Kom Kristur árið 1844?

  Á fyrri hluta 19. aldar náðu Biblíurannsóknir ákveðnu hámarki og þóttust margir sem þær stunduðu hafa komist að því að tími endalokanna væri nú loksins í námd. Margir af kunnustu sértrúarflokkum mótmælendatrúar-manna eiga upphaf sitt að rekja til þessa tíma, þ.á.m. sjöundadags aðventistar og Vottar Jehóva. Útreikningar biblíufræðinga þeirra tíma þóttu sanna að árið sem Kristur mundi snúa aftur væri 1844.

Það var ekki bara tölfræði biblíunnar sem bentu til þess heldur líka spádómar og arfsagnir bæði GT og NT. - Það sem e.t.v. einkennilegra þótti var að Hindúar, Zóroastertrúarmenn, Búddistar og Múslímar höfðu komist að sömu niðurstöðu samkvæmt útreikningum og spádómum í sínum eigin helgibókum. Á meðan kristnir væntu Krists í mætti og mikilli dýrð, væntu Hindúar Kalí, Múslímar væntu Míhdi, Búddistar væntu Maitreya o.s.f.r.

Þegar að hinn lofaði birtist ekki á þann hátt sem átrúendurnir væntu, álitu flestir að ekkert hefði gerst. Annað kom þó á daginn þótt ekki fari hátt jafnvel í dag á öld upplýsingar og tæknivæðingar.

Þeir sem hafa áhuga á hvað gerðist árið 1844 sem skiptir máli fyrir mannkynið, ættu að kynna sér efnið á þessum hér.

Athugasemdir

[conwoy (IP-tala skráð) 13.3.2008 kl. 18:49]

Það sem ég hef lesið, bendir til þess að Jésú komi að ofann mjög skyndilega og þannig að allir sem lifandi verða á jörðinni munu sjá hann .

Annars kíkti ég aðeins á annann tengilinn sem þú lést í té . En það sem ég hef lesið um þennann Báb er ekki að gefa mér mikið . Ég lít þannig á mál, að trúboð í nafni Krists sé eina gagnlega leiðin til friðaruppbyggingar og sameiningar hér á jörð .

Buddah ,Báb, Muhammed og Joseph Smith höfðu allir eitthvað til að bera, en  undir venjulegum kringumstæðum þarf maður  bara orð Guðs, og trú á son hans til að ná réttri stefnu til ríkis Guðs . Ýmsir sjálfsskipaðir spámenn eru bara til þess að rugla fólk í ríminu sýnist mér .

[Svanur Gísli Þorkelsson, 13.3.2008 kl. 19:00]

Eftir stendur samt að Bábinn (The BAB , merkir Hliðið á ísl.) kom eins og þjófur á nóttu hulinn skýjum vanþekkingar þess land þar sem hann birtist.

Það kemurfljótlega í ljós þegar að við kynnum okkur sögu og kenningar raunverulegra boðbera Guðs við falsspámennina, hvort ávetirnir eru góðir eða ekki. Ef t.d. Múhameð hefði verið falsspámaður hefði aldrei risið á kenningum hans ein voldugasta siðmenning sem sögur fara af. Það sama er hægt að segja um Buddha og Krist en ekki Jósef Smith. Sagan á eftir að sanna fyrir þeim sem ekki leggja sig eftir að kynnasér málin, hvaða áhrif kenningar Bábsins höfðu á heiminn. - Einnig kemur mikill munur í ljós þegar við kynnum okkur lífsferil hinna sönnu boðbera Guðs og berum þá saman við þeirra sem tala af sjálfum sér.

[conwoy (IP-tala skráð) 13.3.2008 kl. 19:24]

Af hverju átti Guð annars að vera að birta Muhammed einhvern annann boðskap sem er svo í bullandi ósamræmi við hinn Kristna ?

Muhammed var svo sannarlega falsspámaður, ef ekki þrefaldur svoleiðis bara !

Af ávöxtunum skulið þér þekkja þá . Hvernig eru ávextir Múhammeds ? Harla súrir virðist vera . Eða hvað finnst þér ? 

[Svanur Gísli Þorkelsson, 14.3.2008 kl. 19:15]

Hvernig svara kristnir gyðingum þegar þeir spyrja sömu spurningar, eða hversvegna birtir Kristur annan boðskap en Móses?

