Mundir þú kaupa bíl af þessum manni?

Einn kunnasti bílasali Bandaríkjanna Calvin Coolidge, betur þekktur sem Cal Worthington, á að baki ansi langan og litríkan feril sem bílasali. Í seinni tíð hefur hann einnig getið sér orð sem hinn mesti kvennabósi þrátt fyrir að vera orðin talsvert aldraður.

Cal er fæddur árið 1920 en árið 1979 þá tæplega sextugur skildi hann við Barböru konu sína til margra ára og gekk að eiga Susan Henning. Það hjónaband endaði illa sjö árum seinna. 1995 giftist hann útvarpskonunni Bonnie Reese sem þá var 35 ára. Það hjónaband endaði árið 2002. Í síðasta mánuði giftist Cal í fjórða sinn, í þetta skipti íslensku jazz-söngkonunni Sjúbídú Önnu Mjöll Ólafsdóttir Gauks og  Svanhildar Jakobsdóttur.

Cal er best þekktur fyrir auglýsingar sínar í út og sjónvarpi þar sem hann kom ávalt fram með vini sínum "Spot" (Depli)  sem aldrei var hundur eins og nafnið gæti gefið til kynna, heldur eitthvað annað dýr og næstum aldrei það sama. Spot gat t.d. verið tígrisdýr, fíll, grís, höfrungur, selur eða skógarbjörn.

Brúðkaup þeirra Cals og hinnar íslensku brúðar Önnu Mjallar, vakti að sjálfsögðu athygli vegna aldursmunarins sem á milli hjónakornanna er, rétt um 50 ár ef rétt er farið með í fréttinni hér að neðan.

Anna Mjöll fetar þarna í fótspor margra bandarískra smástirna sem giftast sér miklu eldri mönnum, auðvitað af einskærri ást. Kunnust þeirra er eflaust nafna hennar Anna Nicole Smith sem giftist herramanni og miljarðamæringi sem var 62 árum eldri en hún sjálf. - Ævi þeirrar stúlku og afrek eru tíunduð í nýrri óperu sem nú er sýnd við góðan orðstír í Konunglega óperuhúsinu í Lundunum.  - Verst að Anna Mjöll er jazzsöngkona en ekki óperusöngkona. Hún hefði passað svo vel í hlutverkið. -

Annars þarf Anna Mjöll að huga dálítið að ferilsskrá sinni á netinu. Þar er heldur mikið um endurtekinnar. Nema að hún hafi tekið þann pól í hæðina að sjaldan sé góð vísa of oft kveðin.

In 2009 Mjöll released a CD, The Shadow Of Your Smile, featuring a mix of Icelandic songs and jazz standards. The CD featured a number of notable musicians including Vinnie Colaiuta, Dave Carpenter, Don Grusin, Neil Stubenhausand Luis Conte, and was voted one of the top 5 Female Vocal Jazz CD's of 2009 at Arnaldo DeSouteiro's Jazz Station.

In 2009 Mjöll was voted one of the top 5 Jazz singers of the year by DeSouteiro's Jazz Station.

In 2010 Mjöll released her first solo holiday CD, "Christmas JaZZmaZ". "Christmas JaZZmaZ" features original arrangements by Ólafur Gaukur and musicians including Vinnie Colaiuta, Luis Conte, Ólafur Gaukur, Don Grusin, Dave Carpenter and Charlie Bisharat, and was voted one of the top 10 Female Vocal Jazz CD's of 2010 at Arnaldo DeSouteiro's Jazz Station.

In 2010 Anna Mjöll was voted one of the 10 best female Jazz singers of the year by DeSouteiro's Jazz Station, and "Christmas JaZZmaZ" was voted "Christmas CD of the Year".

Anna Mjöll giftist forríkum bílasala 9. apríl

Athugasemdir

[Kolbrún Hilmars, 6.5.2011 kl. 19:41]

Svanur, fyrirsögnin þín á þessum pistli er það sem mætti kallast "moot".  Bílasali í Cal, USA selur íslendingum ekki bíla - og það nennir enginn að svara spurningunni. 

Hefðirðu orðað fyrirsögnina " Myndir þú giftast þessum manni" hefði áreiðanlega rignt inn svörum.  Og fjölmörgum þeirra  fróðlegum í þokkabót 

[Jón Steinar Ragnarsson, 6.5.2011 kl. 22:00]

Ég myndi ekki giftast honum.

[hilmar jónsson, 6.5.2011 kl. 22:47]

Kolbrún, steitment Jóns Steinars gæti nú lyft kommentunum á smá flug...hmm..

[Númi (IP-tala skráð) 6.5.2011 kl. 22:53]

H A L E L Ú J A.........................................amen.

