Af hverju er hann svona óhamingjusamur?

Þegar að börn fá ekki það sem þau vilja reyna þau oft foreldra sína með því að grenja og láta illa. Sum jafnvel reyna að skálda upp einhverjar sögur til að réttlæta hegðun sína. Góðir foreldrar eru fljótir að átta sig "heimtufrekjunni" og ef þeir bregðast rétt við eru börnin einnig fljót að venja sig af þessu. Í uppeldinu er þetta nauðsynlegt stig til að  börn læri sjálfsaga og tillitssemi.

Það er frekar sjaldgæft að þessi bernskubrek fylgi fólki óheft yfir á fullorðinsárin, en kemur þó fyrir. Þegar það gerist einkennist framkoma fólks af frekju og yfirgangssemi. Ef að viðkomandi nær að koma sér fyrir flokkspólitík þar sem fólki ber skylda til að sýna hollustu við flokkinn,  túlka margir þennan ágalla sem festu og röggsemi. -

Fullorðið fólk sem ekki fær það sem það vill og er haldið þeim persónugalla að geta ekki látið neitt á móti sér, er yfirleitt líka óhamingjusamt. Ekki bara vegna mótlætisins sem það verður að þola heldur einnig vegna þess að jafnvel þótt það fái vilja sínum framgengt, finnur það fyrir sama tómleikanum inni í sér og áður.

Þegar að pólitíkusar í pontu alþingis reyna að ná sér niðri á andstæðingi sínum með fölskum áburði sem síðan er rækilega hrakinn en þeir þráast samt við með barnslegri heimtufrekju er það merki um slíkt tómarúm í sálinni.

Vænd um spillingu og lygar

Athugasemdir

[Guðmundur Pétursson, 7.6.2010 kl. 13:49]

Sigurður Kári er alltaf fenginn í skítverkin hjá Sjálfstæðisflokknum. Hann hefur ekkert fram að færa og er ekki nothæfur í annað. Hann var fenginn til þess að verja skipun sonar Davíðs í dómaraembætti. Það var lögbrot en Sigurður Kári varði þá skipun með kjafti og klóm í fjölmiðlum vitandi að þarna var um að ræða spillingu á hæsta stigi auk þess að vera lögbrot.

Það þarf að skoða allt sem Sigurður Kári segir í því ljósi. Hann ber ekki mikla virðingu fyrir sannleikandum.

[nafnlaus (IP-tala skráð) 7.6.2010 kl. 13:54]

Svo skal böl bætt með því að benda á annað..

 Er það sem ég les út úr þessu bloggi.  Rosalega er þetta slappur málflutningur.  En ég skil svo sem vel að illa gengur að verja óverjandi hluti.  Jóhanna ætti að fara að hypja sig.

[Guðmundur Pétursson, 7.6.2010 kl. 14:17]

Það að Sigurður Kári sé að væna aðra um spillingu er svona  svipað og að Árni Johnsen færi að saka fólk um þjófnað.  Það er soldið kómískt

[Þjófsnautur (IP-tala skráð) 7.6.2010 kl. 14:32]

Þannig að ef Árni Johnsen verður vitni að þjófnaði og tilkynnir fólki það, þá er þjófnaðurinn í lagi af því að það var Árni Johnsen sem stóð þjófana að verki?

[Guðmundur Pétursson, 7.6.2010 kl. 14:49]

Ég sagði að það væri kómískt þegar maður sem var að verja skipun dómara í embætti sem var spilling á hæsta stigi auk þess að vera lögbrot, sé að tala um spillingu varðandi launamál seðlabankastjóra.  Það kallast að kasta steinum úr glerhúsi.  Sigurður Kári hefur ekki talað um annað síðustu 5 vikur á þingi

Ég er fylgjandi því að embættisveitingar séu skoðaðar og rannsakaðar og kærðar ef svo ber undir,  en ég held ekki að það sé hlutverk alþingismanna að eyða öllum sínum tíma niður á þingi í að rífast um hvor 4-flokkana sé spilltastur að þessu leyti.

[Óskar Guðmundsson, 7.6.2010 kl. 19:16]

Þarna sennast orðatiltækin

Margur heldur mig sig. (keppni um hver er MINNST verstur)

Líkur sækir líkann heim.

Heimskt er heimaalið barn. (Jóhanna er jú alin upp þar eins og Bjarni Ben það eru bara flestir dauðir er muna eftir föður Jóhönnu á þingi)

Sækjast sér um líkir.

Það borgar sig í næstu kosningum að hreinsa þessi spilltustu 35% sem eftir eru eftir hrunið út af Siðblindraheimilinu (áður þekktu sem Alþingi)