Slæleg vinnubrögð hjá mbl.is

José Salvador Alvarenga er kallaður skipbrotsmaður af mbl.is þótt ekkert hafi verið skipsbrotið. Ef saga hans er sönn rak bát hans frá ströndum Mexíkó til Marshall eyja.

Þótt saga hans sé ótrúleg, sérstaklega í ljósi þess hversu þessi langa sjóferð hafði lítil áhrif á heilsu hans, er hún ekkert einsdæmi því árið 2006 rak þrjá sjómenn sömu leið og voru þá níu mánuði á leiðinni. Saga Jesu Vidana og félaga hans er að finna hér.

Mbl.is segir í fyrirsögn sögu José staðfesta, þótt innihald fréttarinnar fjalli að mestu um það sem ekki stenst í frásögn hans. José segist hafa farið til fiskjar í Desember 2012 við annan mann.

Hinsvegar segja yfirvöld í Mexíkó hafa saknað báts með tveimur mönnum í Nóvember sama ár, en hvorugur beri nafnið José Salvador Alvarenga. (Sem sagt engin alvara.)

Mbl.is klikkir út með að vitna í The Guardian en sú tilvitnun finnst hvergi í greininni sem þeir vísa til.

 „Það er með ólíkindum að lifa svona lengi við þessar aðstæður,“ segir einn mexíkóskur sjómaður við Guardian en bát hans rak á milli 8-9.000 kílómetra frá strönd Mexíkó til Marshall-eyja.

Saga José er um margt ótrúverðug en hún skánar ekki við það þegar fréttamenn bjaga fréttina á þennan hátt. 

Saga skipbrotsmannsins staðfest

Athugasemdir

[Halldór Egill Guðnason, 5.2.2014 kl. 10:12]

Fréttaflutningur mbl er orðinn slíkur, að nöturlegt er að fylgjast með. Metnaðarleysið algert orðið og ekki eitt einasta sinn hægt að flétta í gegnum helstu fréttir, án þess að hnjóta um prentvillur, fáránlega orðaðar fréttir og inn á milli óskiljanlegt málfar.