[Gústaf Níelsson, 6.5.2011 kl. 23:52]

Ástin spyr ekki um aldur Svanur Gísli - miklu fremur um sjóðsstreymið, cashflow-ið!! Ekki satt? Auðvitað er þetta gömul saga og ný. Konur elska peninga, sem menn eiga.

[Svanur Gísli Þorkelsson, 6.5.2011 kl. 23:55]

Kolla. þú ert frábær og hefur líklega rétt fyrir þér í þessu sem öðru :)

Jón Steinar;  Ég líka

Hilmar: Var að vona það líka :(

Númi; Erum við komin á samkomu?

[Svanur Gísli Þorkelsson, 7.5.2011 kl. 00:20]

Kolla; Reyndar er fyrirsögnin aðeins bergmál af gamalli bandarískri klisju. Mundir þú kaupa notaðan bíl af þessum manni o.s.f.r.

[Svanur Gísli Þorkelsson, 7.5.2011 kl. 00:24]

Gústaf: Spurningin hvað verður mikið eftir að auðinum þegar það eru svona margar sem þurfa að deila honum.

[Baldur (IP-tala skráð) 7.5.2011 kl. 01:09]

Hvað leggstu í rannsóknarvinnu til að höfða til slúðursþorsta plebbanna? Ég hefði haldið líf þitt væri of stutt til þess, siðferði þitt of mikið og þú hefðir eitthvað þarfara við þinn stutta tíma að gera. Anna Mjöll er fullorðin og sjálfráða kona, komin vel yfir fertugt, og ræður sjálf hverjum hún kýs að eyða lífinu með. Sé hann í hjólastól, svartur, feitur eða álitinn ljótur, og einhver telji hana minni mann af því að ganga í hjónaband með honum, þá kemur það henni ekkert við. Og ekki heldur þó hann sé gamall. Ríkir menn eru heldur ekki óverðugri ásta en fátækir. Ástin bara er og hittir mann fyrir þegar hún gerir það. Hún er ekki góðgerðarsamtök og fer heldur ekki eftir einhverjum reglum hins ímyndaða norms. Það er mun skuggalegra þegar segjum tveir lögfræðingar á svipuðum aldri sem bæði stunda ræktina taka saman. Hver veit nema þau séu bara að ganga  í augun á vinum og kunningjum? Anna Mjöll vissi hún myndi lenda milli tannanna á fólki fyrir að fylgja hjartanu, en henni var alveg sama. Húrra Anna Mjöll!

[999 (IP-tala skráð) 7.5.2011 kl. 01:20]

Þessi maður stendur uppi á flugvélum, klappar tömdum ljónum og er fyndinn og skemmtilegur ævintýramaður. Hvaða kona sem er velur frekar skemmtilegan eldhuga en leiðindaskarfa sem hafa ekkert annað að gera en vellta sér upp úr lífi annarra, og skiptir þá litlu hvort þeir eru milljónerar eða öskukallar, 90 eða 18 ára. Það dreymir enga konu að eyða lífinu með leiðindagaur, karakter og persónuleiki skiptir meira en öll heimsins auðæfi og aldur, og þetta er sko enginn leiðindagaur.

[Reputo, 7.5.2011 kl. 07:17]

Maður spyr sig samt: Hefði hún gifst honum ef hann lifði eingöngu á ellilífeyri? Ég held að flesta gruni svarið við þeirri spurningu. En gott hjá henni. Kallinn dauður innan 10 ára og hún eflaust með samning upp á x prósentu af arfinum fyrir vel unnin störf.

[Svanur Gísli Þorkelsson, 7.5.2011 kl. 08:39]

Sæll Baldur, 999 eða hvað sem þú vilt nú láta kalla þig.

Mér finnst Cal og Anna Mjöll ekkert óverðugra rannsóknarefni en hvað annað. Og það eru ekki allir sem þekkja hana persónulega eins og þú og geta því dæmt um hvað hún hugsar og hvernig henni líður. - Það er í sjálfu sér fróðleg innsýn í þinn hugsunarhátt sem mér sýnist byggja á því sem þú heldur að aðrir hugsi frekar en því sem hér hefur komið fram.

[Rebekka, 7.5.2011 kl. 08:42]

Ég verð samt að segja að kallinn lítur ótrúlega hress út fyrir að vera níræður. 

