Vísindamenn í vanda

Vísindi og vísindamenn eiga í vök að verjast. Ástæðurnar eru margvíslegar og miserfitt að ráða á þeim bót.

Netið hefur gert hinar ýmsu upplýsingar sem aðeins vísindamenn höfðu aðgang að, aðgengilegar fyrir almenning og hver og einn getur í dag kynnt sér forsendurnar fyrir niðurstöðum vísindamanna um leið og þær eru settar fram.

Samtímis hefur myndast gjá milli þeirra sem við köllum í daglegu tali vísindamenn og almennings. Það hlutfall almennings sem véfengir hinar ýmsu kenningar vísindamanna er stærra og talsmenn þess öflugri enn nokkru sinni fyrr.

Sérstaklega á þetta við um kenningar þróunarfræðinnar, læknisfræðinnar og veðurfræðinnar.

Í landinu þar sem vísindalegar staðreyndir hafa sama vægi og skoðanir, þ.e. Bandaríkjunum, rengir meira en 40% íbúa landsins að þróun hafi á einn eða annan hátt eitthvað með lífríki jarðar að gera.

Þá ber þess að gæta að meira en 60% íbúa heimsins notast við aðrar skýringar en þróunarkenninguna til að útskýra tilkomu lífsins á jörðinni.

Víða um heiminn rengir fólk niðurstöður mikils meirihluta vísindamanna um að hitnun jarðar sé tengd athöfnum manna. Vísindamenn sjálfir  deila einnig um niðurstöður rannsókana á þessu sviði. Þótt yfirgnæfandi meirihluti vísindamanna sé fylgjandi þeirri skoðun að hitnunin sé af mannavöldum, láta sumir sér ekki segjast.

Virtir vísindamenn sem ætíð mundu, ef þeir fengu krabbamein, fara að ráðum sem grundvölluð eru á áliti meirihluta lækna heimsins, hika ekki við að rísa upp gegn meirihlutanum, þegar hitnun jarðar og þáttar mannsins í því ferli, kemur til umræðu.

Flestir vísindamenn eru líka sérstaklega lélegir í að koma skoðunum sínum á framfæri. Þeir kunna til verka í rannsóknarstofunum en þegar kemur að almannatengslum, eru þeir óttalegir stirðbusar. -

Stundum mætti líka halda að sumir þeirra hafi meiri áhyggjur af orðspori sínu en nokkru öðru,  því þeir þora ekki að leggja nafn sitt við eitt eða neitt sem gæti talist umdeilanlegt.

 

Sköpunarsinni fær bætur

Athugasemdir

[Bjarni (IP-tala skráð) 27.1.2011 kl. 00:57]

Flestir vísindamenn eru líka sérstaklega lélegir í að koma skoðunum sínum á framfæri. Þeir kunna til verka í rannsóknarstofunum en þegar kemur að almannatengslum, eru þeir óttalegir stirðbusar.

Frábær alhæfing!

Eiga vísindamenn ekki frekar að flagga niðurstöðum sínum en skoðunum? 

[Svanur Gísli Þorkelsson, 27.1.2011 kl. 01:18]

Kannski eru skoðanir vísindamanna byggðar á niðurstöðum þeirra Bjarni.

En varðandi alhæfinguna, þá skal ég viðurkenna að þetta er klisja. Vísindamenn eru upp til hópa hundleiðinlegir í sjónvarpi og öðrum miðlum. Undantekningarnar eru til og urðu mjög frægar fyrir vikið.

[Arnar (IP-tala skráð) 27.1.2011 kl. 09:28]

http://www.popsci.com/scitech/article/2009-06/curing-blindness-contact-lenses

Vonandi að þetta verði að veruleika þá eru vísindamenn búnir að lækna fleiri en Jésús

ef hann var einhvern tíman til :-)

[Sveinn Atli Gunnarsson, 27.1.2011 kl. 09:57]

Mig langar að benda á eftirfarandi færslu á loftslag.is, sem fjallar um árás á vísindin og vísindamenn:

BBC Horizon – árás á vísindin

[Bjarne Örn Hansen (IP-tala skráð) 27.1.2011 kl. 10:29]

Vandamálið eru ekki vísindi, eða vísindamenn ... heldur mentastofnanir og pólitík.  Hér á árum áður, þegar þróunin hljóp fram, voru vísindamenn þeir sem einbeittu sér að þessu og veltu fyrir sér staðreyndum, til að fá fram skýringar.  Pólitíkusar veittu þeim lítin áhuga, annan en bara af forvitni.

Þeir kúveltu trúarbrögðum ... en svo brást þjóðfélagið við, með því að gera skóla að almennum mentastofnunum.  Það sem átti að verða út úr þessu, var að allir hefðu möguleika til sömu mentunar, og að hæfir menn úr lágstéttum myndu einnig ná að vera á háskólasviðum ... því miður, þá varð þetta til þess að stór hópur manna fór í Læknisfræði af fégræðgi, stór hópur manna fór í vísindi til þess að sanna sín trúarbrögð.  Öðrum var meinuð aðganga, vegna þess að þeir höfðu ekki réttar skoðanir.  Orð þeirra voru þögguð niður, og skoðanir þeirra fengu ekki birtingu í blöðum ... menn hafa skoðanir þeirra að skemmtunum, til að niðurlægja þá, af þvi þeir eru ekki réttu megin í skoðunum.