Hver tími og hvert landsvæði á við sín sérstöku vandræði að glíma og Guð virðist sinna þeim öllum á þann hátt sem honum best þykir. Við getum ekki verið af metast um hver lampa hans er fegurstur eða hvað mikið ljósmagn kemur frá hverjum þegar við vitum að allir lamparnir nota sömu orkulindina.

Ávextir Múhameðs er m.a fólgnir í okkar eigin siðmenningu, stærðfræði, læknisfræði, eðlisfræði, stjarnfræði, nýungar í akuryrkju, ávaxtarækt, tónlist, hreinlætisvenjum og mörgu fleiri eru beinir ávextir opinberunnar Múhameðs. Flestir af kennurum fyrstu skóla Evrópu voru Múslímar og Gyðingar.

Íslam hefur vissulega séð sinn fífil fegurri og stöðnunin, kreddutrúin og bókstafstúlkunin sem ræður för margra múslíma nú, minnir mikið á hegðun kristinna manna á miðöldum.

Í dag er Kristnin svo sundruð að hver og einn getur sagt að hann hafi höndlað sannleikann og túlkað Biblíuna eins og honum þóknast. Múslímar eru enn undir ægivaldi klerkanna og kennimannanna.

[conwoy (IP-tala skráð) 15.3.2008 kl. 16:15]

Ægivald klerka og kennimanna er ekki aðalorsök fyrir slæmum ávöxtum islam, heldur hefur koranin margt að geyma sem stuðlar ekki beinlínis að friði .

Þess vegna lít ég svo á, að muhammedstrú hafi ekkert að gera með boðbera Guðs. Og vona ég innilega að sem flestir falli frá þeirri villu, að trúa að þarna sé á ferðinni sönn Guðleg opinberun .

Jésú lagði lærisveinum sínum það í brjóst að fara og boða öllum þjóðum fagnaðarerindið, en ekki með vopnabrölti og ofbeldi eins og einkenndi "trúboð" hinna fyrstu Múhammedstrúarmanna .

Vissir lampar sem virðast lýsa mannkyni rétta leið, virðast nota sama orkugjafann en það er ekkert auðvelt fyrir hinn illa upplýsta almenning að ganga í skugga um, hvort svo sé í raun .

Jésu Kristur er lampi er fær hina einu og sönnu orku frá Guði föður sínum, og miðlar henni til okkur mannanna í gegnum Biblíuna og þá söfnuði er hana nota .

Eining mannkyns um hinn eina og sanna son Guðs, er eini lykilllinn að alheimsfriði . Með útbreiðslu á fagnaðarerindinu, í formi sjónvarps og annara fjölmiðla er þetta hægt . Muhammed, Joseph Smith, Buddah, Báb og aðrir opinberendur hafa ekkert með alheimsfriðarmál að gera, að því sem best verður séð . Sýnist sem þeir aðeins flæki og rugli málin ef eitthvað er .  

[Svanur Gísli Þorkelsson, 15.3.2008 kl. 18:56]

Eins og í Biblíunni eru ritningarnar í Kóraninum sem hvetja til friðar og sátta miklu fleiri en þær sem tilgreina undantekningarnar.

Þú getur sjálfur dæmt um það hvor leiðin er líklegri til friðar, sú að hafna með öllu trú allra þeirra milljóna (Hindúa, Búddista, Gyðinga, Múslíma og  Bahaia) sem ekki játa Kristni í því formi sem þér finnst ásættanlegt, eða að gangast við því að boðberar Guðs og trúarbrögð þeirra eru runnin af sömu rót. 

Ef að sagan hefur kennt okkur eitthvað er það að trúardeilur af þeim toga sem þú býður upp á með því að halda því fram að Kristur hafi einkarétt á sannleikanum, gera ekkert annað en að viðhalda óréttlæti og ófriði í heiminum.

[conwoy (IP-tala skráð) 15.3.2008 kl. 22:34]

Vegurinn til Guðs liggur í gegnum trú á að Jésú hafir verið sonur hans . Komi menn sér samann um þetta atriði og hlýða boðorðum sem Jésú fór eftir, hætta allar trúarbragðadeilur .

Til þess að þetta nái fram að ganga, þurfa einhverjir að ganga af sinni trú ekki satt ? 

Það er t.d ekki hægt að iðka Ásatrú, og eða Buddisma og þóknast Guði á sama tíma . Þú skalt enga aðra Guði hafa segir Drottinn sjálfur, ekki satt Svanur ? 