[999 (IP-tala skráð) 7.5.2011 kl. 12:56]

"Anna Mjöll fetar þarna í fótspor margra bandarískra smástirna sem giftast sér miklu eldri mönnum, auðvitað af einskærri ást. "

Einkalíf hennar kemur þér ekki við og þú átt engan rétt á að hæðast að því. Ef hún hefði gifst fötluðum manni eða smavöxnum hefði enginn sagt neitt, en margir flissað sín á milli, af þeim sem minna siðferði hafa en aðrir. Það er skárra en það sem þið slúðurberarnir standið í. Lífið er stutt og þið munuð iðrast þess að hafa lifandi fólk að háði og spotti á dánarbeðinu. Siðleysi ykkar er ógeðslegt.

[999 (IP-tala skráð) 7.5.2011 kl. 12:59]

Vil svo bara benda ykkur slúðurberunum á það næst þegar þið fréttið af því að 12 ára barn svipti sig lífi út af einelti, sem er að verða algengara og algengara, að þetta höfðuð þið Séð og heyrt lesandi slúðurberarnir, kjaftakellingarnar og Gróurnar á Leyti fyrir gerendunum. Af foreldrum sínum læra þau ósiðina. Anna Mjöll er manneskja þó hún sé rík og falleg og á sama rétt á virðingu og annað fólk. Þið berið ábyrgð á hegðun litlu krakkanna sem apa eftir ykkur siðleysið og þið munuð þurfa að svara fyrir það.

[Svanur Gísli Þorkelsson, 7.5.2011 kl. 14:43]

999 ég veit ekki af hverju en þessi "réttláti vandlætingartónn" í skrifum þínum hljómar ekki sérlega sannfærandi. Hann eiginleg eykur miklu frekar á skringilegheit þessarar umfjöllunar en hitt að taka henni sem sjálfsögðum hlut sem þú lætur í veðri vaka að ekki hafi verið gert. - Þú hefur auk þess í flimtingum miklu alvarlegri mál sem varða sjálfsvíg barna og ferð langt  yfir strikið með því að líkja því saman við sárasaklaust og græskulaust grín. - Hafðu bágt fyrir það.

[Dexter Morgan, 7.5.2011 kl. 16:25]

Þetta er oft á tíðum síðasta von misheppnaðrar listamanna (kvenna),til að verða "frægur" í USA. Nú "kaupir" kallinn (sem n.b. er eldri en pabbi hennar, og manni finnst hann vera orðin 150 ára), handa henni smá frægðarljóma, kaupir áhorfendur í salinn, kaupir útgefanda, kaupir nokkur þúsund eintök af næsta CD og s.fr.

Að halda, eða þó ekki væri nema ýja að því, að þarna sé aðeins um "ást" að ræða, er vægast sagt hlæilegt, mjög spaugilegt reyndar.

[Óli minn, 7.5.2011 kl. 18:23]

999 ... þú mátt passa þig að sýna ekki sömu fordómana gagnvart þeim sem rita hér og þú ert að gagnrýna þá fyrir. Hér er enginn að ráðast á einn né neinn, síst af öllu Svanur þótt vissulega gæti fordómafulls tóns hjá honum í færslunni. Það væri óeðlilegt ef þetta mál vekti ekki athygli og um það væri ekki pískrað.

En í pískrinu felst einmitt kærkomið tækifæri til að vinna á fordómunum með því að opna augu hinna fordómafullu fyrir því að konur líta (svona generally speaking - afsakið slettuna) allt öðru vísi á svona mál en karlar.

Auðvitað skipta peningar máli. Skipta þeir ekki alla máli? Það gerir stöðuna að minsta kosti ekki verri að eiga fullt af þeim, er það?

Hins vegar er það hárrétt sem 999 segir. Ef maðurinn er skemmtilegur og litríkur á jákvæðan hátt og hefur gaman af því að gleðja konuna, koma henni skemmtilega á óvart, fá hana til að hlæja mikið, sýna henni virðingu og væntumþykju þá skiptir aldur hans og útlit hana margfallt minna máli en nokkur karlmaður getur ímyndað sér.

Tala nú ekki um ef karlmaðurinn kann að veita henni hina einu sönnu alsælu og fer létt með það. Þá skiptir aldur og útlit hana ENGU máli. Hún er hans það sem eftir er af ástinni einni saman jafnvel þótt hann ætti ekki krónu.

[Reputo, 7.5.2011 kl. 21:01]

Ætli það finnist varnarpistlar frá 999 varðandi Önnu Nicole Smith og fleiri konur sem fundu"ástina" hjá mönnum sem gætu hæglega verið lang- og jafnvel langalangafar þeirra og vill svo heppilega til að þeir eru allir mold ríkir? Eða er þetta eingöngu vegna tengsla við Önnu Mjöll sem 999 fer langt út fyrir öll velsæmismörk í að réttlæta eitthvað sem enginn er að hneykslast yfir, heldur eingöngu að gera góðlátlegt grín að? Ekki veit ég hvað það er, en hvað ásakanir 999 varðar held ég að hann/hún ætti að rifja upp máltækin um flísina og bjálkann og úlfaldann og mýfluguna.

