Það er trú

Að ganga þar hvar enginn stígur fer
Að anda þar sem loft ei nokkurt er
Að sjá þar til er hvergi lýsir ljós
Það er trú

Að hrópa út í þögnina og næturinnar tóm
og heyra aldrei bergmálið til baka flytja óm,
en trúa samt og trúa, aftur og aftur
Það er trú

Í steinvölunum einum sjá
fagra eðalsteina
og heilan skóg hvar reistir þú
aðeins nokkra teina
Að brosa þegar augun gráta
Það er trú

Að segja "Guð ég trúi"
þá aðrir neita þér
"Ég heyri" þá enginn svarar
"Ég sé" þá enginn sér,
Það er trú.

Heyr heiftuga ást hjartans,
hinnar villtu ástar hróp;
þú ert hulinn, en samt þarna,
Ó Drottinn sem mig skóp.
Hyljir þú ásýnd þína
og hljóðni rómur þinn
heyri ég samt og sé þig vel,
ástvinur minn.
Beygðu mig í beran svörð
ég rís á ný í þakkargjörð,
ástvinur minn.
Það er trú.

Ljóðið heitir á ensku "This is faith" og er eftir Ruhiyyih Rabbani

Veggir og menn (myndljóð)

Hendur og fingur (myndljóð)

Hliðarverk Viagra

 (Þennan texta á að lesa hratt og í belg og byðu til að hann nái tilætluðum ÁHRIFUM.)

The following events occurred in 2% of patients

in controlled clinical trials;

a causal relationship to VIAGRA is uncertain.

Reported events include those

with a plausible relation to drug use;

omitted are minor events and reports

too imprecise to be meaningful:

Body as a whole:

face edema, photosensitivity

reaction, shock, asthenia, pain,

chills, accidental fall, abdominal pain, allergic reaction, chest pain,

accidental injury.

Angina pectoris,

AV block, migraine, syncope, tachycardia,

palpitation, hypotension, postural hypotension,

myocardial ischemia, cerebral thrombosis, cardiac arrest, heart failure,

abnormal electrocardiogram, cardiomyopathy.

Vomiting, glossitis, colitis, dysphagia, gastritis, gastroenteritis, esophagitis,

stomatitis, dry mouth, liver

function tests abnormal, rectal hemorrhage, gingivitis.

Anemiaand leukopenia.

Thirst, edema, gout, unstable diabetes, hyperglycemia, peripheraledema, hyperuricemia, hypoglycemicreaction, hypernatremia.

Arthritis, arthrosis, myalgia, tendon rupture,

tenosynovitis, bone pain, myasthenia, synovitis.

Ataxia, hypertonia, neuralgia, neuropathy, paresthesia, tremor, vertigo, depression, insomnia, somnolence, abnormal dreams, reflexes decreased, hypesthesia.

Asthma, dyspnea, laryngitis, pharyngitis, sinusitis, bronchitis, sputum increased, cough incided.

Urticaria, herpessimplex, pruritus, sweating, skin ulcer, contact dermatitis, exfoliative dermatitis.

Special Senses:sudden decrease or loss of hearing, mydriasis, conjunctivitis, photophobia, tinnitus, eye pain, deafness, ear pain, eye hemorrhage, cataract, dry eyes.

Cystitis, nocturia, urinary frequency, breastenlargement, urinary incontinence, abnormal ejaculation, genital edema and anorgasmia.

Verða þær að þeim?

Augnaráðið eins og ör af glerstreng. Vart sjáanleg svitaperla á efri vör þegar tungan leitar að orðum í tilbúin svör. Verða þær að þeim? Þetta brúðarslör fékk ég lánað hjá þér en þessa för fer ég ein. 

Þú mátt fylgja mér áleiðis, ekki alla leið.

Á gulu ljósi

Þetta hófst á gulu ljósi

sem von bráðar varð rautt

og rauðir sófar um bæinn allan

fögnuðu og hlógu dátt

og sinntu engu aðvörunarorðum

ungra drengja

sem enn áttu skotfæri og bombur

frá því á gamlárskvöld.

 

Þetta er hungur hjartans

sem aldrei verður satt,

og hungur hugans 

eins og fjallið bratt,

hungur líkamans

sem hvorutveggja batt.

Þingvellir

Í brjóstinu svellur ættjarðarástin

til beggja heimsálfa

þegar þú gengur Almannagjá

þar sem hver nibba angar af sögu.

Og þó þú vitir að á Lögbergi sértu óhultur

fyrir öllu nema roki og regni,

langar þig mest til að leggjast

í lautu við Skötutjörn

og dreyma langa drauma.

Hallgrímskirkja

Hár er Maríuhálsinn

og hvítur, jæja grár.

Reigir sig upp í himininn

teygir sig upp til Guðs. 

Hægt er að taka lyftu þangað upp.

Inni í þessari örk á hvolfi, 

má snúa í austur og vestur

og hlusta á lofgjörð úr fægðu stáli. 

Þetta er hús sem Hallgrím

hefði langað til að sjá

rísa á Grundartanga.

 

 

Bláa Lónið

 Bláa lónið

þar sem ellin flýtur

á grænu yfirborðinu.

Líkamsvessar þóðanna

loða við svart hraunið

og aðeins höfuð þeirra

standa upp úr lífsúpunni

er búkarnir njóta um stund

að hverfa aftur til uppruna síns

Snjóblóm

Einhversstaðar í hrjóstrinu

á hörðu gráu grjótinu

geturðu fundið þau

þar sem þau spretta á róta.

 

Það glitrar á þau

stirnir af þeim

og úr þeim drýpur

safi lífsins

í stórum hunangssætum dropum.

 

Þau heita kannski ekki neitt

en ég kalla þau Snjóblóm.

 

Einhvern tímann þegar síst varir

rekst þú á svona blóm

og þú veist að þú hefur fundið

Snjóblóm