauginn við hendina. Orðin opinber persóna sjálf.

[Bergljót Gunnarsdóttir, 6.11.2011 kl. 00:36]

Bra til upplýsingar Sigrún, Jón Gnarr er ekki vinur minn, ég hef aldrei hitt hann né talað við, kaus hann ekki einusinni.

 Annað er að mér ofbýður gjörsamlega hvernig margir íhaldsmenn leggja hann í einelti, fyrir allt sem hann gerir, og hafi hann hægt um sig er hann lagður í einelti fyrir það. Hann er uppnefndur og sýndur rakinn dónaskapur aftur og aftur og stanslaust.

Aftur á móti hefur Hanna Birna fengið ómælt lof, en ég fæ ekki séð fyrir hvaða verðleika.

Geislabaugur, hann fylgir helst guðlegum verum skilst mér, það væri nú kitlandi að eiga einn, en  svo langt er ég ekki komin í veruleikafyrringunni að ég ætli mér einn slíkan, né þeim sem ég styð með einu eða öðru móti.

Ég vona að þú sigrist á þessum pirringi þínum og reynir að skilja hvað ég hef verið að reyna að segja, bæði hér og annarsstaðar á moggablogginu.

Mér sýnist hver höndin upp á móti annarri í flokknum þínum, og væri e.t.v. affarsælla að tala yfir hausamótunum á þeim, heldur en mér sem er bara venjulegur nöldrari, sem er að vísu ekki alveg sama um gang mála.

[Svanur Gísli Þorkelsson, 6.11.2011 kl. 01:33]

Jamm Sigrún mín. Þetta er vitaskuld rétt hjá þér með mig og fleiri sem þykjast vera að breyta heiminum með bloggi úr stofustólunum. - Auðvitað á maður að taka til hendinni og steypa sér út í stjórnmálin og breyta kerfinu innan frá.

Svo er bara að vona að maður tapi ekki sýninni tæru á meðan maður klifrar upp klístaraðan metorðastigann og vara sig öllu braskinu og öllum hrossakaupunum sem slíkt klifur útheimtir. Málið er að komast fyrst  til áhrifa og leiða síðan alla með sér í draumalandið.

[Ásthildur Cesil Þórðardóttir, 6.11.2011 kl. 11:26]

Í fyrsta lagi þá hefur verið reynt að "breyta kerfinu innanfrá" hjá mörgum til dæmis sjálfstæðisflokknum, þar sitja góðir menn sem hafa reynt að mæta á landsfundi og reyna að breyta áherslum, það virkar álíka vel og að stökkva vatni á gæs, því þar er allt njörvað niður á flokksgæðinga og enginn vilji til breytinga, þetta á við um allan fjórflokkinn.  Fyrir nú utan að venjulegur maður kemst ekki auðveldlega inn fyrir dyrnar, þar sem valdir gæðingar hafa allan forgang. Þeir hafa samt vit á að fá með nokkra svona "almenningsmenn"  til að fólk haldi annað.  Hef séð slíkt gerast.

Við seinni hluta innleggs þíns Svanur hef ég engu við að bæra, frábærlega orðað og gjörsamlega rétt.

Hvað varðar Hönnu Birnu, þá tel ég útkomu hennar ráðast; ekki af hæfileikum, heldur hversu margir "miðaldra hvítir karlmenn" verða á fundinum. Eins og Þorgerður Katrín orðaði það svo snilldarlega.  Þá á ég við slíka af báðum kynjum.  Íhaldsamt fólk sem ekki vill breyta neinu.  Og fyrir utan það, þá held ég að það sé ekki mikill mundur á þessum tveimur frambjóðendum.  Þetta verður sennilega allt afgreitt fyrir fundinn af klíkunni sem heldur í alla þræði, og menn skikkaðir til að kjósa þetta eða hitt.  Ekki hef ég nú meira áliti á lýðræði innan þessara fjögurra flokka en það.