[999 (IP-tala skráð) 7.5.2011 kl. 22:54]

Hér er ekki verið að "hafa neitt í flimtingum". Heimskir menn skilja ekki afleiðingar orða sinna og gjörða. Heimsmynd þeirra er einhvern veginn svona "Einu sinni var voða vondur maður. Hann birtist einn daginn sem elding af himnum og byrjaði að drepa gyðinga. Allir urðu voðalega hissa."...........En nei, heimsmynd ykkar heimskingjanna er kjaftæði. Það var illt umtal illra innrætta kjaftakellinga og kjaftaskskalla um gyðinga sem olli Helförinni og dauða 6 milljón barna. Án þessara illa innrættu og siðlausu slúðurbera hefði nazistaflokkurinn aldrei unnið sigur. Undirrótin var almennt öfund, öfund við greind og gott atgerf, í bland við öfund út í peninga, því hlutfallslega fleiri gyðingar áttu peninga en Þjóðverjar. Og smjattberar og illmenni eru eins hvar sem er á hnettinum. Og alveg eins og Þjóðverjar voru ekki sakleysingjar allir sem einn, eruð þið sem skiljið ekki að rógburður og rætið slúður er synd, hvert um sig 100% sek í hvert skipti sem lítið barn lærir það sem þið hafið fyrir því og fer að tala illa um skólafélaga sína, sem eins og Anna Mjöll, passa ekki inn í "normið", eru eitthvað eða gera eitthvað aðeins fyrir utan ramma Jóns Jónssonar. Ég fyrirlít ykkur. En það er til einskis. Illmenni læra aldrei að taka ábyrð á eigin gjörðum.

[999 (IP-tala skráð) 7.5.2011 kl. 22:57]

Hver einasta orð sem þú lætur frá þér hefur dómínóáhrif um alla eilífð eftir að þú ert sjálfur dáinn. Því skal hvorki leyfa sér slúður né leyfa sér að viðhalda þeirri normaliseringu slúðursins sem felst í að fordæma ekki slúðurberan. Þessi kona hefur engum gert neitt, er ekki glæpamaður, og á ekki skilið samfélagslega aftöku þröngsýnna galdrabrennu manna sem finnst hún "skrýtin", og vilja útskúfa henni fyrir að giftast gömlum mönnum og vera aðeins of falleg af sömu hvötum og illir galdrabrennumenn brenndu gamlar furðulegar konur sem voru ekki nógu kristnar og normal fyrir þá. Mér verður flökurt að lesa orð ykkar.

[hilmar jónsson, 7.5.2011 kl. 22:59]

Bíddu, varnarpistlar Reputo ? Er fólk ekki aðeins að missa sig hér.

Hvern andskotan kemur fólki við hver giftist hverjum, hversu gamall hann er og hvernig háttar til í buddu hans ?

Þetta sem sumir hér kalla græskulaust grín, er auðvitað ef út í það er farið slúður í bland við töluverða illgirni...

[Svanur Gísli Þorkelsson, 7.5.2011 kl. 23:00]

999 Alveg rétt, komin tími á að kynna Hitler og helför til sögunnar. Minna dugar víst ekki til að enda þetta bull í þér. 

[999 (IP-tala skráð) 7.5.2011 kl. 23:07]

Ég hef kynnt mér helförina frá a-ö. Þetta er aðeins ein hlið málsins, en án hans hefði það aldrei átt sér stað. Það var slúður og illt umtal sem plægði jörðina. Þannig er það alltaf. Ef þú talar illa um Önnu Mjöll og sonur þinn fer svo og lemur ríku stelpuna í skólanum sínum og þú sérð ekki samhengið, þá er það þitt mál. Guð gaf þér þá bara ekki meiri greind, siðferðistilfinningu og ábyrgðartilfinningu en svo. En ljót orð hvetja til ljótra glæpa hjá þeim sem hafa ennþá minni þroska en maður sjálfur, út af aldri eða öðru.

 Þið litlu kallarnir sem segið ljót orð hjálpið stóru köllunum út í heimi að gera ljóta hluti. Án ykkar hafa þeir ekkert vald. Og þið viðhaldið fordómum og fyrirlitningu gagnvart þeim sem er öðruvísi og viðhaldið þar með gamla heimsskipulaginu með öllum þess viðbjóði og óréttlæti. Ykkar tíma mun ljúka. Og þeir sem hafa jafn lítinn siðferðisþroska og þið fáið afar takmarkaðan skerf í heiminum sem kemur.