Menn geta sagst trúa á Guð, eins og t.d Gyðingar og Muhammedstrúarmenn, en þeir munu ekki hljóta náð fyrir Guði, ef þeir þráast við að viðurkenna ekki son hans . Eða er ritningin alveg skýr með þetta atriði annars ?

[Svanur Gísli Þorkelsson, 16.3.2008 kl. 10:37]

Þú skilur Conwoy hversvegna það er ómögulegt fyrir Múslíma að afneita Múhameð til þess að viðurkenna Krist á þessum forsendum sem þú lýsir. Það væri eins og fyrir kristinn mann að afneita Jesú til að viðurkenna Móses. - Það er rétt hjá þér að Jesú var sonur Guðs, en hann var líka mannsonurinn, og sonur þjóðar sinnar Gyðinga. Annars hefði hann ekki getað verið kominn af ætt Davíðs. -

Það þarf enginn að ganga af sinni trú til að viðurkenna Guðlegan uppruna boðbera Guðs. Þarftu að afneita kennara .þínum í fyrsta bekk til að viðurkenna kennara þinn í öðrum bekk?

Af því þú nefnir Ásatrú, þá á sá siður svo margt sameiginlegt með Gyðingdómi og Kristni að það má vart á milli sjá. Hékk ekki Óðinn á trénu til lausnar manninum, var Heimdallur ekki útvörður Guðanna sem gætti "sáttmálans", Bifrastar, brúarinnar sem tengir mannheim og ásgarð (himnaríki), eru þursarnir ekki táknrænir fyrir dýrseðli mannsins og Þór fyrir það guðlega.

Já, það er slæmt að verða trúa því ef maður á sjálfur að komast til himnaríkis,  að flestir í kringum mann "hljóti ekki náð fyrir Guði" af því þeir trúa ekki á sama veg og maður sjálfur. Það hlýtur að vera erfitt að horfast í augu við slíkan sannleika. 

Persónulega geri ég það ekki og gæti ekki gert það.

[conwoy (IP-tala skráð) 16.3.2008 kl. 20:06]

Biblían, sem er talin innihalda boðskap frá sjálfum Guði, segir mér að ég verði að trúa á að sonurinn Jésú kristur sé vegurinn til Guðs .  Á ég að trúa einhverju öðru, og þá hvers vegna . Hefur einhver annar einstaklingur í mannkynssögunni verið svo upplitsdjarfur, að segjast vera vegurinn til hins eina og sanna skapara ?

Jésú varaði við falsspámönnum, og eru þeir þá að sjálfsögðu komnir fram . Við eigum því að halda okkur við Jésú, en ekki að vera að glepjast af þessum mönnum sem hann varaði okkur við .

[Svanur Gísli Þorkelsson, 16.3.2008 kl. 21:32]

Í árdaga gerði Guð samning við mannkynið. Þessi samningur er kallaður sáttmáli og kristnir menn þekkja hann best sem sáttmálann sem Guð gerði við Abraham um að hann mundi láta alla þjóðir jarðarinnar hljóta blessun af sæði Abrahams.

Þetta var loforð Guðs um að hann mundi aldrei láta mannkynið eitt en ætíð leiðbeina því með því að senda þeim sendiboða sína sem hver á sinn hátt á hverjum tíma eru vegurinn til Guðs, sannleikurinn og lífið.

Mannkynið átti einnig að halda sinn hluta samningsins sem var að viðurkenna boðberana þegar þeir birtust og hlíða boðum þeirra.

Guð hefur alltaf staðið við sinn hluta samningsins og sent okkur í gegn um tíðina sendiboða sína sem eru þekktir sem stofnendur trúarbragða heimsins.

MAðurinn hefur hinsvegar aldrei staðið við sinn hluta og ætíð hafnað boðberunum til að byrja með og aðeins vegna þess að það var vilji Guðs, náðu kenningar þeirra fram að ganga.

Falsspámennirnir eru þeir sem hrópa "Hér er Kristur, sjáðu hér" og það eru margir svoleiðis í Ameríska sjónvarpinu t.d.

Kristur var sannarlega sá sem hann sagðist vera, en hann sagist mundi snúa aftur og það gefur hann gert. Athugaðu vandlega sönnunargögnin og þú munt komast að hinum mikla leyndardómi.

[conwoy (IP-tala skráð) 16.3.2008 kl. 21:55]

Var ekki ritað : Hann mun koma í mikilli dýrð, og hvert mannsauga mun sjá hann ?

