Líklegt að Bretar gefi Je ne sais quoi mörg stig á laugardagskvöld

Þulirnir frá BBC voru alveg að fara á límingunum í kvöld þegar að níu lönd höfðu komist áfram og Ísland var ekki á meðal þeirra. Á meðan á keppninni stóð hældu þeir íslenska laginu á hvert reipi og tilkynntu að meðal breskra áhorfenda nyti íslenska lagið mestra vinsælda. Þeir önduðu léttara þegar Ísland, síðast allra skaust upp úr umslaginu.

Í öðru sæti hjá áhorfendum BBC var Albanía og í því þriðja Portúgal. Bretar fá ekki að kjósa í undakeppnunum svo þeir áttu engan þátt í á Íslenska lagið komst áfram. En ef þeir standa við stóru orðin er líklegt að Ísland fái 12 stig frá Bretum á laugardagskvöld.

Íslenska lagið í úrslit

Athugasemdir

[Hamarinn, 25.5.2010 kl. 21:38]

Vonandi ekki. Þetta er hryllingur þessi óhljóð í kerlingunni.

[Atli (IP-tala skráð) 25.5.2010 kl. 21:43]

Haha, Hamarinn hefur greinilega banana í eyrunum.

[Halla Rut , 25.5.2010 kl. 21:44]

Og nú er bara að bíða og sjá Svanur.:)

Ólíkt Hamrinum hér að ofan þá hef ég gaman að öllu sem fær fólk til að vera saman og hafa gaman.

[Hamarinn, 25.5.2010 kl. 21:49]

Ef ég væri með banana í eyrunum, þá hefði ég ekki heyrt þetta gaul í kerlingunni.

[Jóhanna Magnúsdóttir, 25.5.2010 kl. 22:29]

Hera var og er flottust!

[Hamarinn, 25.5.2010 kl. 22:42]

Verst hvað hún er skelfilega montin og leiðinleg.

[PETUR ÞORMAR (IP-tala skráð) 25.5.2010 kl. 23:04]

Nei íslenska lagið er vel sungið og á mjög góðan séns. Gaman væri að vita hvernig hollenskir sparifjáreigendur gefa atkvæði.

ÞAÐ ER BJART FRAMUNDAN!!!

[Svanur Gísli Þorkelsson, 25.5.2010 kl. 23:14]

Íslenska lagið klifrar nú  hratt upp skallann hjá veðbönkum. Það eru reyndar ekki margir veðbankar sem raunverulega taka á móti veðmálum í tengslum við Júróvisjón, en það er enginn hörgull á spám og líkum. Stærstu stökkin eftir fyrsta hlutann í undankeppninni hafa Ísland og Noregur tekið.

Ég horfði á Heru syngja á stóru breiðtjaldi. Hún tók sig vel út með maddömurnar á bak við sig. Hera siglir nú beitivind hér í Bretlandi og ég er viss um að Hún og hennar fólk mun tjalda öllu sem til er á laugardag.

[Brattur, 25.5.2010 kl. 23:19]

Hera stóð sig vel í kvöld... besti söngvarinn án vafa... en lagið er ekki gott... henni tókst að gera það betra en það er ! 

[Guðsteinn Þórhalls. (IP-tala skráð) 26.5.2010 kl. 00:03]

Ég er nú ekki mikið fyrir lagið, en þetta höfðar líklega mikið betur til yngra fólksins en mín. Annars flutti Hera þetta stórkostlega og kom vel út.

Frábært að Ísland komst áfram. Svo er það bara áfram Hera á laugardagskvöldið!

[Hörður B Hjartarson, 26.5.2010 kl. 14:54]

    Ja það væri nú ekki dónalegt , ef ykkar björtustu vonir rættust og Hera lenti í því þjóðlega 16. sæti .