[Óli minn, 7.5.2011 kl. 23:49]

Merkilegt. Sá sem telur sig þess umkominn að hella sér yfir aðra fyrir meinta fordóma þeirra reynist svo sá fordómafyllsti af þeim öllum ... eða sú fordómafyllsta.

999 ... þarftu ekki aðeins að líta í eigin barm?

[999 (IP-tala skráð) 8.5.2011 kl. 00:32]

Nei, ég segi bara svona. Ég er karlmaður. Þú ert sjálfur fordómafullur að halda því fram að "konur líti almennt öðruvísi á svona mál". Þvílíkt karlrembusvín. Ég þekki huggulega fertuga konu sem giftist áttræðum manni sem hún varð ástfangin af. Hann átti ekki krónu og var þar að auki orðinn mjög hrumur. En hún elskaði hann. Hún skildi það ekki sjálf og vinir hennar fordæmdu hana en hún lét bara slag standa. Hún hefði eflaust gert það sama þó hann væri ríkur. Ég þekki Önnu Mjöll ekki, en ég þekki þessa vinkonu mína og veit hún er ekki ein. í stærri löndum eins og Bandaríkjunum eru til stuðningshópar fyrir slík fórnarlömb aldursfordóma, alveg eins lengi vel þurfti slík félög fyrir pör af ólíkum kynþáttalegum uppruna, og slík félög starfa enn, þó fordómar fyrir slíkum pörum séu varla til lengur miðað við þá hræðilegu fordóma sem mæta þeim sem elska einhvern af annarri kynslóð. Sjálfur hef ég elskað konu sem var 20 árum yngri en ég, og aðra sem var 30 árum eldri. Vinir mínir hlógu og hentu gaman að mér, ég fékk ljót orð fyrir bæði tveggja, þó ekki jafn stór og mikil í seinna skiptið og hefði ég verið kona, en ég þekki þessa fordóma á eigin skinni. Ég endaði í sambúð með konu á eigin aldri, og sé ekki það sé neitt "réttara". Frekar væri hægt að gruna slíkt fólk um græsku, að fara bara eftir almenningsálitinu og skoðunum umhverfsins, en ég hef alltaf bara fylgt hjarta mínu. Þetta er kvenhatur og viðbjóður að ýja að því kona sé að selja sig bara afþví hún velur að elska eldri mann. Og mikil lygi í ljósi sögunnar. Svo er þetta unglegur maður, lítur eflaust út fyrir að vera á aldur við ykkur marga. Hann virkar sirka 60 ára, og er varla mikið eldri í anda, og ef það er hans andlegi aldur þá eru í reynd um 15 ár á milli þeirra hjóna, ef ég á að giska, Anna Mjöll gæti verið yngri en mig minnir. Fordómar fyrir samböndum fólks af ólíkum aldri eru jafn viðbjóðslegir og fordómar fyrir samböndum fólks af ólíkum uppruna eða ólíkum trúarbrögðum. Og skammist ykkar svo bara!

[999 (IP-tala skráð) 8.5.2011 kl. 00:38]

Og það að vekja annan mann til umhugsunar um þann óþægilega sannleika sem ábyrgð hans er, og um afleiðingar orða hans, er ekki fordómar, það er siðferðileg skylda hvers manns sem vil bæta samfélagið. Einungis samfélag þeirra sem beita háum siðferðiviðmiðum á eigin hegðun og taka fulla ábyrgð á hverju orði sínu á sér framtíðarvon.

[Óli minn, 8.5.2011 kl. 05:25]

Kæri herra 999.

Veistu hvað ... ég sé ekki betur en að þú sért alvitur. Eða svo gott sem. Þú ert að minnsta kosti mun betur að þér í einu og öllu en við hin í þessum málum, sennilega vegna þess hversu víðsýnn þú ert og vel lesinn, og hversu mikla reynslu þú hefur af konum á öllum aldri.

Auk þess grunar mig að þú hafir hlotið mjög gott uppeldi.

Ég samhryggist þér innilega vegna fordómanna sem þú þurftir að ganga í gegnum bara vegna þess að þú hefur bæði verið með konu sem var 20 árum yngri en þú, og annarri sem var 30 árum eldri.

Þessir vinir þínir sem hlógu að þér og hentu gaman að þér, tala nú ekki um þá sem létu ljót orð falla, eiga auðvitað ekki skilið að eiga þig að sem vin og velgjörðarmann, það er augljóst. Ég vona að þú hafir gert þeim það ljóst í eitt skipti fyrir öll.