Ef hann kom 1844 hvaða tilgangi hefur hann þá verið að þjóna síðann þá ? 

[Svanur Gísli Þorkelsson, 16.3.2008 kl. 22:12]

Bahá merkir dýrð og nafn boðbera Guðs er Dýrð Guðs. Hvert sjáandi auga, sem því miður voru ekki mörg, sáu hann. Sjáandi sjá þeir ekki, heyrandi heyra þeir ekki. Uppbygging Guðsríkis á jörð er helsta verkefni Bahai samfélagsins. Segja má að allar kenningar hans séu nú orðnar að háleitustu markmiðum heimsins.

Friður og eining, réttlæti og jafnræði. Samræmi vísinda og trúar, allsherjar skyldumenntun, alheimslegur dómstóll, sameiginlegt hagkerfi, iðnaðarréttlæti, samfélagskenningar sem virka, o.f.r. Listinn er langur og lífið er stutt.

[conwoy (IP-tala skráð) 17.3.2008 kl. 19:58]

Sagt er að Jésú muni koma eins og hann fór . Þ.e.a.s hann mun koma af himnum ofann, og margir sjá hann . Hafi hann komið af himnum ofann 1844 ,hljóta einhverjar frásagnir og vitnisburðir um það að vera einhversstaðar ?

Annars minnir mig, að ritningin segi að allir jarðarbúar muni sjá hann við seinni komuna .

[Svanur Gísli Þorkelsson, 18.3.2008 kl. 00:06]

Ástæðan fyrir því að gyðingar viðurkenndu ekki Krist á sínu tíma var að þeir voru með afar ákveðnar hugmyndir um hvernig Messías átti á birtast. Hann átti m.a. að vera voldugur konungur sem frelsa mundi gyðinga undan allri ánauð og ríkja í hásæti Davíðs af miklum mætti. Þegar Jesús útskýrði fyrir þeim að hér væri átt við annað hásæti og annarskonar vald, gátu þeir ekki skilið hann og höfnuðu þess vegna boðskap hans og stöðu.

Árið 1844 gerðust atburðir sem fullkomlega uppfylla alla spádóma nýja og gamla testamentisins fyrir þá sem hafa augu til að sjá og eyru til að heyra.

Skýin sem Kristur birtist í eru skýin sem byrgðu þeim sýn sem bjuggust við bókstaflegri rætingu spádómanna en allir sem höfðu augu, innri augu, gátu séð hann.  

[conwoy (IP-tala skráð) 18.3.2008 kl. 19:07]

Ef Jésú hefur komið 1844, hvers vegna misstu þá Gyðingar af þeirri komu líka ?

Guð er ekki það einfaldur eða ófullkominn, að hann nái ekki athygli Gyðinga að lokum .

Þætti gaman að sjá frekari útskýringar á þessu grandvarleysi Gyðinga tvisvar í röð .

[Svanur Gísli Þorkelsson, 18.3.2008 kl. 21:28]

Eins og þú eflaust veist leyfði Tyrkir sem þá réðu Palestínu, Gyðingum að snúa aftur til landsins helga með sérstakri tilskipun árið 1844. Gyðingar settu þessa tilskipun ekkert í samband við komu Messíasar eins og kristnir menn gerðu. Og þótt  spádómarnir um endurkomu Krists og Messíasar hafi rættst einn af öðrum í kjölfarið, tók heimsbyggðin lítið eftir því.

Það er ekki við Guð að sakast þótt mannkynið hafni boðberum hans í hvert sinn sem þeir koma fram. Gamla testamentið er reyndar fullt af frásögnum um hvernig minni-spámönnum hans var hafnað af Gyðingum sem samt kölluðu sig þjóð Guðs.

Þú þekkir söguna um hvernig bæði Móses og Kristur þurftu að beita kraftaverkum til að fá fólk til að trúa því að þeir væru guðlegir boðberar. Samt trúði almenningur þeim ekki þegar frá leið. Sannleikurinn er sá að ef það væri ekki fyrir áform Guðs fyrir mannkynið, mundu trúarbrögð hans ekki hafa náð rótfestu meðal mannanna. 

[conwoy (IP-tala skráð) 19.3.2008 kl. 19:12]

Að mörgu leyti vel skrifað hjá þér Svanur . 

En þegar Guð er orðinn langþreyttur á andvaraleysi manna, kemur hann með með stórt innslag, eins og t.d Nóaflóðið .,

Hann lætur heiminn ekki missa af frelsaranum tvisvar í röð . Svo ófullkominn er hann örugglega ekki .

