Eins og hræða í melónugarði

^{Á flestum íslenskum heimilum sem öðrum meðal kristinna þjóða, þykja engin jól, nema að jólatré standi uppi í stofunni ljósum skreytt og prýtt silfur og gullglysi.  Flestir vita að jólatré tengist ekki beint fæðingarhátíð frelsarans og að siðurinn á rætur sínar að rekja til heiðni. Reyndar tók Marteinn Lúther jólatréð upp á sína arma og sagði það vera táknrænt fyrir lífsins tré í aldingarðinum Eden og vera þannig mótvægi við eftirlíkingu og uppstillingu kaþólskara af fæðingu Krists þar sem hann liggur í jötunni.}

^{Fæstir veita því nokkra eftirtekt eða finnst það skipta nokkru máli, úr því sem komið er, að Biblían sjálf sýnist tala á móti þessum sið og vara við honum.}

^{Jeramía 10:1-5}

^"1Heyrið orðið, sem Drottinn talar til yðar, Ísraels hús! ²Svo segir Drottinn:

Venjið yður ekki á sið heiðingjanna og hræðist ekki himintáknin, þótt heiðingjarnir hræðist þau.

³Siðir þjóðanna eru hégómi. Menn höggva tré í skógi, og trésmiðurinn lagar það til með öxinni, ⁴hann prýðir það silfri og gulli, hann festir það með nöglum og hömrum, svo að það riði ekki.

⁵Skurðgoðin eru eins og hræða í melónugarði og geta ekki talað, bera verður þau, því að gengið geta þau ekki. Óttist þau því ekki, því að þau geta ekki gjört mein, en þau eru ekki heldur þess umkomin að gjöra gott. "

Athugasemdir

[Sigurbjörn Friðriksson, 6.12.2010 kl. 18:23]

1.Jeremía var uppi löngu fyrir Kristsburð og gæti því ekki hafa verið að mótmæla heiðnum sið á tímum Kristinna jóla.

2. Jólin eru heiðinn siður frá örófi alda, sem til var mjög víða um heim hjá ýmsum þjóðflokkum sem líklega þekktu ekki hver til annarra, þar sem fagnað var vetrarsólstöðum þegar daginn fór aftur að lengja og nýtt ár gekk í garð.

3. Kristin kirkja stal Jólunum (ekki "Grinch" eða hvað hann nú hét í kvikmyndinni) og gerðu þau að fæðingarhátið Frelsarans, þótt mjög ólíklegt sé að Kristur hafi fæðst hinn 25. desember og er því í þversögn við sjálfa sig, þar sem tímatalið miðast við fæðingu Krists.

Með Jólakveðjum, Björn bóndi   

[Óskar Þorkelsson, 6.12.2010 kl. 19:10]

þessu trúi ég

[Arnar (IP-tala skráð) 6.12.2010 kl. 22:44]

QI - Christmas, Christianity and Mithras

http://www.youtube.com/watch?v=MSm7YPMQOSo

Skemmtilegur hann Stephen Fry.

[Svanur Gísli Þorkelsson, 7.12.2010 kl. 00:42]

Sigurbjörn bóndi;

1 Jeramía var auðvitað spámaður og sá framtíðina eins skírt og samtíð sína og fortíð.

2 Öróf er langur tími og enginn veit hverjir fyrstir fögnuðu vetrasólstöðum.

3 Helgidaga þjófnaður er mjög algengur, ekki síður en helgisiðaþjófnaður. Borgaraleg ferming er dæmi um það.

Óskar: Því trúi ég að þú trúir :)

Arnar; Stephen Fry finnst sjálfum hann vera  Oscar Wilde okkar tíma. Kannski er hann það.

[Arnar, 7.12.2010 kl. 09:48]

"Flestir vita að jólatré tengist ekki beint fæðingarhátíð frelsarans og að siðurinn á rætur sínar að rekja til heiðni."