Persónulega hef ég aldrei skilið svona fólk sem hlær að mönnum eins og þér ... mönnum sem standa augljóslega framar okkur karlrembusvínunum frá öllum sjónarhornum séð.

Ég bið þig líka innilega afsökunar á því að hafa sagt að þú þyrftir kannski að líta í eigin barm. Ég veit ekki hvað kom yfir mig. Auðvitað þarftu þess ekki. Þú þarft ekki einu sinni að gjóa augunum í áttina.

Ég veit að allir hinir sem hér hafa skrifað eru sammála mér í því að sjaldan, jafnvel aldrei áður, hefur blog.is verið heiðrað af nærveru annars eins mikilmennis og þú augljóslega ert. Við megum öll vera þakklát fyrir að þú skulir svo mikið sem yrða á okkur, hvað þá miðla til okkar þekkingu þinni og sannleik.

Við erum öll orðin vitrari og mun betra fólk vegna þín.

Ég hlakka mikið til að fræðast meira af þér um þessi mál og er með þrjár spurningar:

1. Hvar keyptir þú þessa sem var tuttugu árum yngri en þú og hvað þurftirðu að borga henni mikið?

2. Þessi sem var 30 árum eldri en þú ... hversu rík var hún eiginlega og hvað náðirðu miklu af henni?

3. Þessi sem þú býrð með núna og er á sama aldri og þú, er hún eitthvað fötluð?

Tek það fram að það eru ekki fordómar að vilja bara fá að vita sannleikann. En þú veist það auðvitað.

Bíð spenntur eftir svörum með fyrirfram þökk.

Þinn Óli.

[999 (IP-tala skráð) 8.5.2011 kl. 07:54]

Já, takk fyrir afar einlægt bréf sem þú meintir að sjálfsögðu 100%. Ég skal svara þér þrátt fyrir einlægni þína.

Þér að segja var sú sem var tuttugu árum yngri er utan að landi. Ég kynntist henni á netinu og hélt þetta væri mun eldri kona,  því hún er flugreind og afar þroskuð manneskja. Við fórum á blint stefnumót eftir að hafa talað saman í nokkra mánuði og mér brá að sjá þarna 18 ára gamla stúlku. Mér leist nú ekki nógu vel á blikuna að byrja í sambandi með henni, datt ekki í hug hún hefði áhuga á svona mikið eldri manni, en það var gaman að tala við hana og mig langaði að hitta hana aftur. Hún reyndi svo við mig og ég gat ekki staðist hana. Ég varð síðan alltof hrifinn af henni til að láta fordóma "vina" minna, sem ég kalla vini í lauslegri merkingu þess orðs, aftra af mér. Stuttu seinna kynntist ég 30 árum eldri konu þegar við unnum fyrir sömu góðgerðarsamtökin. Þessi kona er "bóhem týpa" og hefur aldrei átt pening, né reynt að eignast hann. Mig grunar að hún hafi sagt mér upp afþví hún hafi látið fordómana hafa áhrif á sig, en hún varð fyrir mikið meira aðkasti en ég, sérstaklega frá syni sínum, sem var eldri en ég, mjög fordómafullur ungur maður sem var búinn að hrella föður sinn í mörg ár fyrir að kvænast erlendri konu sem hann hefur aldrei viljað samþykkja. Ég hélt lengi þessi ungi maður hefði eyðilagt líf mitt og ég yrði alltaf einn. En þá fór ég á reunion og byrjaði að spjalla við gamla bekkjarsystur mína sem ég kynntist þarna eiginlega í fyrsta sinn, því ég var alltaf frekar óframfærinn og er ekki með þeim myndarlegustu, en þetta var ein vinsælasta stelpan í skólanum, valin ungfrú tíundi bekkur og allt það. Við reyndumst eiga sameiginlegt áhugamál sem fáir eiga og fórum að hittast út af því. Og í dag erum við trúlofuð. Ég er ekki að segja sögu mína af sérstakri þörf fyrir að segja þér hana, heldur til að sýna þér að spurningar þínar opinbera fordóma þína og fáfræði og eru þér til minnkunar. Þú ættir að láta af fordómum þínum.

[Reputo, 8.5.2011 kl. 08:27]

Hilmar: Hvern andskotan kemur fólki við hver giftist hverjum, hversu gamall hann er og hvernig háttar til í buddu hans ?

Tja.. er það ekki eitthvað sem þú verður að eiga við blaðamenn mbl og víðar. Einhverjum þótti þetta stórmerkilegt.