Því trúi ég á að seinni koma Jésú verði þannig, að hún fari ekki fram hjá neinum . Einnig verða allir jarðarbúar búnir að heyra að hún sé í vændum . Guð segir að allar þjóðir fái að heyra fagnaðarerindið fyrst . Árið 1844 voru milljónir manna útum allann heim,  langt frá því að sjá trúboða nálgast sitt land .

[Svanur Gísli Þorkelsson, 20.3.2008 kl. 11:17]

"Svo blint er mannshjartað orðið að hvorki sundursprenging borgar né ummyndun fjalls í duft fær skekið í burtu sljóvgun þess" Bahai ritning

Varðandi 1844. Afsakaðu að þetta er á ensku en ég veit að þú ræður vel við það :)

Before 1804, the Bible had already been printed and circulated in fifty languages. In 1816 the American Bible Society was formed. George Stores in the newspaper, Midnight Cry, on May 4th 1843, stated that these two societies (British and American) with their innumerable branches were spreading the Gospel of Christ in every part of the world.

G.S. Faber in Eight Dissertations, which was completed in the very year of the greatest prophetic fervor, 1844, declares: "The stupendous endeavors of one gigantic community to convey the scriptures in every language to every part of the globe may well deserve to be considered as an eminent sign even of these eventful times.

[Sigurður Árnason, 23.3.2008 kl. 02:01]

Sæll Svanur

Skemmtileg kenning um endurkomu spámannsins. Ég tel að þegar er talað um endurkomu frelsarann þá sé verið að tala um að mannkyn öðlist guðsvitund. En ég er sammála þær að Báb hafði svo sannarlega góða leið til þess að koma á friði í þessum heimi og ég virði hann svo sannarlega fyrir það. Hans ávextir voru svo sannarlega til að tengja fólk saman og gera fólk víðsýnari. Það er leiðin sem mun leiða til heimsfriðar. Þótt margt í gömlum trúarritum brýtur gegn manns eigin siðferði, Þá verður maður bara að viðurkenna að ekkert trúarrit er fullkomið, það finnast gallar þar eins og í öðrum hlutum heimsins, en það þýðir þó ekki að guð sé ekki fullkominn. Maður verður samt að viðurkenna það góða í öllum trúarbrögðum, en það slæma á ekki að fá að aðhafast. Það er enginn að fara að breyta um trú því manni finnst hún vera röng því hann hefur sömu skoðun líklega á þinni trú.

Ég verð samt að segja að ég sé ósammála þér um þetta:

Ávextir Múhameðs er m.a fólgnir í okkar eigin siðmenningu, stærðfræði, læknisfræði, eðlisfræði, stjarnfræði, nýungar í akuryrkju, ávaxtarækt, tónlist, hreinlætisvenjum og mörgu fleiri eru beinir ávextir opinberunnar Múhameðs. Flestir af kennurum fyrstu skóla Evrópu voru Múslímar og Gyðingar.

Þessir koma ekki trúarbrögðunum við eins og við getum ekki kennt allar okkar uppfinningar við Krist og það verður líka að líta á að margir af vísindamönnum voru trúleysingjar. Megnið af þessum ávöxtum sem þú nefnir koma frá forngrikkjum, Kínverjum, Indverjum langt fyrir tíma Múhameðs, en það er líka hægt að finna margar uppfinningar á Mið-austurlöndum sem voru fyrir tíma Íslam.

Kveðja Sigurður

[Svanur Gísli Þorkelsson, 23.3.2008 kl. 12:57]

Sæll Sigurður.

Bahai kenningarnar gera líka ráð fyrir að mannkynið fullorðnist og komi á stofn guðlegri siðmenningu (guðsvitund)

Þessar fræðigreinar sem ég tilgreini lágu niðri sem dauðar af vestrænum mönnum.  Múhameð setur eina klausu í Kóraninn (Leitið að þekkingu þó þið þurfið af fara alla leið til Kína) og það nægði til að fræðimenn Íslam söfnuðu að sér, endurvöktu og þróuðu þessar vísindagreinar sem ég tilgreini. Þó að sjálf þekkingin sé ekki opinberuð er hvatningin til að sinna henni opinberuð. Skólar og fræðistofnanir spretta upp í kjölfarið, grísku og indversku ritin eru þýdd á arbísku og þekkingin gerð hagnýt.