Mannát og Cheddar ostur

 Skál og skalli  er komið af "skulle" þ.e. höfuðkúpa og því líklegt að forfeður okkar á norðurlöndum hafi gert líkt og Bretar og drukkið veigar úr höfuðkúpum.  Alla vega notum við enn orðið skál. Orðskrípið "klingjum" náði aldrei  fótfestu í málinu, sem er bara vel.

Cheddar Skarð er reyndar betur þekkt fyrir ostinn sem þaðan kemur og er kenndur við skarðið.  Ég bloggaði um ostinn og mannátið í Cheddar skarði fyrir nokkrum árum. Þá grein má finna hér.

Bretar drukku vín úr hauskúpum

Athugasemdir

[Hrólfur Þ Hraundal, 17.2.2011 kl. 23:27]

Mjög eðlilegt mál þar sem fátt hefur verið hentugra sem grautar skál eða súpudiskur en þessi nátúru smíðaða geymsla.   

[Haraldur Rafn Ingvason, 18.2.2011 kl. 00:20]

Tekið á þessu í Ástríkur og víkingarnir...

[Vilhjálmur Örn Vilhjálmsson, 18.2.2011 kl. 07:04]

Say Cheese , en vín var örugglega ekki borið fram í kúpum (cups) þessum, svo slett sé latínu.

Mér þykir líklegra að konur hafi hulið brjóst sín með höfuðskeljum biðlara sem þær drápu með eitruðum osti. Kúpan var sett á brjóstin líkt og kókoshnetur eru notaðar á sumum suðurhafseyjum.

Svo getur þú lapið dauðan úr höfuðSKEL ef þú ert mér ósammála.

[Svanur Gísli Þorkelsson, 18.2.2011 kl. 12:04]

Þarna er komin skýring á því Vilhjálmur,  hvers vegna stærð brjóstahalda er fram á vorra daga mæld í skálum. ( cup size )

Fyrir mestu bomburnar hefur ekki dugað minna en Thomas Alva Edison útgáfan en Twiggy týpurnar verið sáttar við einhverja Microcephalíusnúða.

[Vilhjálmur Örn Vilhjálmsson, 18.2.2011 kl. 13:23]

Skál Svanur, capo di tutti coppe, innsti koppur í búri, jug (júgra) expert m.m. Þú pælir áfram í þessu.