Það sem var enn ömurlegra var að þetta varð allt pólitík.  Allir vísindamenn, sem vilja stunda sína fræði, verða að hafa að borða.  TIl að hafa að borða, og geta stundað sín vísindi, verða þeir að fá peninga frá pólitíkusum ... og það þýðir að þeir verða að þóknast pólitíkinni.

Hitun jarðar, er enginn staðreynd ... heldur pólitík.  î fyrstu var þetta hræðsla yfir kjarnorku og kjarnorkustríði, þar sem almúgin var gerður að sturluðum einstaklingum sem trúði því að fólk myndi breitast í mannætur og lifandi múmíur, við kjarnorkustríð.  Þrátt fyrir að Bandaríkjamenn með sínar rannsóknir í Japan síndu fram á að Kjarnorkuvopn væru nýtanleg vopn, og afleiðingarnar langt í frá eins alvarlegar og mönnum er talið trú um.  Til dæmis má tala um Chernobyl, þar er gefið í skyn að þar sé ekki búandi ... þetta er ekki satt.  Þarna býr fólk, þrátt fyrir að það sé "lokað" og gróður þrífst þar bara mjög vel.  Pólitíkin í dag, krefst afvopnunar ... til þess að hægt verði að heyja stríð.  Hún krefst niðurskurðar á iðnvæðingu, svo hægt verði að stjórna almúganum.

Vísindin segja ekki til um pólitíkina ... heldur er það pólitíkin sem lyftir upp þeim vísindamönnum sem eru með "hæfar" skoðanir.  Þess vegna hefur þróunin staðnað að miklu leiti.  Tæknin sem við notum, er ekki ný ... þó svo að þú færð nýjan iPhone í dag, er tæknin þar gömul ... bara í nýjum umbúðum.

Pólitíkin sagði til um þörfina að hámarka hagnað, sem gerði það að verkum að menn vildu færa iðnaðin í hinn fátæka hluta heimsins.  Indland og Kína, urðu að framleiðsluríkjum.  Vísindamenn sem voru "PC" fengu betri aðstöðu en hinir, og okkur var talið trú um að iðnaður væri okkur hættulegur.   Nú er svíþjóð án iðnaðar, og stærsti hluti þjóðarinnar atvinnulausir ... en skráðir á einhvers skonar nám.  Námið sem þeir eru skráðir í, er til að fá fólk af atvinnuleysisskrá og veita þeim sem kenna vinnu ... flestir þessara kennar eru svo "hæfir" í sínum störfum, að hæfileikar þeirra við að skrifa skjal í Word jafnast á við smábarn.  Nú er byrjað að þrjóta fé Svíþjóðar, og farið að bera á rusli á götum út, heimilislausum og matarlausum fátæklingum sem betla á götum úti.

Í dag er verið að banna alls konar efni í samfélaginu.  Þessi efni eru ekki tiltölulega hættuleg þér, en aftur á móti má nota þessi efni til að búa til sprengjur, gas og efnavopn.  Svo sem freon í kæli, getur orðið að sinepsgasi ...  Þér er ekki sagt að verið sé að taka þetta úr hillunum af þessari ástæðu, þér er talið trú um að mjólkin sé þér hættuleg.  Þó svo að margir vita að mjólk hafi verið notuð í aldaraðir, og segja það hátt ... þá fær rómur þeirra engan óm, og nafn þeirra enga síðu í Morgunblaðinu.  Álit þeirra er ekki pólitískt ákjósanlegt ...

Þú ert að tala um pólitík, og ekki vísindamenn ... vísindi fjallar um að efast um hlutina, og þurfa að sýna fram á hluti.  Big Bang er teoría, alveg eins og Sköpun jarðar í biblíunni ... munurinn á þessum teoríum er að önnur þeirra er hægt að ímynda sér í dag, meðan hin var hæf fólki á fornaldarstigi.  En því miður, eins og þú sjálfur komst að orði ... þá er en 60% jarðarbúa á þessu vanþroskastigi fornaldarinnar ...

[Sveinn Atli Gunnarsson, 27.1.2011 kl. 10:42]

Merkilegt að þú segir Bjarne að "Hitun jarðar, er enginn staðreynd ... heldur pólitík" - í þessum orðum fellst fullyrðing um fals vísindamanna til að þóknast pólitík...sem er enn merkilegra þar sem þeir hinir sömu pólitíkusar virðast ekki taka mikið mark á vísindamönnum og tefja allar aðgerðir og koma sér ekki saman um að taka á málinu, þannig að út frá þessum rökum, þá fellur samsæriskenningin um sjálfa sig Bjarne!