Hvernig væri að segja bara að jólatré tengist fæðingarhátíð frelsarans bara ekki neitt?  Jól eins og við höldum þau hafa bara ekkert með kristni að gera, enda kallast þau jól en ekki kristsmessa.

[Sigurbjörn Friðriksson, 7.12.2010 kl. 12:56]

Arnar;  Hvernig hljómar "Mammonsmessa"..??  Í den (örófi alda og þar á eftir) skiptust menn á gjöfum til að gleðja hvert annað.   Nú gefa menn gjafir og senda jólakort af skyldurækni.

Önnur "Mammonsmessa" eru fermingarnar sem hafa, í mínum orðabókum, ekkert með Kristna trú að gera, heldur mikið með "Kristin trúarbrögð" sem er allt annar handleggur (Ríkiskirkjan og slíkir kónar) og í góðu samsarfi við Kaupmannasamtök íslands........... og slíka kóna....... 

Með kveðju,Björn bóndi  

[Arnar, 7.12.2010 kl. 15:10]

Það hljómar reyndar einstaklega illa :)

"Vetrarsólstöður" eða bara áramót er mér meira að skapi en jól duga svo sem, og þá mætti einnig færa þessa tvo hátíðardaga yfir á 21. des þar sem þeir eiga réttilega heima.

[Óskar Þorkelsson, 7.12.2010 kl. 18:10]

22 des meinaru Arnar.. þetta var sólrisuhátið og sól fer ekki að hækka á lofti fyrr en 22des :)

annars er Björn bóndi að negla þetta

[Óskar Þorkelsson, 7.12.2010 kl. 18:11]

.. og orðið jól, jul er miklu eldra en kristsmessa..

[Svanur Gísli Þorkelsson, 7.12.2010 kl. 18:15]

Arnar reit;

Hvernig væri að segja bara að jólatré tengist fæðingarhátíð frelsarans bara ekki neitt? 

Ef við segðum það, mundu einhverjir benda á að hægt er að fá hið sígræna tré til að ríma á táknrænan hátt (eilíft líf og allt það) við jólaboðskapinn (þ.e. fæðingarhátíð Krists) rétt eins og gert er með sólstöðuhátíðna, Þ.e. sigur ljóssins yfir myrkrinu o.s.f.r. 

[Óskar Þorkelsson, 7.12.2010 kl. 18:21]

offramboð á kirkjum í SE

http://www.vg.no/reise/artikkel.php?artid=10019941

[Adeline, 8.12.2010 kl. 14:57]

Fín færsla, það er fullt af kristnum sem setja ekki upp jólatré hjá sér - einmitt útaf þessu versi sem þú vitnar í. En halda þó jólin og allt tilheyrandi. Jólin eru það sem þau eru - fyrir þann sem kýs að halda þau. Trúaður heldur uppá þau sem fæðingarhátíð frelsarans, trúlausi heldur uppá þau sem hátíð ljóssins.

[Svanur Gísli Þorkelsson, 8.12.2010 kl. 20:37]

Fullt, segirðu Adeline. Aldrei hitt slíkan, nema Votta. En sumir kristnir telja þá ekki kristna.

[Adeline, 9.12.2010 kl. 07:13]

jújú ég meinti nú bara víðsvegar um heiminn. en það eru þónokkrir hérlendis líka, ekki vottar.

[Arnar, 9.12.2010 kl. 11:45]

Skemmtilegt að setja þetta í samhengi.

- Sumir vilja meina að 90% íslendinga séu kristnir
- Örugglega +90% íslendinga kaupa jólatré á hverju ári, skreyta það og setja upp í stofunni hjá sér.

Er það ekki guðlast?  Amk. skurðgoða dýrkun og heiðingja siður samkvæmt guði sjálfum samkvæmt þessu versi.  Hvað eru þá margir 'sannkristnir' sem fara eftir boðskap biblíunar?

Og ekki lýgur guð.