Íslendingar eru lélegir hirðar náttúrunnar

Lundinn á undir högg að sækja í stærstu lundabyggð heimsins, Vestmannaeyjum. Þegar best lét var  fjöldi lunda í og við eyjarnar á sumrin talin vera milli 6 og 8 milljónir. Nú fer hann hríðlækkandi.

Lundin nærist nær eingöngu á loðnu, síld og sandsíli. Ljóst er að við höfum útrýmt bæði loðnu og síld af miðunum í kringum Vestmannaeyjar og ágangur fugla á sandsílastofninn er það mikill að hann dugar ekki til að fæða lundastofninn.

Afleiðingarnar eru að 80% af ungviðinu komist ekki á legg vegna ætisskorts. Þróunin lundastofnsins í Vestmannaeyjum er að taka á sig kunnuglega mynd sem þekkt er frá norður Noregi, Skotlandi og bresku eyjunum fyrir norðan og vestan Skotland þar sem varla sést orðið til Lunda.

Þessi þróun er því miður ekki aðeins bundin við Vestmannaeyjar á Íslandi, heldur allt Suðurland þar sem lundabyggðir á annað borð finnast. Nýlega var ég staddur við Dyrhólaey og sá þá á hálfri klukkusund aðeins til tveggja lunda þrátt fyrir ágætis flugveður.

Þegar að togarar okkar mokuðu upp loðnu og síld, hvarflaði ekki að fólki að það mundi í náinni framtíð hafa svona eyðandi áhrif á aðrar lífverur sem deila með okkur búsetu á þessu landi.

Það er sama hvernig litið er á málin, jafnvægi í náttúrunni er ekki aðeins eftirsóknarvert heldur nauðsynlegt. Því jafnvægi sem ríkti í lífríkinu við Vestmannaeyjar og laðaði að sér lunda í milljónatali, var gróflega og án fyrirhyggju raskað af okkur. Það gerir okkur Íslendinga að lélegum hirðum náttúrunnar.

Lundastofn að hrynja í Eyjum

Athugasemdir

[Sigurður (IP-tala skráð) 14.7.2010 kl. 02:39]

nei ekki fullyrða svona með loðnu og síld.... en það er rétt með sílið en helsta ástæðan út af þeim skorti er talinn vera Makríllinn enda er hann að veiðast í stórum stíl við eyjar.....Loðna og síld eru ekki uppistaðan í fæðu pysjunar þar er stareynd..... enda mun stærri fisk að ræða sem pysjan mun ekki tóra að gleypa... hitt er reyndar staðreind að svartfuglinn virðist ná ungum sínum á legg því að bergin yða nú af svartfuglsungum.... og það er jákvætt en aftur á móti hefur maður áhyggjur af lundanum í eyjum en hann fer bara norðar hann drefst ekkert það er á hreinu......

[Óskar Þorkelsson, 14.7.2010 kl. 03:28]

Sigurjón.. norður hvert ?  Hvert á lundinn að fara ? áhann að verpa áísnum við Grænland ?  það er ekkert land fyrir norðan ísland nema Jan Mayen sem lundinn hugsanlega gæti nýtt sér.. og hann þarf vissar aðstæður til þess að lifa af. td að geta grafið holur sínar.

Lundinn er að deyja út og það er af mannavöldum

[SVIK & PRETTIR HF (IP-tala skráð) 14.7.2010 kl. 04:22]

http://www.youtube.com/watch?v=kN5vyKLeYc8

Bjarni Ben aetladi ad borga allt í fyrra....borgadi minna en 1/7 ...hefur Sjálfstaedisflokkurinn borgad ársgreidsluna?

[eyjamaður (IP-tala skráð) 14.7.2010 kl. 07:28]

Einkennilegt að maður sem bjó í eyjum og starfaði við ferðaþjónustu, viti ekki hvaða fæða er mikivægust lundanum.. sérðu fyrir þér lunda á flugi með síld í kjaftinum?

[Svanur Gísli Þorkelsson, 14.7.2010 kl. 08:00]

Það ber greinilega ekki öllum saman um á hverju lundin nærist Eyjamaður. Það er satt að ég hef ekki séð lunda við Eyjar með annað en sandsíli í gogginum, en er það vegna þess að þar er ekki annað að fá eða vegna þess að hann vilji ekki annað. Fjölfræðiritið á netinu segir að fuglin nærist á fiski og nefnir loðnu síld og sandsíli. -

[Svanur Gísli Þorkelsson, 14.7.2010 kl. 08:11]

[Willum Andersen (IP-tala skráð) 14.7.2010 kl. 08:44]

Til þess að hafa eitt á hreinu. Á þeim árstíma sem lundinn er við Eyjar er ekki loðna, hún er öll norður í höfum. Síld er of stór fiskur. Lundinn lifir á síli og viðkomubrestur hans er vegna þess að sandsílið nánast hvarf. Menn eru ekki sammála hvers vegna, en Hafró hefur haldið úti rannsóknum á sílinu of farið í leiðangra á sumrin til að mæla stofninn. Þetta hefur ekkert með veiðar á neinum fiski að gera.

[Svanur Gísli Þorkelsson, 14.7.2010 kl. 09:40]

Sæl Willum.

Er það ekki rétt að Loðnan hrygnir við Suður- og Vesturströndina að vori og seiðin dreifast með straumi í kring um land. Ungloðnan heldur sig á landgrunninu fyrstu tvö sumrin, gengur þá norður í höf og kemur aftur til hrygningar eftir rúmt ár.

Smásíldin er greinilega ekki of stór fyrir lundann hér fyrir ofan en vitanlega er fullvaxin síld of mikið í fang færst fyrir lunda að sporðrenna.´

Hafró og þú kaupa þá ekki skýringu Sigurðar hér að ofan um að makríllinn sé að éta sandsílið upp til agna?

[Óskar Þorkelsson, 14.7.2010 kl. 14:33]

menn virdast ekki vilja sja samhengid...

afsakid ad eg er a norskri tølvu..

[Jón Logi (IP-tala skráð) 15.7.2010 kl. 07:08]

Loðnan er að ganga sunnan við á Þorranum. Tekur örfáar vikur. Og nú skilst mér að hún hafi verið að ganga norðar en vanalega.

Síldin og hennar sveiflur eru enn nokkuð torskildar. En varla er Lundinn að hrynja núna út af niðursveiflu í síld, þar sem svo langt er síðan að stofninn skrapp saman.

Það eru 3 atriði sem mann grunar örlítið að geti haft eitthvað með þetta að gera.

- Síldarveikin og dauðinn sem var í fyrra, svo og hinn dularfulla sveifla á sandsílinu.

- Makríllinn, sem étur annan smáfisk eða bægir honum frá.

- Það sem tengist hinu, hækkandi hitastig í lofti og í sjó og afleiðingin sem hefur áhrif á ferðir sjávardýra (migration) svo og fugla.

Varðandi  "norðurferð", þá er hellingur af strönd og landi Norðan við Dyrhólaey og Eyjar.

Var í Eyjum á Sunnudagskvöld og sá ekki Lunda, en mikið af sílamáfi. Það mætti nú plaffa eitthvað niður af honum. Ekki virtist vera ætisskortur fyrir hann við höfnina.....