Það gætir örlítils misræmi í frásögn þinni 999. Miðað við aldur 18 ára stúlkunnar má áætla að þú hafir verið 38 ára á þeim tíma. Núverandi unnusta og skólasystir var valin ungfrú 10. bekkur á sínum tíma, en 10. bekkur var ekki til þá. Varla trúi ég því að svona alvitrir menn séu að skálda upp sögur nafnlausir á internetinu.

[999 (IP-tala skráð) 8.5.2011 kl. 09:23]

Þarf maður að tala eins og steinaldarmaður bara afþví maður er ekkert unglamb lengur? 15 ára ganga í tíunda bekk í dag. Mér finnst eðlilegast að reyna að tileinka sér málfar líðandi stundar. Það gerist líka bara ósjálfrátt þegar maður starfar með unglingum.

[999 (IP-tala skráð) 8.5.2011 kl. 09:27]

Ætla annars að leiða hjá mér sjúklega paranoiu þína að væna menn um lygar fyrir að tala ekki nákvæmlega eins og þú sjálfur, sem ég verð nú að kalla alvarlega fordóma, til að segja þér að ég er sammála þér með blaðamenn Morgunnblaðsins. Svona slúður og rógburður er ástæða þess að ég kaupi ekki Morgunnblaðið eða önnur blöð sem hafa tileinkað sér þessa siðlausu iðju. Ég les heldur ekki mbl.is án samviskubits, þar sem ég styrki það óbeinlínis með því. Vísir og DV eru síst betri. Á Íslandi er ekkert almennilegt blað þannig að ég held mig bara við blöðin sem ég kynntist á námsárum mínum erlendis, og les íslensk blöð á netinu þegar ég er í skapi fyrir lágmenningu og sorp, svona til að tékka á þjóðarpúlsinum, en ég fer ekki að styrkja hana með peningunum mínum.

[Óli minn, 8.5.2011 kl. 09:58]

Auðvitað opinbera spurningar mínar fáfræði mína, 999. Gera spurningar það ekki alltaf? Þeim er jú ætlað að breyta fáfræðinni í þekkingu, er það ekki?

Og þú hefur margsagt það sjálfur að það eru ekki fordómar að vilja vita sannleikann og leita hans.

Þakka þér fyrir að upplýsa okkur um ástarmál þín. Þau eru sérlega heillandi og hafa snert mig djúpt.

Þessi sem var átján ára og þú hittir á netinu ... þú gast semsagt ekki staðist hana þegar hún reyndi við þig þrátt fyrir hlátrasköll vina þinna. Samt skiptirðu skömmu síðar yfir í þá sjötugu sem átti ekki pening og hafði aldrei átt.

Varðstu ástfangin af þessari sjöturgu við fyrstu sýn eða var það ellistyrkurinn sem gerði útslagið með að þú sendir þessa átján ára, aftur út á land?

Hve lengi entist samband þitt við þá sjötugu áður en fordómar samfélagsins og sonar hennar skildu ykkur að og þú fórst á ríjúnóið og hittir miss tíunda bekk og trúlofaðist henni?

Með fyrirfram þökk fyrir svörin.

Þinn Óli.

ps. Hvenær ætlið þið, þú og miss tíundi bekkur, að giftast?

[hilmar jónsson, 8.5.2011 kl. 10:12]

Reputo, Blaðamaður slúðrar, og þú tekur viðbragð eins og fluga sem finnur lykt af ferskum kúk..

[Svanur Gísli Þorkelsson, 8.5.2011 kl. 10:50]

Sæll Hilmar.

Flestar fréttir af pólitík, viðskiptum og einkahögum fólks fjalla um eitthvað sem fólki finnst orka tvímælis. - Hvað er svo slúður og hvað rógur, hvað er réttlætanlegur fréttamatur og hvað ekki, er greinilega oft erfitt að dæma um.

Maður sá sem kallar sig 999 segir t.d að  það hafi verið "illt umtal illra innrætta kjaftakellinga og kjaftaskskalla um gyðinga sem olli Helförinni og dauða 6 milljón barna." og telur þessa umfjöllun um Önnu Mjöll sambærilega á meðan Reputo finnst hún vera "góðlátlegt grín".

Ef þú lest pistilinn minn er þar í engu vegið með beinum orðum að Önnu Mjöll eða settar fram einhverjar fullyrðingar um líf hennar eða skoðanir, þótt ég minnst á augljósar hliðstæður við smástirni í USA.

Sjálfur setur þú oft fram ýmsa sleggjudóma um menn og málefni á þínu bloggi, eins og gengur, saman ber t.d. fæsrlu þína sem hefst á þessu orðum;

"Skyldu Vestmannaeyingar vera hreyknir af þessari birtingarmynd heimsku og fordóma ? Páll Scheving heldur áfram að rogast með hrís á sitt eigið bál".