Nei, vísindamenn starfa að mestu leiti heiðarlega (þó til séu dæmi um annað) og mælingar vísindamanna sýna að Jörðin er að hlýna og það eru vel skjalfest gögn um hvað vísindamenn telja að sé orsakavaldurinn. En það eru svo einhverjir í nafni eigin hugmyndafræði og pólitískra skoðana til, sem vilja afneita öllu sem gert er í nafni loftslagsvísinda, þá er skilningur hinna sömu á því hvað mælingar vísindamanna sýna er hverfandi (samanber athugasemd Bjarne), þó svo staðhæfingar og fullyrðingar þeirra séu miklar um þau mál og afneitunin mikil.

[Bjarne Örn Hansen (IP-tala skráð) 27.1.2011 kl. 14:13]

Alveg rétt hjá þér Svatli, víst fullyrti ég það ... og ég stend við það líka.  Vísindamenn vita vel um Chernobyl og niðurstöður Bandaríkjamann um kjarnorkuárásina á Japan.  Þessar upplýsingar eru ekki settar á framfæri vegna þess, að "tillgangurinn helgar meðalið".  Vissulega höfum við áhrif á umhverfi okkar ... sannarlega er það betra að nota vænlegri efni ... ekki spurning.  En hversu margir vísindamenn segja þér að Þotur valdi meir skaða á ósonlagi en við hér niðri á pollinum? Eru raddir þeirra í Mogganum? nei.  Hversu margir vísindamenn hafa talað um að segulsvið jarðar og sólar séu stór þáttur í loftslags og hitabreitingum, og heirirðu af þeim í mogganum? lítið, ef eitthvað.

Það er þetta sem málið snýst um ... vísindamenn sem fjalla um "óvinsæla" hluti, fá lítin eða engan stuðning.

[Sveinn Atli Gunnarsson, 27.1.2011 kl. 14:52]

Bjarne, er Mogginn einhver ritrýnd heimild í þínum huga?

Annars skoða ég bara það sem mælingar vísindamanna segja okkur. En einhverjar samsæriskenningar hafa lítil áhrif á mínar skoðanir, en verði þér að góðu, ekki ætla ég að banna þér að lifa í afneitun um mælingar og rannsóknir vísindamanna, frjáls heimur. Hefurðu einhverntíma spáð í hversu margir þurfa að vera með í plottinu, til að samsærið gangi upp Bjarne...sjá t.d. eitthvað um þetta í eftirfarandi:

Mótsagnarkennt eðli röksemda “efasemdarmanna” um hnattræna hlýnun

Rökleysur loftslagsumræðunnar

[Vilhjálmur Eyþórsson, 27.1.2011 kl. 19:48]

Ef jörðin væri að hlýna (sem hún er því miður ekki að gera til lengri tíma). væri það hið besta mál. Allt þetta mál er raunar þvílík steypa, að maður verður beinlínis kjaftstopp. Reyndar fjallaði ég rækilega um það í Þjóðmálagreininni Að flýta ísöldinni í fyrra. Annars er mikið til í því sem Bjarne segir um vísindamennina. Allt of margir „vísindamenn“ eru reiðubúnir til að selja sálu sína í þágu einhvers „málstaðar“ í stað þess að leita sannleikans. Mér hefur sýnst það í gegnum tíðina, að það sé afar erfitt, trúlega alls ekki hægt að halda fram nokkrum „málstað“, hversu góður sem hann kann að virðast, án þess að ljúga.

[Sveinn Atli Gunnarsson, 27.1.2011 kl. 21:29]

Vilhjálmur talandi um lygar annarra (eins og þú vilt sjálfur kalla mælingar alvöru vísindamanna), hvar eru heimildirnar fyrir því að 1934 hafi verið hlýjasta ár síðan mælingar hófust, ég bað þig um heimildir fyrir því fyrir margt löngu síðan (sjá athugasemdir við grein Vilhjálms, sem hann vísar gjarnan í). Þú hefur ekki enn komið með heimildirnar, kannski þetta sé bara tilbúningur hjá þér Vilhjálmur...já þú ættir kannski ekki að henda steinum úr glerhúsum með svona málatilbúningi eins og þú stundar. En það stendur ekki steinn yfir steini í málflutningi þínum, Vilhjálmur, enda virðist hann byggður á hugarburði þínum (eða á ég að kalla það lygar, svo ég noti þín eigin orð, Vilhjálmur).

Reyndar merkilegt með þá félaga, Bjarne og Vilhjálm, að þeir búa bara til rök sem þeir telja að styðji hugmyndir þeirra um lygar og falsanir vísindamanna, án þess að benda á minnstu heimildir. Það er reyndar ekkert nýtt í þessari umræðu, en fólk ætti að skoða svona tilbúning með athygli, enda virðist ekki vera hið minnsta til í svona innihaldslausum fullyrðingum eins og þeir félagar halda á lofti.