Sturlaðir herramenn

Hermenn eru þjálfaðir til að drepa annað fólk. Það er atvinna þeirra og tilgangur. Bestu hermennirnir eru þeir sem geta drepið að boði yfirmanna sinna, án hiks eða vamms. Góðir hermenn þurfa að vera góðir manndráparar,  hlýðnir og tryggir yfirboðurum sínum.

En svo eiga þeir líka að vera siðprúðir, vammlausir og heilsteyptir einstaklingar, kurteisir og hjálpsamir, áreiðanlegir og snyrtilegir og hafa tileinkað sér allt það sem best má prýða skapgerð ungra manna, auk þess að vera dráparar. 

Þegar að hermenn gera árás á óvini sína vita þeir að almennir borgarar deyja. Í flestum styrjöldum deyja fleiri óbreyttir borgarar en hermenn. - Að drepa óbreytta borgara er því hluti af hernaði og dagsverkum hermanna.

Fall óbreyttra borgara í stríði er kallað "hliðarverkandi skaði" á hermannamáli. Það er gert ráð fyrir því í öllum hernaðaráætlunum. Þegar árásirnar á Hírosíma og Nagasaki voru gerðar, voru t.d. skotmörkin óbreyttir borgarar.

Af og til taka bandarísk stórnvöld sig samt til og rétta yfir hermönnum sínum fyrir að drepa óbreytta borgara. Þeir læsa þá inni í herfangelsum sínum eftir að hafa þjálfað þá til að drepa og sigað þeim fram á vígvellina sem oftar en ekki eru hýbýli hinna almennu borgara.  Fyrir sitt leiti finnst hermönnunum þeir aðeins vera að vinna vinnuna sína. -

Yfirmenn hermála halda að með þessu sanni þeir, að þeir sjálfir og "sakborningarnir"séu enn mennskir  

Í sturluðum hugarheimi sínum ímynda þeir sér að reglur mannlegs samfélags nái til hegðunar þeirra og verk þeirra dæmist eftir einhverjum sammannlegum mælikvörðum. 

Hvílík blekking! Hvílík sturlun! 

Safnaði fingrum af líkum sem sigurtákni

Athugasemdir

[Helgi Armannsson (IP-tala skráð) 1.11.2011 kl. 08:09]

sammala Svanur

US Soldiers Are Waking Up! 

http://www.youtube.com/watch?v=xHOoU98hMN4

[Garðar Valur Hallfreðsson, 1.11.2011 kl. 12:56]

Alveg sammála, þetta er algjör sturlun.  Það þrífst viðbjóður í stríði, ég skil ekki hvað sumir haldi að gerist í stríðsátökum.  Það er alltaf þannig að manneskja er að drepa aðra manneskju, þrátt fyrir réttlætingar af ýmsu tagi.

[Brynjar Björnsson (IP-tala skráð) 1.11.2011 kl. 15:01]

Stríð er sturlun, enda lýsir orðið "styrjöld" ástandinu vel; það getur varla verið nýleg uppgötvun, en þrátt fyrir allt er þetta eitt það helsta tómstundagaman mannkynsins.

"Mankind must put an end to war before war puts an end to mankind." - John F. Kennedy

[Bergljót Gunnarsdóttir, 1.11.2011 kl. 16:52]

Tómstundagaman? Jú, jú, það má alveg tengja tómstundagaman við það sem  sem er í gangi þegar stríð er hafið.

Það er ágætt að muna að stríð verður ekki til, eða myndast, því er valdið. Hvers vegna er því valdið? Undantekningarlaust vegna græðgi, hvort sem hún er þjóða, eða einstaklinga. Frekjan, græðgin og yfirgangurinn í heiminum í dag á sér engin takmörk.

[Svanur Gísli Þorkelsson, 1.11.2011 kl. 17:24]

Þakka góðar athugasemdir og ábendingar.

[Ásgrímur Hartmannsson, 1.11.2011 kl. 21:34]

Góðir hermenn verða að vera góðir drápsmenn, en samt gera morðingjar ekki góða hermenn.  Segir Vegetius.  Hann er búinn að vera dauður í meira en 2000 ár núna.

Hernaður er mjög spes fyrirbæri, þegar maður fer að skoða það nánar.

Vissirðu að 50% af fólki er ekki einu sinni fáanlegt til að hleypa af þó verið sé að skjóta á það?

[Bergljót Gunnarsdóttir, 1.11.2011 kl. 22:00]

"Hermaður er mjög spes fyrirbæri, þegar maður fer að skoða það nánar."

Þarna ertu væntanlega að tala um muninn á harðsoðnum málaliðum og strákum sem eru teknir 18 ára og sendir í stríðið, oftast illa þjálfaðir og aldrei farið að heiman frá mömmu.

Guði sé lof er fólk ekki fáanlegt til að hleypa af, ef það er staðreyndin. Það er enginn aumingjaskapur heldur siðfágun sem gefur okkur etv. þá von að þetta sé ekki vonlaust.

Ég held að Vegetíus hafi átt við að "góður drápsmaður" sé sá sem lætur óumflýjanlegan dauða óvinar, að drepa eða vera drepinn, taka hratt og vel af.

[Svanur Gísli Þorkelsson, 1.11.2011 kl. 22:02]

Ásgrímur; Rómaveldi var um aldir fyrst og fremst herveldi þannig að Vegetius vissi hvað hann söng og úlistaði m.a. herfræðina nákvæmlega í ritum sínum. - Vissulega eru ekki allir morðingjar góðir hermenn, en allir hermenn þurfa samt að vera góðir morðingjar. Annars geta þeir ekki drepið. Að gera mun á morðum og drápum í stríði er  hártogun. - Þú skalt ekki mann deyða, hlýtur að vera grundvallarreglan sem miðað er við, hvort sem þú drepur hann eða myrðir.

[Brynjar Björnsson (IP-tala skráð) 1.11.2011 kl. 22:58]

Ég segi "tómstundagaman" vegna þess að mannkynið hefur stundað hernað nánast sleitulaust og af síaukandi ákefð síðan fyrir ritaða sögu, Bergljót.

Hvort það sé heilbrigð tómstund er auðvitað allt annað mál og auðséð... samanber tilvitnunina í Kennedy heitinn, sem var auðvitað myrtur, rétt eins og Lennon og Ghandi og fleiri sem gerðust svo djarfir að stinga uppá frið og náungakærleik.

[Bergljót Gunnarsdóttir, 2.11.2011 kl. 02:39]

You can´t win them all Brynjar. Hugsaðu þér hversu æðislegur heimurinn væri ef þessi átrúnaðargoð okkar, sem teljum okkur til sæmilega vel þenkjandi fólks, hefðu fengið að lifa og breiða út friðarbðskapinn, þannig að heimurinn væri ekki bara rugl og rugl, á rugl ofan í dag.

Ég held að við séum fullkomnlega sammála.