Þess vegna undrast ég þessi viðbrögð þín við þessari umfjöllun, sem samt er ekki að mínu mati eða að minni hálfu illa meint, jafnvel þótt ég viðurkenni að hún sé slúðurskennd.

[hilmar jónsson, 8.5.2011 kl. 11:12]

Æ, Svanur, ég ætlaði ekki og nenni ekki í einhverjar hártoganir við þig.

Fyrir mér er eðlismunur á því hvor fjallað er um fólk í stjórnmálum og ábyrgðarstöðum eða fólk í sínu einkalífi.

Ég sé alveg spaugilegu hliðina við brúðkaupið og allt það, en gamanið gránar heldur þegar fólk er farið að hella sér yfir söngkonuna, kallandi hana ljótum nöfnum með illgirnislegum athugasemdum.

Svona slúðurfréttir hafa þann ókost að þær kalla oftar en ekki alls konar subbufólk upp úr öskutunnunum sem finnst ekkert að því að ausa skít yfir þann sem fjallað er um, bara af því hann liggur vel við höggi.

Þú hlýtur að fatta hvað ég meina ( þó ég mæli undir rós )

[Svanur Gísli Þorkelsson, 8.5.2011 kl. 11:49]

Dittó Hilmar :)

[Reputo, 8.5.2011 kl. 12:04]

Hilmar:  Blaðamaður slúðrar, og þú tekur viðbragð eins og fluga sem finnur lykt af ferskum kúk.

Það brýst út eðlið í skrifum þínum sé ég. Þú ættir kannski að lesa fréttina aftur og benda okkur svo á hvar slúðrið liggur.

Hilmar: ....en gamanið gránar heldur þegar fólk er farið að hella sér yfir söngkonuna, kallandi hana ljótum nöfnum með illgirnislegum athugasemdum.

Væri þá ekki réttast af þér að argast á því bloggi þar sem þetta kemur fram. Á þessu bloggi hafa eingöngu þú og 999 helt sér yfir fólk með ljótum nöfnum og íllgirnislegum athugasemdum.

[hilmar jónsson, 8.5.2011 kl. 12:14]

Slúðrið og subban liggur öðru fremur í athugasemdum við fréttina Reputo, td:

"Kallinn dauður innan 10 ára og hún eflaust með samning upp á x prósentu af arfinum fyrir vel unnin störf."

[Reputo, 8.5.2011 kl. 12:33]

Já, ég skal viðurkenna að þetta sé slúðurkennt, en þó bara vangaveltur sem sennilega má færa rök fyrir að séu nokkuð réttar. Þetta flokka ég undir góðlátlegt grín, þótt sumir taki því öðruvísi, enda erfitt að koma talandanum frá sér í riti.

[hilmar jónsson, 8.5.2011 kl. 12:59]

Skil þig..

[Óli minn, 8.5.2011 kl. 23:11]

Enn hvað það er yndislegt hvað allir hér eru orðnir skilningsríkir hver í annars garð. Svona á þetta að vera. Allt í góðu og allir til í að sjá bjálkann í eigin auga. Verst að miss tíundibekkur skyldi ekki fá að njóta gleðinnar með okkur. En hún á alltaf 999 að ...

[Ásta Óla (IP-tala skráð) 9.5.2011 kl. 16:52]

Sýnist á öllu að Anna Mjöll vilji lifa hátt og leggi mikið á sig til þess að það gangi upp. Kannski finnst henni líka neikvætt umtal betra en ekkert umtal. Persónulega finnst mér fáranlegt að falleg kona sem getur vel séð fyrir sér sjálf giftist gamalmenni.

[Vilhjálmur Örn Vilhjálmsson, 10.5.2011 kl. 14:08]

Ásta Óla, þvílíkir fordómar gegn aldri. Ef eitthvað er af Cal, sem ekki hefur verið að honum síðustu 60 árin, þá er það nothing that VIAGRA can't fix. Greinilega eldhress karl.

Við ættum öll að syngja: "Segðu ekki nei, segðu kannski, kannski, kannski", og svo óska ég bara Önnu Mjöll til hamingju með að hafa fengið meira úr lífinu en hún fékk hér um árið á óregluheimili í Stóragerðinu í Reykjavík og í gjaldþrotabúinu Íslandi.

Nú fjölgar heimsfrægu fólki úr Stóragerðinu. Fyrst Arnaldur Indriðason og nú Anna Mjöll. 

Það er svo leiðinlegt að sjá Íslendinga öfundast út í nágrannann.

[Vilhjálmur Örn Vilhjálmsson, 10.5.2011 kl. 14:57]